لقيت شخص غريب واقف
أنا: أنت مين
الشخص: أنتِ اللِ مين
أنا: هو ايه أنتِ اللِ مين
في الوقت ده عزيز وأمير جُم على صوتنا
عزيز وأمير في نفس واحد: ده بيتر صاحبنا وأخو كاميليا
بيتر يبقى أخوها مش هوصفه هطلق العنان لخيالكم كانوا عايشين في سوريا وامريكا الأم امريكيه والأب سوري فخدوا الجنسيتين بااك
بصتلهم كده اللِ هو كفاية مفاجأت بقى
بيتر: وهي تبقى مين
عزيز: اسمها فاتن وأنا جبتها عشان خاطر تهتم بأمير
أنا وبيتر بصينا لبعض
أنا: أهلًا البيت نور بوجودك
بيتر: ده اكيد
أنا في سري عيل سِمج (بارد يعني)زي أختك المسلوعة
وبعدين عزيز وأمير أخدوا بيتر عشان يقعدوا معاه بعديها بخمس دقايق روحتلهم
أنا: تحبوا اعملكم حاجة
عزيز: لأ متتعبيش نفسك لو عوزنا حاجة أنا هعملها
جيت عشان أمشي وقفني صوته
بيتر: بس أنا عاوز
عزيز بصله وكذلك أمير بصو ليه باستغراب
أنا: تمام عاوز ايه
بيتر: تعرفي تعملي ايس كوفي
أنا باستغراب: اه أعرف تحب أعملك أنا كده ولا كده هعملي أعملك معايا
بيتر: ياريت
أنا: تمام أما اخلصه هجيبه عن اذنكم
روحت اعملي واعمله الايس كوفي قعدت ادندن وأنا بعمله كنت واقفه قصاد الرخامة فجيت بلف عشان اجيب المج للكوفي لقيته واقف
أنا: محتاج حاجة اجيبهالك
بيتر: مهو أكيد عادي أن أنا أقف في بيت صاحبي براحتي مش كده الدور والباقي على اللِ واخد راحته من غير ما يعمل حساب لحد
أنا عارفه أنه بيلقح عليا بس طنشت ساعتها أنا كنت مخلصه الايس كوفي مديت ايدي بيها ليه: اتفضل الايس كوفي بتاعك
خده مني وهو بيبصلي تقريبًا كان بيتفحصني عديت من جنبه وأنا واخده الايس كوفي بتاعي ومتجاهلاه وطالعه على اوضتي طلعت ودخلت الاوضة روحت عند الشباك وقعدت ابص للسما وأنا بشربه وشغلت اغنية لفيروز(عندي ثقة فيك) وقعدت أفكر هو ليه بيتر بيتعامل معايا كده مع أن احنا منعرفش بعض أصلًا وهو كل شوية هيظهرلي شخص يبوظ خطتي اوووف بجد خلصت الكوفي والأغنية خلصت حطيت المج جنبي على الكوميدينو وقولت هبقى اخده معايا بكره أما ابقى اصحى من النوم عشان اغسله نمت من التعب
عند عزيز وأمير وبيتر
بيتر: وأنت واثق أوي يا عزيز في البنت دي
عزيز: تقصد إيه
بيتر: يعني البنت دي مش مثلًا بتحاول تخرب عليك أنت وكوكي (كاميليا)
عزيز: ميتهيقليش أنا اللِ روحت عملت كده هي مأجبرتنيش
بيتر: مهو المشكلة أنه مأجبرتكش يعني عملت كده بمزاجك وأنت أصلًا ليه تعملها اعتبار وتعرفها على اوضة الكاميرات وتبرر لها موقفك
عزيز بارتباك حاول يخفيه: أبدًا ده أنا عملت كده بس عشان كاميليا ضايقتني إزاي اصحى من نومي الاقيها نايمه جنبي أنا عارف أنها متحررة بس متنساش أن أصلها سوري يعني مسلمة مينفعش تعمل كده وأنا لو فاتن شافتني بقبل حاجة زي كده هتاخد عني طبع أني مش تمام
