حبايبي اخباركم عاملين ايه بنات وامهات وحشتوني جدا والله العظيم.
والمتابعين من الرجال المحترمين اخباركم ايه؟
كل عام وجميعكم بخير🌹❤️
انا بعتذر لكل متابعين الواتباد لاني مقصره معاهم الفتره دي ولكن انا مش نسياكم ولا اقدر انسى اصحاب الفضل عليا من بداية أول فصل ف الجزء الأول.لحد دلوقتي.
انا طبعا ما كنتش اتوقع ردود الافعال دي بصراحه ان الكل زعلان ان الروايه او القصه المسلسله خلصت واحنا عارفين لكل بدايه نهايه وكويس جدا ان نهايتها على قفله حلوه ورد فعلكم على قد ما فرحني جدا على قد ما انا زعلانه انكم زعلانين. ولكن ان شاء الله نعمل حاجه جديده علشان يبقى عندي حاجات متعدده ومتميزه ان شاء الله بفضل الله ثم دعمكم لي
انا واخده اسكرينات لكل التعليقات الايجابيه والجميله وان شاء الله الادمن عندي على الجروب هيعملوا فيديوهات وشكر خاص لكل حد علق تعليق جميل ولطيف مثله تماما.
طبعا في ناس كتير بتسالني افي جديد يا مريم؟ طبعا زي ما انتوا عارفين ان انا تعبت جدا الفتره اللي فاتت في كتابه السلسله دي لانها كانت متتاليه ورا بعض مفيش فواصل ولا راحة. فانا دلوقت في اجازه مفتوحه لان زي ما حضراتكم عارفين شهر رمضان الكريم على الابواب. كل عام وانتم بخير جميعًا وبصحه وعافية يارب ❤️ و طبعا مش هافضى اكتب خالص اي حاجه . وانا قولتلهم كده برده على الجروب. وان شاء الله بعد العيد ان قدر لنا الله البقاء هفكر واكتب واي حاجه جديده هاعملها ان شاء الله . هانزل العنوان هنا على الجزء الخامس ده وهعرفكم كل حاجه و هبعتلكم اللينك زي ما اتعودت معاكم بالظبط. وان شاء الله ان شاء الله ربنا يوفقني و ارضيكم كلكم ❤️
و انا بعتذر لاي احد مردتش عليه لاني والله العظيم مضغوطه جدا الفتره دي وياريت تسامحونى وتلتمسولي العذر اهل الواتباد واهل الجروب واي جديد اعرفكم بيه قبل ما انزلها هعرفكم به ان شاء الله.
وليا رجاء وطلب خاص عندكم ياجماعه اللي يرجع يقرا الروايه من الجزء الأول تاني يا ريت نعلق ونقول راينا فيه لانهم مش واخدين حقهم في التعليقات اتمنى الدعم ❤️
وأتمنى الكل يكون بخير وسعاده دايمه.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كل عام وانتي بخير وسعاده دايمه يا أمي ❤️ ولكل المتابعين.
