عهد الشيطان بتكون وثيقه مابين الشيطان وبين من طلب اللجوء لخدمات الشيطان وتعلم السحر الاسود والوثيقه بتتكتب بدم الي طلب خدمات من الشيطان ب الولاء والطاعه وبعمل اي شيئ يطلبه الشيطان من غير اى اعتراض وفي المقابل بيتم تسخير جندى من جنود الشيطان يعمل علي خدمة الساحر وبتكون لمدة معينه من الزمن وبعدها بيتم تسليم روح وجسد الساحر للشيطان ليكون تحت خدمة الشيطان للابد في عالمه ..قبل ما ابداء اعرفكم بنفسي الاول .. انا محمد ٢٥ سنه خريج كلية تجارة جامعة القاهرة ولدى متوفي من صغري وامى توفت بعد والدى بسنه تقريبا ما اتحملتش انها تعيش من غيرة من الزعل عليه مرضة ب السرطان لحد ما نها عليها وتوفت ولما توفت كان عندى تقريبا سنتين وخالي هو الي ربانى لحد ما بقيت راجل يتحمل مسؤولية نفسه .. ماليش في الدنيا غير مصطفي اخويه وصديق عمرى وخالي الي ربانى .. خالي شخصيه حنونه جدا وبحبه .. حياتى عاديه .. شغال في مطعم سياحى بمرتب كويس .. ببداء يومى ان بروح الشغل الساعه ٨ الصبح وبرجع الساعه ٧ مساء .. برجع البيت بغير هدومى واكل واقعد في المحل مع خالي هو محل للادوات الكهربائيه اهو منها ان باساعد خالي ومنها بتسلي .. خالي لما كنت بروحله كان بيروح البيت يستريح وينام شوية وانا كنت بكمل لحد الساعه ١٠ .. وبعد كده كان بيجيلي مصطفي بنخرج مع بعض شويه ... يعنى كنا بنقعد شويه علي كافيتريا لحد الساعه ١٢ وبعد كده ارجع البيت اقعد ساعه قدام اللاب توب بتاعى وبعدها بنام واصحي الشغل تانى يوم .. يوم روتينى جدا مافيهوش اي جديد .. لكن مش ديما الحال بيفضل علي حاله .. حياتى اتغيرت ميه وعشرين درجه بس للاسوء ومن هنا بداءة حكيتى ..
في يوم كنت راجع من بره زى العاده كانت حوالي الساعه ١٢ ... دخلت المطبخ كلت وعملتلي كوباية قهوة .. وبعدها دخلت الاوضه بتعتى ك عادتى فتحت اللاب توب .. واتصفح مواقع الانترنت علي اللاب توب وانا بتصفح حسابي علي الفيس بك لفت نظرى بوست منشور علي جروب من جروبات الرعب .. اه بالمنسبه نسيت اقول ان انا من عشاق قصص الرعب وماورائيات بصفه عامه ومحب جدا للرويات الرعب وبعشق كل كتابات الكاتب الكبير احمد خالد توفيق قريت كتير لي زى ( سلسلة ماوراء الطبيعة وسر الغرفه ٢٠٧ .. غير بقا قصص الرعب المسموعه وعلي رأسها طبعا قصص احمد يونس المسموعه .. نرجع لكلمنا مره تانى بعد ما لفت نظرى بوست منشور علي جروب لقصص الرعب وكان المنشور بيتكلم عن ( الديب ويب ) كان بيقول البوست تعريف ايه هو الديب ويب وكان مكتوب ان هو متصفح مخفي تقدر انك تتصفح اى موقع انتا عاوز تتصفحه وبتكون مخفي من اعين الحكومات وبيتمارس عليه ابشع الممرسات الغير قانونية .. زى بيع المخدرات وتجارة البشر وبيع الاطفال وغير فيديوهات غريبه غير مفهومه وغير غرف المحادثات المشبوها .. يعنى تقدر تقول ان ال ( ديب ويب ) عالم اخر عالم غريب بعيد عن العين .. وبيتم ممارسة كل شيئ غير مشروع .. وكان موجود روابط للمتصفحات الي تقدر تدخل علي عالم ( الديب ويب ) . من خلالها وكان علي رأس المتصفحات متصفح يسمى ( Tor ) وغيرها من المتصفحات الاخرة .. وكان موجود كمان شرح كامل في البوست انك