قصص رعب 🔞🚫

موقف على الماشي

القصة اللي انا هكتبها دى ليسة من وحي الخيال .. ولكن قصة واقعية حدثت بالفعل .. القصة علي لسان الراوى بتقول ..
انا كنت طفلا صغيرة عندى سبع سنين كنت بسمع قصص وافلام الرعب كتير ولاني كنت بخاف من الضلمة لكن كنت بحب اسمع اى حاجة فيها رعب .. وكنت بقول لنفسي ان مفيش عفاريت بتطلع حقيقي زى الافلام والقصص .. لكن اللي حصل معايا اثبتلي ان حاجات بتحصل في الحقيقة بتكون مرعبة اكتر .. كان عندنا بدرون قديم كانت جدتي ام ابويا بتشيل في الحاجات بتعتها ومكانش حد بيفتحه ويقفله الا جدتي .. ومن ساعت ما جدتي اتوفت محدش فتحه .. لكن انا في مرة فتحته كانت في سلاليم خشب بنزلني للبدرون .. بس الدنيا كانت ضلمة ومش شايفة حاجة ..

البدرون كان طالع من جواه ريح وكأن في حد مشغل مروحة في اتجاهي بس الهوا بتاعها بسيط وساخن .. انا حسيت بكتمة في صدري وحسيت اني خايفة من البدرون ..
رحت نمت وسبت البدرون مفتوح .. صحيت بالليل علي صوت طفل بينده عليا .. انا قومت من النوم وكنت مفكره ان كان حلم .. لكن لما قومت الصوت كان لسه بينده عليا..

قومت عشان اعرف الصوت جاى منين .. فضلت ماشية ناحية الصوت لحد ما وصلت عند البدرون ووقفت .. الصوت كان جاى من البدرون .. انا لقيت جسمي بيتنفض وجريت علي غرفة بابا وماما ونمت معاهم وفي الصبح حكيت الحكاية لبابا وبابا قفل البدرون ومنعني اقرب ناحية البدرون تاني .