Unicode
မင်းမသိတဲ့အကြောင်းအရာတွေကို
တစ်နေ့ ငါဖုံးကွယ်နေရက်နဲ့
မင်းသိသွားတဲ့တစ်နေ့
အဲ့နေ့ရောက်လာခဲ့ရင်
မင်းများငါ့ကိုထားသွားမလား?
###############
ထိုင်နေတဲ့တစ်လျှောက်...အတွေးတွေက
ဟိုတစ်ပေါက်ဒီတစ်ပေါက်....
အဲ့တာတွေက Min Suga ဖန်တီးလိုက်တဲ့
ပဟေဠိ တွေကြောင့်လား ?
ဒါမှမဟုတ် သူနဲ့ပတ်သတ်ပြီး မေးခွန်းထုတ်ခံလိုက်ရလို့များလား ?
အလုံပိတ်ထားတဲ့ ကားဘေးမှန်ကို သူဆွဲချလို့
နေတော့ ရှေ့ခန်းက သူ့ရဲ့သက်တော်စောင့်လို့
အမည်တပ်ထားတဲ့ Kim Namjoon ရဲ့
မျက်လုံးတွေက သူ့စီအလိုလိုရောက်လာတယ်။
"ငါဒီအတိုင်း စိတ်ရှုပ်နေလို့ တံခါးဖွင့်တာ
ပိုပြီးစိတ်ရှုပ်ဖို့ကောင်းအောင် သံသယမျက်လုံး
တွေနဲ့ လာကြည့်မနေနဲ့ "
ပြောလိုက်တော့ တောင်းပန်သလိုအကြည့်မျိုးဖြင့်
အရှေ့ကိုသာ အာရုံစိုက်နေလေသည်။
သူစိတ်ကျဥ်းကျပ်တယ်....
အရင်က Vနဲ့အတူရှိနေသလိုမျိုး လုံခြုံမှုမျိုးကို
သူမရတဲ့အပြင် အခုတော့ မနှစ်မြို့စရာ
ခံစားချက်ကြီးတွေနဲ့ သူနေနေရတယ်...
အမြဲလိုလို စောင့်ကြည့်ခံနေရတာက
သေလောက်တဲ့အပြစ်ကို ကျူးလွန်ထားတဲ့
အပြစ်သားတစ်ယောက်လို...
တစ်ကယ်လို့ သူ့မှာအပြစ်ရှိခဲ့ရင် ထိုအပြစ်ဟာ
ဤလူသားအား နက်ရှိုင်းစွာချစ်မိသွားခြင်းလို့ပဲ
ပုဒ်မတပ်ရတော့မလား ။
နှလုံးသားရေးရာဌာနမှာ တစ်သက်တစ်ကျွန်းကျရမည်ဆိုသော်ငြား သူနဲ့သာဆို ကျေနပ်စွာပင်
ခံယူပါအုံးမည်။
ရင်ခုန်သံလေးတွေက ဆယ်ကျော်သက်
တစ်ယောက်လို နူးညံ့လက်ဆက်လို့နေပြီး
ရုတ်တရက်ကြီး လေထုအခြေအနေကလဲ
သိပ်သည်းဆလျော့နည်းသွားကာ သူ့အတွက်
စိတ်သက်သာရာရလာသည်။
ထိုသူသည် ဤမျှလောက်အထိ သူ့အပေါ်
စိုးမိုးနိုင်စွမ်းရှိသည်။
ကားမှန်ဘောင်နား လက်ထောက်လို့ အရင်က
ပျော်ရွှင်စရာအကြောင်းများတွေးမိပြန်တော့
ကြည်နူးမှုကြောင့် သူစိတ်လိုလက်ရပင်
ပြုံးလိုက်မိသည် ။
YOU ARE READING
𝙶𝙸𝚅𝙴 𝙼𝙴 𝙰 𝙲𝙷𝙰𝙽𝙲𝙴 ( COMPLETED )
FanfictionBoth Zawgyi & Unicode Boss စကားကဒီကောင့်အတွက် အရာရာပဲ ~~ 𝑻𝒉𝒂𝒏𝒌 𝒀𝒐𝒖♡♡♡ ☘𝒘𝒓𝒊𝒕𝒕𝒆𝒏 𝒃𝒚 Evolet_Jung