ازاى تدخل وتتصفح وتدخل اى موقع تريد الدخول عليه .. انا بصراحه الفضول قتلنى وان عاوز ادخل العالم ده واكتشفه بنفسي .. بس كان عندى تردد وخوف من الي قريته .. انا الي عملته ان نزلت المتصفح عندى وحولت ان ادخل اي موقع من الي البوست اتكلم عنه بس ما قدرتش كنت بدخل علي روابط بشكل عشوائي وكان بيدخلنى علي موقع مثلا زى موقع بيتباع في المخدرات والهروين والاقراص الممنوعة التداول .. زهقت من التصفح فقفلت الجهاز ودخلت انام لان الساعه عدت ٣ الفجر ف لازم انام عشان اعرف اصحه الصبح الشغل بالفعل دخلت انام وصحيت تانى يوم الشغل وعدى يوم روتينى مافهوش اى جديد لحد ما وصلت البيت .. تذكرت موضوع البوست بتاع انبارح ف قررت ان هتصل ب مصطفي واسأله عن موضوع الديب ويب ده اهو يمكن يكون عارف حاجه انا معرفهاش .. الو يا مصطفي انا كنت عاوز اسألك عن حاجه كدة بس مش هعرف اكلمك ف التليفون ف تعاله عندى البيت عشان نعرف نكلم براحتنا .. رد عليه وقالي حاضر يا محمد ١٠ دقائق وهكون عندك .. بالفعل ١٠ دقائق ومصطفي كان بيخبط علي الباب قومت وفتحت الباب .. ورحت انا اجيب حاجه نشربها وقعدنا نتكلم .. حكتله عن كل شيئ قريته في البوست عن الديب ويب ونفس الكلام الي كان البوست بيكلم عنه هو هو نفس الكلام الي مصطفي قاله من غير اى حرف جديد .. قعدنا بقا نتكلم وندردش ونهزر .. لحد ما الساعه جت الساعه ١٠ .. نزلنا انا ومصطفي هو راح البيت وانا رحت لخالي عشان اقفل معاه المحل اصل انا انهردة ما عدتش علي خالي المحل زى كل يوم بعد ما برجع من الشغل .. قفلنا المحل ودخلنا البيت كلنا وشربنا الشاى وخالي راح ينام وانا رحت الاوضه بتعتى .. وزى كل يوم دخلت وفتحت اللاب بتاعى .. قلت لما ادخل تانى علي المتصفح الي نزلته امبارح .
فعلا فتحت المتصفح وقعدت اضغط علي الروابط بشكل عشوائي لحد ما في لحظه وانا بضغط علي رابط .. فتحلي صفحه غريب مكتوب عليه عبارة اغرب واغرب وكانت العبارة هيا ( عهود الشيطان ) قفلت المتصفح بسرعه ولكن الصفحه كل ما اقفلها تتفتح تانى مش عارف اقفلها نهائي .. وفي لحظه اتفتحت رساله غريبه من شخص مجهول .. حسيت برعب مجرد ما قريت الرساله حولت اخرج من الصفحه ما قدرتش لان مش قادر اسيطر علي الجهاز كل ما اخرج تتفتح الرساله تانى .. والرساله كانت ( اهلا بك في عالم لوسيفر العظيم اهلا بك انتظرناك كثير وجاء الميعاد لتستلم الرايه من اجدادك سأنصرف الان وسأرجع اليك في القريب ) ...
مش مصدق الي مكتوب في رساله غريبه دى و من شخص مجهول .. اى رايه الي بيتكلم عنها الشخص المجهول ده اى رايه الي المفروض استلمها اسألك كتير تدور في عقلي ولكن مش لقي اى اجابه ليها ..
زى ما الرساله الغريبه دى ظهرة في بغته اختفت في بغته ... عشان تتفتح صفحه تانى بكلام اغرب واغرب انا مش قادر ان اسيطر علي جهاز اللاب توب وله قادر ان اخرج من الصفحات استسلمت لكل الي بيحصل وكل الي بعمله ان متفرج مش اكثر وله اقل ..
أنت تقرأ
قصص رعب 🔞🚫
Randomإذا كنت من عشاق الرعب وعالم الجن وما وراء الطبيعة فهنا المكان الأمثل ... جمد قلبك وتعمق ف القصص وتفاعل وصوت ليوصل لغيرك ولينضمو معنا إلى هذا العالم .
