بناءً على طلب القُراء، قررت أنزل لكم حكايتي مع العَفـ.ـريت😈
القصة دي حصلت معايًا أنا شخصيًا وكل حرف هَتِقرَأوه حصل معايا بالفِعل.👌
أنا كنت مِرَبي قِط شـيـرازي والقِـط ده كان بيحب يخرج يلعب علي السلم مع القطط البلدي ولما بيحب يدخل بـ "ينَونَو" أوبيخبط علي باب الشقة وبنفتحله.
الكلام ده كان سنة 2015 تقريبًا، وفي ليلة شتوية الساعة 3 بليل والبيت كله ضَلمة والكل نيام مَكَنش فيه حَّد صاحي غيري وكنت سهران براجع مجموعة قصصية علي الكمبيوتر وفجأة سِمِعت صوت شِجـ.ـار قِطَط قدام باب الشقة، طبعًا أفتكرت القِط بتاعـي هو اللي بيتخـ,ـانق فقمت جَري وبمجرد ما فتحت باب الشقة الصوت سِكِت ومَلقيتش قِطَط ولا أي حاجة، قولت يمكن الصوت كان جاي مِن برة في الشارع ولا حاجة، أتحركت مِن مكاني ولسة هدخل وأقفل باب الشقة لقيت الصوت أشتغل تاني بس لقيته جاي مِن الدور اللي فوقينا، قولت يبقا القِط طلع فوق، وأبتديت أطلع السلم بكل تلقائية وعفوية وأنا بتتبع مصدر الصوت، الحيطة كانت على يميني والدِرابزين على شمالي وفيه لمبة سَهاري نورها أصفر خفيض جدًا، وأنا طالع السلم خيالي كان ظاهر على الحيطة وده شيء طبيعي، بس اللي خلاني أقف وأتجمد مكاني لما شوفت الخيال هو أن أيديه الأتنين كانوا مرفوعين لفوق والأصابع كلها كانت بتتحرك وبتلعب في كل اتجاه، رغم إن أيدي كانت ثابتة جنبي ومحركتهاش مِن مكانها، طيب أومال الخيال اللي على الحيطة ده خيال مين لو مِش خيالي!؟
حسيت زي ما يكون فيه حَّد واقف فوق في الدور التاني، رفعت وجهي وبَصيت لقيت شخص وجهه لونه أبيض بياض فَظيـع زي لون الحَـليـب وكذلك أيديه الأتنين، مالهوش شَعر ولا أنف ولا أذن ولا فم، مالهوش غير عينين واسعين جدًا واخدين أكتر مِن نصف حجم وشه ولونهم أسود وكأنهم فنجانين قهوة. المَخـلــوق ده كان واقف ورا سور دِرابزين السلم وبيبُص عليا وكأنه بيبُص مِن بَلكونة وساند على السور بتاعها، أنا كل ده شوفته وأدركته في لحظات، وبمجرد ما تشبعت بالمنظر المُـ.ـريـع ده حَسيت بِشَعر رأسي وجِسمي كله بيقف وقشعريرة موحِشة زي الكهرباء تخللت جسمي كله وجعلته يَنتَفِـض وتَنميل فَظيـع في كل أطرافي.
بدون أي مقدمات لقيت نفسي بقفز في مكاني وبعدها جريت بسرعة البرق ودخلت الشقة وقفلت الباب وصحيت كل اللي في البيت وحكيت لهم على اللي حصل وطبعًا ملامحي وحالتي كانوا خير دليل.
في البداية حاولوا يدوروا علي أي مبرر وسبب للي حصل غير إن ده عَفـ.ـريـت لكنهم مقدروش يقنعوني ولأنهم هما أصلًا ما أقتنعوش بأي فكرة تانية عشان دي مش أول مرة نلاحظ أو نَشعُـر بحاجات غريبة بتحصل على السلم ما بين شقتنا وما بين شقة الدور التاني، والحاجات دي مِش بتحصل غير في أوقات الشتاء وده اللي خلاهم يصدقوني، وحتى الجيران لما عرفوا ما أستغربوش وكأنهم مروا بتجربة شبيهة للي أنا مريت بيها لكنهم رفضوا يعترفوا بأنهم شافوا حاجة قبل كدة.
مِن بعد الموضوع ده أنا فِضِلت أكتر مِن شهرين بَخـاف أدخل البيت لوحدي، ولو كنت راجع مِن برة متأخر كنت لازم أخلي حَّد يفتح باب الشقة ويستناني، فِضِلت على الحال ده لغاية ما الموضوع عدى عليه وقت كبير ربما شهور وأكتسبت مناعة مِن الحاجات دي وده بحكم إني مؤلف روايات رُ.عـب وعايش في أجواء الفَزَ.ع باستمرار، وده اللي خلى ناس كتير تفسر إن اللي بيحصلي ده بسبب اختراقي للعالم الآخر واهتمامي الزائد بالرُ.عب والأمور الغامضة والمَحجوبة بل والتعمق فيها.
دي كانت أول تجربة حقيقية ليا مع العالم الآخر وزي ما يكون جرس إنذار عشان أبعد وما أقربش منهم أكتر، لكن مِن بعد الحادثة دي وأنا بقيت أقوى وزادتني عِناد وإصرار وتحدي، ومبقتش أعرف حاجة أسمها خـوف، بالعكس أنا بقيت هاديء وبارد جدًا في الحاجات دي وبتعامل معاها زي ما بتعامل مع أغلب البشر...
انتهت..
عايز أعرف منكم، لو أنتم كنتم في الموقف ده مَكاني، كان رد هَيكون رد فعلكم إيه؟
أو تتوقعوا إيه اللي كان ممكن يحصل لكم؟
أعملوا نجمه وشيـر "مشـاركــة" للقصة دي على صَفـاحـاتكم، وأعملوا مِنشَـن لأصدقائكُـم في التَـعلـيقــات عشان يتـرِ.عـبــوا معاكُـم. وأكتبوا لي آرائكُم.
ولو دي أول مرة تقرئوا قصة ليا أعملوا (متـابعــة) عشان توصلكم كل حكاياتي الجديدة.
#ملحوظة القط في الأخر طلع عندي الشقة ومكنش برة ولا حاجة...😈
أنت تقرأ
قصص رعب 🔞🚫
Diversosإذا كنت من عشاق الرعب وعالم الجن وما وراء الطبيعة فهنا المكان الأمثل ... جمد قلبك وتعمق ف القصص وتفاعل وصوت ليوصل لغيرك ولينضمو معنا إلى هذا العالم .
