قصص رعب 🔞🚫

الخبث والخبائث

قصتنا مستوحاة من قصة حقيقية .. وتقريبا كلها حقيقية لان مش هزود فيها حاجات كتيرا من عندى

القصة إسمها الخبث والخبائث .. اطلقت الاسم ده عليها لان فعلاً اللي حصل فيها .. من الخبث والخبائث

القصة بتحكي عن بنت في مقتبل العشرينات .. بتقول ان حمام بيتنا من ساعت ما سبنا بيتنا ونقلنا في البيت الجديد من حوالي سنة ونص ... واول مرة ادخل الحمام ده بعد ما نقلنا في البيت ده لقيت نقط دم علي جدار الحمام .. بس مديتش الموضوع إهتمام وقلت يمكن مش دم بس هو فعلاً دم مش حاجة تانية.. حتي بابا وماما لما شافوا قالو ده دم .. بس مسحناه عادى وعدينا الموضوع ...

في اليوم التاني
لقيت نفس بقع الدم علي جدار حيطة الحمام ويمكن زادت عن. الأول .. ندهت علي ماما عشان تشوف .. بابا  كان في الشغل وماما كانت بتصلي فلما نديت عليها مردتش .. رحت ماسحة الدم تاني وسكت ..

لكن لما جيت ادخل الحمام اللمبة كانت منورة واول ما دخلت الحمام طفت لوحدها انا حسيت بالخوف وسط الضلمة .. ولقيت حد برا بيخبط علي باب الحمام .. انا جسمي مسكت الرعشة مش عارفة ليه كنت خاسه بخوف شديد .. ولما قلت مين بيخبط سكت الخبط ومحدش رد .. لكن لقيت اكرت الحمام بتتحرك وكأن حد بيحركها من برا .. وفجأة لقيت دم كتير جاى من تحت الباب ولقيت حد بيحاول بكل قوة يفتح باب الحمام ومش عارف ..

انا عايز اصرخ ومش قادر بعيط وببكي من شدة الخوف مش عارفة انده علي ماما خايفة يحسن اللي الشئ اللي برا ده واللي بيحاول يفتح الباب خايفة يدخل ويقتلني .. سمعت صوت خطوت برا .. وفجأة لقيت ماما بتنده عليا برا الحمام .. فرديت عليها بسرعة
وكأن كنت منتظراها تنده .. وقلتلها أيوه يا ماما انا جوا استني .. لقيته بتقولي طيب ليه طافية النور عليكي اتفجأت لاني انا منورة النور قبل ما أدخل

لقيتها نورت النور والدم اللي كان جاى من تحت الباب اختفأ .. ومش عارفة انا كنت بتخيل ولا إيه بس انا متأكدة ان ممنتش بتخيل .. وأتفجأت اكتر لما خرجت وماما بتقولي ليه ما مسحتيش الدم ده من علي الحيطة ..

ازاى الدم رجع بعد ما مسحته مرتين !

في لحظة ما ماما قالت اني ازاى الدم تاني رجع علي الحيطة او جدار الحمام .. انا كنت باصه ناحية الحيطة باندهاش .. لقيت ماما قالت ابقي امسحيها كويس وسابتني ومشيت .. انا باصه ناحية الحيطة وبفكر ازاى ده حصل دى تالت مرة ترجع بقع الدم دى علي الحيطة ..

جبت الفرش وجردل المية اللي همسح بيهم الدم
وابتديت امسح الدم لرابع مرة .. لكن حصلت معايا حاجة غريبة جدا .. لقيت كل ما امسح بقع دم القيها رجعت تاني .. لقيت نفسي بعمل في الحيطة جامد عشان اطلع البقع .. لكن حسيت بدراعي ان هيقف .. او بمعني اصح ان دراعي وقف نهائي  ..

وفي لحظة النور قطع وبقيت في الضلمة .. حسيت بسخونة رهيبة ورايا وحسيت اني عايزة ابص ورايا
ولما بصيت .. يا ريتني ما بصيت شوفت منظر بشع ومرعب .. شوفت واحد لابس اسود في أسود وعينه منورة في الضلمة وكنت شايفة ضوء بسيط جاى من وراه .. عايزة اصرخ عايزة انده علي ماما او اى حد مش قادرة جسمي من شدة الخوف مش قادرة اسيطر عليه .. لقيت الشخص ده كل شوية يقرب نحيتي يقرب ويقرب لحد ما بقي قدامي ولقيته رفع ايده وبيقربها عليها .. في اللحظة دى صرخت جامد لحد ما لقيت نفسي فقد الوعي .. فوقت علي صوت ماما وهي بتقولي انت ايه اللي منيمك قدام الحمام كده ..

لقيت نفسي مش قادرة اتكلم غير اني أبكي واعيط جامد لقيت ماما خدتني في حضنها وبتقولي بحزن مالك ايه اللي حصل وجسمك بيترعش كده ليه
لما هديت شوية كده حكيتلها علي كل حاجة
وانا بحكي لقينا النور قطع في البيت كله وسمعنا باب الحمام بيقفل جامد لوحدو .. لقيت  نفسي بحضن ماما  وبقولها انا خايفة .. بابا رجع واقنعناه ان احنا نسيب البيت ده خالص وبابا وافق علي طول وحسيت ان كان  عارف حاجة وسبنا البيت ده واطرينا نرجع بيتنا القديم .. وانا لحد الان بخاف النور يقطع عليا لان كنت بتخيل منظر او شكل الشخص البشع اللي شوفته قدام الحمام ... وبكده خلصت قصتي يا اسلام

لو وصلت لحد هنا يبقي قصتنا خلصت .. من فضلكم دعم جامد وشييييير .. عشان ده اللي بيشجعني أواصل في كتابة القصص