نزلت فاتن تعمل الغدا ليهم لأن أكيد مينفعش تعمل لحد وحد تاني لأ
وهي بتعمل الغدا كان على النار فسابته وراحت تنادي عزيز عشان يجي ياكل
في الوقت اللِ هي كانت بتنادي فيه عزيز حد جيه حط في الأكل حاجة
ومشي قبل ما فاتن تنزل وتكمل عمايل في الأكل
نزل عزيز وكلهم اتجمعوا على السفرة وبدأت فاتن تودي الأكل وعزيز كان بيساعدها
وبدأت تحط الأكل
فاتن: دوقوا بقى وقولولي رأيكم
كاميليا: طب ما تدوقي أنتِ الأول مش يمكن حطالنا فيه حاجة ولا حاجة
عزيز: مش حبيبي اللِ يعمل كده وعلى العموم هي غلطانه أنها عملت حسابكم أنا هاكل الأول يا حبيبي
عزيز وبدأ ياكل ومكمل أكل فكاميليا استغربت هي وبيتر وأمير عشان هما حطوا ملح على الأكل إزاي عزيز أكل منه
وبدأوا ياكلوا بس الغريبه أنهم لقوا الأكل حلو
فعزيز اتكلم: طبعًا انتوا مستغربين الأكل حلو إزاي ده لأن فاتن حبيبي عاملاها بأيديها خلصوا أكل وعزيز وفاتن لموا السفرة أما التلاته التانيين طلعوا على اوضة كاميليا
عزيز خد فاتن وخرجوا يشربوا نسكافيه سوا على المرجيحه
فاتن: عزيز هما كانوا مش عاوزين ياكلوا ليه واستغربوا أوي لما أنت أكلت هو فيه حاجة أنا معرفهاش
عزيز: ايوه فيه
فاتن: إيه هي
عزيز: حد منهم كان حاطط حاجة في الأكل فأنا شوفت ده من كاميرة المراقبة عشان أنا عارف أن هما مش هيسبوكي في حالك
فاتن: طب وبعدين عملت ايه
عزيز: لما أنتِ قولتيلي أنك عامله مكرونة بالصوص الأبيض بعت الحرس يجيب و دخل فضى الحلل وحط في حلل تانية حتى لو تلاحظي في الوقت ده أنا خدتك واتكلمنا شوية
فاتن: طب وبعدين هنفضل على الحال ده كتير أنا خايفة المرة الجاية متاخدش بالك وتتأذى
عزيز: متخافيش يا حبيبي طول ما أنا موجود أوعي تخافي
فاتن: ربنا يخليك ليا يا حبيبي
عزيز: اهو أنا أتمنى الأذى ليا كل يوم عشان بس تقوليلي الكلمة دي
فاتن: بعد الشر عليك ليه كده بس
عزيز: فاتن
فاتن: ايوه
عزيز: أنا عاوزك متهتميش بأي حد منهم شوفتي لما اهتمتي حصل إيه خلي بس الفترة دي تمر وأنا لما نتجوز هاخدك ونروح في مكان تاني وممكن نسافر
فاتن: طب وماما
عزيز: متقلقيش مامتك في مقام مامتي وأكيد مش هنسيبها
فاتن: تمام يا حبيبي
كملوا النسكافيه وخلصوا و طلعوا سوا وصلها عزيز لاوضتها
عزيز: تصبحي على خير
فاتن: وأنت من أهله
سابها وراح لاوضته خد شاور ونام عشان عنده اجتماع بكرة مهم
عند كاميليا في اوضتها
أمير: أنا عملت كل اللِ قولتولي عليه بس كده اللعب مع عزيز مش سهل وعلى ما أعتقد هو عرف مين اللِ عمل كده معرفش قال لفاتن ولا لأ
بيتر: معتقدش أنه هيقول أصله عاوزها تبعد عننا خالص فأكيد هيشككها فينا كلنا
كاميليا: أنا نفسي أعرف كل مرة بتنجى إزاي
بيتر: لأ مش كل مرة ناسيه الوقعة ولا افكرك
أمير: تقصد إيه
بيتر: أبدًا أقصد أنها وقعت قبل كده على السلم وده كان قضاء وقدر فنسيبها لنصيبها بقى ومش شرط كل مرة تصيب المهم أننا منبطلش محاولة ونكون حذرين في تحركاتنا عشان عزيز ميحسش بحاجة
كاميليا وأمير بشك: تمام
سابهم أمير وراح عند اوضة فاتن وخبط خبطتين
فاتن: مين
أمير: أنا كنت عاوزك في حاجة
فاتن بتفتح الباب وبتدخله بس بتسيب الباب مفتوح أمير بيدخل بيقعد على كرسي وهي بتقعد على السرير مابينهم مسافه ربع متر
فاتن: اتفضل أنا سامعاك
أمير: أنا جيت بس عشان أحذرك من كاميليا وبيتر
فاتن: إزاي مش فاهمه تحذرني منهم ليه
أمير: عشان كاميليا أكيد عاوزه عزيز يرجع لها أما بيتر فممكن يكون بيساعدها عشان هو أخوها وأنا شاكك فيهم واللِ خلاني أشك أكتر طريقة كاميليا على الغدا
فاتن بتفكير: تمام هبقى أخد حذري
أمير: هسيبك أنا بقى تصبحي على خير
فاتن: وأنت من أهله
خرج وقفلت فاتن الباب وراه هي بتفكر معرفش أصدقه ولا لأ بس كده ولا كده أنا هاخد حذري من كل اللِ موجود هنا في الفيلة روحت على السرير وحاولت أنام قعدت اتقلبت على جنبي اليمين والشمال كذا مره لحد أما نمت
كل واحد نام فيه اللِ نام بسلام عشان جواه حب وثقة في أن بكره أكيد هيبقى أحلى وفيه اللِ الكره عماه ونايم وجواه حقد حتى لأقرب الناس ليه
#بقلمي
#هاجسي_أنت
ك/ فاتن محمد ♡فُتُون♡
رأيكم يهمني ❤️
أنت تقرأ
My obsession is you||هاجسي أنت
عاطفيةالهوس الهوس زي ما هو مؤذي إلا أن إحنا بدأنا نحبه بل بدأنا نتمناه نتمنى شخص يدخل حياتنا يبقى مهووس بينا بكل تفاصيلنا بس عمر ما هيحس بالأذى ده غير اللِ طاله عمر ما هيحس الشخص أن الهوس مؤذي غير لما يجربه بس بطلتنا محستش بالأذى بل بالعكس حبته حبت الأذى...
