The Reincarnation [COMPLETE]

Chapter 30

SAPPHIRE POINT OF VIEW

            NATAPOS nito ang kaniyang kwento ngunit kesa maintindihan ay napangiwi nalang ako.

"G-ga! Ang pinapakwento ko, 'yong nangyari sa Academia habang wala ako, hindi ang nangyari sa buhay mo habang nasa malayo ako!" sabi ko saka niya hinampas na ikina aray niya bago tumayo mula sa pagkakaupo sa aking higaan.

Nang makabalik kase ako rito ay saktong nasaksihan ko ang pag atake ng mga Darkens pero akala ko lang pala 'yon dahil iyon pala ang oras na sila ay papaalis na.

Ang maganda lang siguro sa sinabi niya ay naging ligtas ang mga estudyante ngunit ang Academia ay sirang sira ang halos pitongpu't limang porsiyentong kabuuan.

"Ano kaba, parehas lang iyon," aniya na ikinailing ko nalang.

"Sabi sa'yo eh, hindi ka dapat nag titiwala sa babaeng iyan," sabi ng kakarating lang na si Dundee na naka anyong tao.

Matapos ang pangyayari ay sila nag tanong ng tungkol sa pusa, siguro ay gusto lang muna nila akong pag pahingahin dahil nga daw ay galing daw ako sa 'bakasyon', 'yon ang sabi ni Ina at Shirley ngunit ang mga mata nilang lahat ay nag niningkitan sa tuwing napapadaan kami lalo na kapag naka anyong pusa si Dundee siguro dahil kasa-kasama ko ito hanggang sa silid.

Lalo na si Clarence na kulang na lang itapon si Dundee kanina sa hindi ko malamang dahilan. Jusko, kawawang pusa.

KNOCK*

KNOCK*

"Bukas 'yan!" sabi ko bago unti-unting bumukas ng pinto ng aking silid.

"Kamahalan.." yumuko ang isang katulong na may hawak na pagkain.

Hindi kase ako nag hapunan at sinabi nalang na pagod ako at dahil pasaway ang kung sino sa kanila ay nang utos pa ng katulong.

"Si Prince Clarence po ang personal na nag handa ng mga ito dahil sabi ho niya ay kailan niyo daw pong kumain," aniya bago inilapag sa maliit na lamesa ang kaniyang dala bago muling umalis.

"Nawa'y lahat kase diba," panunudyong ani Shirley.

"Hay naku," sabi naman ng pusa.

"Umalis na nga kayo, may pag uusapan pa tayong tatlo bukas na bukas din," tunulak-tulak ko pa sila papaalis ng aking silid.

"S-saglit lang kamahalan, dito rin ang aking silid hindi ba?" ani Dundee na gusto muling makapasok sa aking silid.

"Makitulog ka muna kay Shirley!" sigaw kong sagot.

"Gusto mo ba akong patayin ni Prince Lance!?"

"Ahhh.... Di ko na problema iyon."

"WAAHHH!!! AYOKO PANG MAMATAY!!!" sigaw nito at rinig ko pa ang pag takbo papalayo.

"Baliw talaga ang isang iyon," nasabi ko nalang bago nabalingan ng tingin ang pagkaing nasa lamesa ng aking silid.

Napatitig ako dito saka nilapit at kinain, sayang kung hindi ko makakain. Bawal daw humindi sa grasya.

‘Talaga ba? O baka may iba kang rason?ʼ hindi sinasadya kong naibuga ang aking kinakain ng marinig ang boses na iyong galing sa kung saan.

Y-wa ka, Maya!!

＿＿＿

NAGISING ako kinabukasan na medyo masakit ang likod. Ilang araw na matapos ang pangyayari at hanggang ngayon ay naandito parin ako sa palasyo dahil nga malaki ang sira ng Academia ay inilipat ang ibang mga estudyante, ang iba naman ay sa kani-kanilang mga palasyo personal na tinuturuan ng mga propesor.