بيتر: عالعموم حصل خير أكيد اللِ أنت شوفتوا صح عملتوا أنا جيت مخصوص عشان أصالحكم على بعض واقعد معاكوا فترة كده هظبط شغل هنا وأرجع أمريكا تاني
عزيز: تنورنا في أي وقت أنا عاوزك تعقلها وتخليها تعرف إنها مش في امريكا عشان تعمل اللِ بتعمله ده ومفروض متعملوش أصلًا عشان سُمعتها كابنت
بيتر: تمام هتكلم معاها
عزيز: يلا بقى عشان تريح عشان أنت لسه جاي من سفر أنت كده ولا كده عارف أوضتك تصبح على خير
طلع عزيز لاوضته أما عند أمير وبيتر
بيتر: شكرًا أنك بتساند كاميليا في غيابي
أمير: لا شكر على الواجب كاميليا أختي قبل ما تكون صحبتي
بيتر: حبيبِ يلا هطلع أنا عشان أنام تصبح على خير
أمير وهو بيتاوب: خدني معاك أنا كمان عاوز أنام
طلعوا وكل واحد راح على اوضته بس قبل ما بيتر يروح على اوضته راح لكاميليا اوضتها
كاميليا: هاا عملت ايه أنا سمعت كلامك وهديت عن الفكرة اللِ كانت في دماغي اللِ قولتلك عليها في الفون لما أنت قولتلي أنك هتتصرف وأنا عارفه أنك مضغوط بس مليش غيرك
بيتر: عارف أتمنى تهدي كده وتبطلي تصرفاتك الطايشة وأفكارك المجنونة عشان دي اللِ بتخلي عزيز يبعد عنك ويقرب منها وهو قالي اعقلك عن اللِ بتعمليه وهيرجعلك تاني بس أنتِ بكره صالحيه بطريقتك وأنا هظبطلك موضوع قاتن وهمشيهالك زي اللِ قبلها في أقرب وقت مش هسافر غير لما اخليها تمشي
كاميليا بحب اخوي حضنت بيتر: حبيبِ بجد مش عارفه من غيرك أنا كنت هعمل إيه
بيتر: أنتِ عارفه أنك غاليه عندي أول ما كلمتيني خدت أول طيارة وجيتلك علطول
كاميليا خرجت من حضنه وقالت
كاميليا: أما نشوف يا أنا يا أنتِ يا فاتن
مشي بيتر وسابها لأنه عارف دماغ أخته مش هتهدى غير لما تنقذ اللِ في دماغها راح على اوضته وفرد جسمه عالسرير
وقعد يفكر... فيكي إيه عشان يتشد ليكي عزيز ويبعد عن أختي أما أنتِ غريبه بشكل بس على مين الصُبح يطلع وأنا أشوف اخرك معايا ونخلص من وجودك هنا...
#بقلمي
#هاجسي_أنت
ك/ فاتن محمد ♡فُتُون♡
معلش البارت صغنون بس حرفيًا كنت مشغولة الفترة اللِ فاتت فمقدرتش أنزل حاجة أتمنى تتفاعلوا جامد عليه عشان وعد أنزل البارت11 انهاردة بليل أو فجر يوم الحد زي دلوقتي كده❤️
أنت تقرأ
My obsession is you||هاجسي أنت
Romanceالهوس الهوس زي ما هو مؤذي إلا أن إحنا بدأنا نحبه بل بدأنا نتمناه نتمنى شخص يدخل حياتنا يبقى مهووس بينا بكل تفاصيلنا بس عمر ما هيحس بالأذى ده غير اللِ طاله عمر ما هيحس الشخص أن الهوس مؤذي غير لما يجربه بس بطلتنا محستش بالأذى بل بالعكس حبته حبت الأذى...
