قصص رعب 🔞🚫

الحارسة

مستوحاة من قصة حقيقية

يا استاذ اسلام أرجوك اللي هتسمعوا مني دا ياريت تكتبه بالحرف الواحد لاني انا تعبت من اللي حصلي ومن اللي بيحصلي ...

لا داعي لذكر اسمي كان عندي 15 سنة
وكان عندنا بيت قديم كنا عايزين نهده ونبنيه من تاني
بس عشان نعمل كده لازم نخرج الحاجات القديمة جدا
خرجنا كل الكراكيب والزبالة ..  ولقينا في المستخرجات
صندوق صغير مقفول وعليه قفل صغير بس شكله غريب جدا
حولنا نفتح القفل معرفناش .. بابا قال خليه بعدين نفتحه
خلصنا تنضيف بالليل كل واحد خد دش ونام من التعب
وانا كمان نمت سمع صوت فتاة تهمس باسمي وكنت لسه منمتش .. فضلت تكرر اسمي بصوت همس .. قومت انا
من علي السرير وانا بقول مين ..مين بينده عليا
لقيت كلام مكتوب عالحيطة بلون الدم .. لا ده دم مش لون الدم .. مكتوب تحذير لا تقربي الصندوق والا ستندمي
بعد ما شوفت الكلام المكتوب ده معرفتش أنام..
خوفت ان أقول لبابا او لماما اللي حصل وعن الكلام المكتوب عندي عالحيطة .. 
بس قولت لبابا ما تسيبك من الصندوق ده
قلي ليه .. قولتله أكيد بعد ما نتعب ونفتحه مش هنلاقي حاجة ... بابا قلي لا لازم نفتحه احنا مش هنخصر حاجة
بابا قعد يحاول لحد ما فتحه .. وفعلا لقينه فيه غوايش ذهب من القديم جدا .. ولقينه تحت الذهب قماشة مغرقة بالدم ... بس هنا في حاجة غريبة ازاي الدم لسه جديد ومش ناشف زي ما يكون لسه القماشة مبلولة بالدم ...
بس حسيت ان ده تهديد اني انا وعيلتي في خطر ..
بابا قال ان الصندوق ده وراه حكاية غامضة ..
بابا شال الصندوق قال بكره نشوف ايه حكايته من امي
اللي هيا جدتي .. كنت داخله الغرفة بتعتي

............
بعد ما شوفنا الدم اللي كان لسه مبللة فى المنديل اللي كان في الصندوق اللي مقفول من سنين وبابا ساب الصندوق وقال نشوف حكايته من امي بكره اللي هيا جدتي  ..

دخلت غرفتي وانا مرهقة لقيت .. لقيت واحده واقفة وشعرها نازل على وشها ولبسها مقطع ومغرق بالدم ..
انا شوفتها صرخت من الصوت لسه هفتح الباب ... ملقتش الباب ايوه ملقتش الباب لقيت حيطة مكان الباب

قلتلي انت مش هتقدري تخرجي من هنا دلوقتي
ولو صرختي محدش هيسمعك .. انا جايا باخر تحذير ليكى
اقفله الصندوق ورجعوه مكانه .. والا الدم اللي في المنديل
هيبقي مكانه دم أغلي ناس عندك ..

واختفت بصيت علي الباب لقيته رجع مكانه روحت اطمنت علي بابا وماما لقيتهم ناييمين ... قعد صاحية الليل كله وانا جسمي بيتنفض وخايفة علي بابا وماما

فالصبح بقا بابا قال النهاردة هنروح نزور جدتك ونشوف حكاية الصندوق ده ... روحنا زورنا جدتي وقولنالها على حكاية الصندوق... قالت انتوا لقيتوه
بابا قلها انتي تعرفي حاجة عن الصندوق ده يا امي ..
قالت ي بني الصندوق ده ليه حكاية طويلة وقديمة جدا ..

