رمز فرعوني...كاد ان يكون لعنه لحد من المرشدين...بسبب خطأ صغير لا يذكر ارتكبه اثاء ارشاده لبعض السياح...مما ادى لاصابته بنوع من انواع اللعنات الناتجه عن غضب الاروح الفرعونيه..."بومه مازاكونيا"
انا (جون ادوارد) انا خريج كليه اثار و مرشد سياحي...انا بحب مجالي و شغلي جدا و خصوصا اني من وانا صغير و انا بحب علم المصريات و الحضاره المصريه... بس انا حصل معايا موقف كده ...عمري ما انساه...
في يوم كنت برشد بعض السياح القادمين من مختلف الدول...و اثناء ما كنت برشدهم في مقبره و كنت بفهمهم اللي مكتوب عالحيطه من كلام هيروغليفي ... سالني احد السياح عن رمز "الانسان اللي براس بومه"...فقولتله ان البومه دي كانت رمز للاله (مازاكونيا) اله الانتقام ... و اثناء ما كنت بشرحله خبطت الازاز اللي بيحفظ جواه المومياء فرعونيه جامد ...و لاحظت ان ظهر علامات الغضب على المومياء ... بس قولت ان دي تهيؤات ... و خلاص الموضوع عدى ...
روحت البيت و نمت عشان تاني يوم الشغل و كنت تعبان جدا من اليوم.... نمت ... و حلمت بكابوس... حلمت بشخص بيقرب ناحيتي براحه و ماسك فاس في ايده و على كتفه بومه...و اول ما قرب مني ... البومه طارت قدام دماغه و اكن دماغه اتغير شكلها لدماغ بومه... و بيرفع الفاس استعدادا لضربي...
صحيت مخضوض و افتكرت اللي حصل ... و اتاكدت ان علامات الغضب دي مكانتش تهيؤات و ان فعلا المومياء انزعجت...و الاثبات الاكبر ان جاللي في الحلم اله الانتقام(مازاكونيا)...و ان دي كده لعنه اصابتني و ان روح المومياء دي هتنتقم مني بطريقة ما...
نزلت و روحت الشغل و كالعاده كنت برشد السياح ... لحد ما جه وقت زيارة المقبره دي...لاقيت نفسي اتمسمرت مكاني على باب المقبرة و مش عارف ادخل المقبره...في حاجه مخوفاني... استجمعت قوايا و دخلت...و وانا بشرحلهم جت الحته بتاعة
(الاله مازاكونيا)... و لاقيت نفسي كل ما اقول اسمه يزيد سرعة ضربات قلبي...
خلصت اليوم و خلاص مروح .... و تعبان جدا و مرهق و في نفس الوقت خايف و مش مستوعب اللي حصل... و لما كنت على بعد عشره متر تقريبا من البيت... شوفت حد كان باصص من شباك شقتي و بعد كده دخل ....طلعت علطول على الناس اللي تحتيا و قولت للراجل كان اسمه(علي) ... اخد شومه او عصايا يضرب بيها و طلع معايا البيت و الباب مكانش بيفتح... اكيد في حد جوه.... كسرنا الباب و دخلنا ....و ملقيناش حد...
و قولت للراجل اللي حصل قاللي ياعم ممكن تكون تهيؤات من تعب الشغل او كده...
دخلت نمت من كتر التعب... بس لما دخلت لاقيت ورقه عالسرير جنب المخده ....و كان ورقها غريب .... ممكن يكون ورق بردي... اه هو .... ورق بردي... فتحت الورقه ...بس لاقيتها فاضيه و عليها رسمه (اوزوريس)... ايوه هو... اله الموت عند الفراعنه....
و فجأة....حصل حاجه ميتوقعهاش حد خالص انها تحصل....
لاقيت الورقه دي....و لاقيت فيها صوره (اوزوريس) اللي هو اله الموت... و بعدها حصل حاجه غريبه... النور قطع في المنطقه كلها ...طلعت بصيت من البلكونه لاقيت في كلاب عماله تنبح تحت العماره...تحت بلكونتي بالخصوص... و اول ما شافوني قاموا داخلين العماره و طلعوا لحد باب شقتي...و قعدوا ينبحوا قدام الباب... قعدت في ركن من اركان البيت و بصوت و بنادي عالناس يمكن حد يسمعني...و فجاه النور جه ..و سمعت كزه حد بيخبط عالباب ....قومت فتحت لاقيتهم بيقولولي خير في ايه عمال تصوت و تنادي...قولتلهم اللي حصل و عالكلاب...لاقيتهم بيقولولي... بس النور مقطعش....نعم! ... ايه؟؟!.... قعدوا معايا و هدوني و كل حاجه....و بعد ما مشيوا ... لاقيت جاري(اسامه) قعد معايا و كان عايزني في موضوع... انا استغربت لاني اساسا معرفش غير اسمه...و مليش كلام معاه... قعدنا و قولتله خير .... قاللي انا كنت مرشد سياحي زيك...و حصلي اللي حصلك....قولتله هو ايه اللي حصلي...قاللي بومه، ورقة بردي، اوزوريس، مومياء فرعونيه، عدم قدرتك انك تخش الاوضه بتاعه المومياء تاني...قولتله اه هو ده اللي حصل معايا ... انت كمان حصل كده ... قاللي اه...و اقدر اساعدك بطريقه غير مباشره... عشان لو ساعدتك بطريقه مباشره....مش هيسيبوني في حالي....قولتله طب ايه قولي اي حاجه....قالي (عصفوره، 3, 4) ....قولتله انا مفهمتش حاجه...قاللي حاول هتفهم...و لو مفهمتش...هتفضل في اللعنه دي مدى حياتك... و قام ....قبل ما يطلع من الشقه قولتله...معلش صحيح... هما مين اللي مش هيسيبوك...سكت و بصلي و قاللي سلام...و مشى...
أنت تقرأ
قصص رعب 🔞🚫
Randomإذا كنت من عشاق الرعب وعالم الجن وما وراء الطبيعة فهنا المكان الأمثل ... جمد قلبك وتعمق ف القصص وتفاعل وصوت ليوصل لغيرك ولينضمو معنا إلى هذا العالم .