الصندوق ده بسببه في ناس كتيرة اتأذت لان عليه حارسة بتحرسه لانها مش عايزة حد يبيع حاجة من الصندوق ي بني
لان الذهب اللي فيه مش اي ذهب .. الذهب اللي فيه بتاع ملكة من ملوك الجن كان متجوزها جد جد جدك .. ولما جدك راح اتجوز من انسية واخد الذهب ده واعطاه للزوجة الانسية
قتلتوا وقتلتها وخدت الذهب بتاعها وشالته .. انت عارف ابوك مات ازاي .. لا يا امي مانا كنت صغير بس انتي قولتيلي انوا مات موتت ربنا .... قالت لايبني مماتش موتت ربنا ولا حاجة.. ابوك مات مشنوق وبفعل فاعل وابوك ماكنش ليه اي أعداء... انا الوحيدة اللي عرفت مين الفاعل.. الحارسة
ايوه الحارسة ي بني لان ابوك لقي الصندوق وفتحه وكان رايح يبيع الذهب اللي جواه وانا ي بني حذرته بدل المرة ألف
وهو مخدش بنصيحتي وكان رايح تاني يوم يبيع الذهب
اليوم ده لقيناه مشنوق في بالهدوم اللي كان لابسها .. ولقيت جمبيه الصندوق .. خدت الصندوق ولقحته بين الكركيب في البيت القديم لحد مانت لقيته ي بني .. اوعي ي بني تفتحه ولا تفكر تبيع منه حاجة اوعي ي بني مش هتسيبكم عاييشين ... بعد ما بابا سمع تحذير امي حسيته ما اقتنعش بكلامها ولما روحنا قال أصل احنا لو بعنا الذهب هيساعدنا نبني البيت .. ونخليه أجمل بيت وبعدين ماما بتقول ان بابا مات مشنوق ما ممكن يكون شنق نفسه ولاني لما عرفت ان مات مشنوق حاسس بحزن شديد عليه .. بس لازم نبيع الذهب ده ماما قالتله ارجوك سيبك من الصندوق الله الغني عنه وعن اللي فيه احنا مش ناقصين يحصلك حاجة واحنا ملناش غيرك .. بس بابا كان مصمم ..قال خلاص انا هاخد نص الذهب اللي فيه وان شاء الله مش هيحصل حاجة ...
قال بكره ان شاء الله هروح وابيع نص الذهب اللي فيه

روحت نمت بس شوفت كابوس ان اللي الواحده اللي شوفتها في فى الغرفة لقيتها بتشنق في بابا وفضلت تضغط تضغط لحد ما مات قومت من النوم مفزوعة علي صوت ماما بتصرخ
روحت لقيت .. لقيت بابا مشنوق ايوه مشنوق وجنبه الصندوق .. وماما لما شافت المنظر بقيت تتكلم بكلام مش مفهوم اني هيا اللي قتلته ..
قلت وانا بصرخ ..
طب أزاي يا امي اكيد لا لا اللي قاتلته الحارسة ايوه الحارسة
وللاسف الشرطة قبضت علي امي بس اخدوها علي مستشفي الأمراض العقلية لانها اتجننت وبقيت تعمل حاجات مش طبيعية وتقول انا اللي قتلت انا قتلت بصوت عالي ...
وبعد اسبوع لما ودوها المستشفي دى .. لقيوها ميتة
وجنبيها منديل عليه دم .. ايوه المنديل اللي كان في الصندوق..
والصندوق من ساعتها اختفا ..  بس يا أستاذ اسلام
هو ده اللي حصل بالحرف الواحد ....

دى نهاية قصتنا
شكرا لتقديركم علي مجهودي وتتفاعلو ومتنسوش تدوسو على النجمه ك دعم
اتمني دايماً اني اكون عند حسن ظنكم .. منتظر رايكم في تعليق وتفاعلكم .. هو اللي بيخليني أكمل