صباح تاني يوم على أبطالنا
صحي عزيز خد شاور ولبس عشان يروح الشركة نزل ركب عربيته واتجه للشركة وهو في طريقه اتصل على فاتن يصبح عليها
عزيز: صباح الخير يا حبيبتي
فاتن: صباح النور يا حبيبي
عزيز: عامله إيه وماما عامله إيه
فاتن: الحمدلله كلنا بخير
عزيز: فاتن اخويا و بيتر وكاميليا إحتمال يجولك قريب
فاتن: ينوروا طبعًا بس إيه سبب الزيارة
عزيز: عاوزين يجوا يشوفوكي بس برضوا خلي عندك حذر منهم
فاتن: حاضر... صح متنساش تيجي بكرة تتغدى عندنا
عزيز: تمام ماشي
عزيز: هقفل أنا عشان قربت على الشركة... سلام يا حبيبي
فاتن: في حفظ الله ورعايته
عزيز مابينه وبين نغسه: مينفعش تعرفي إني أخويا بقى مختل عقليًا
عزيز وصل الشركة أما عند أمير في الفيلة
كاميليا قامت تحضر القطار وفطروا وخلصوا فطار وقعدوا سوا في الليڤينج
أمير: هنروح لها انهاردة
كاميليا شرقت من النسكافيه: ... اشمعنا انهاردة
أمير: ده لأني مستعجل في تنفيذ الخطة
بيتر: طب هو مش مفروض تعرف قبلها
أمير: ما أنا كلمتها قبل ما أنزل وهي مستنيانا على الغدا هنخلص النسكافيه ونجهز ونروح لها
كاميليا وبيتر: تمام
خلصوا نسكافيه وكل واحد راح على اوضته عشان يجهز
عند كاميليا اتصلت على عزيز وعرفتوا فقالها إنه معرف فاتن قبله فعادي
نزلوا كلهم وركبوا العربية وتوجهوا لبيت فاتن وهما في الطريق
أمير: كاميليا حاول تشوفي اوضة فاتن مطله على إيه وايه اللِ فيها لو عرفتي تصوري يبقى فل أوي وأنت يا بيتر هتبقى معايا نستكشف المكان وكده
كاميليا وبيتر: تمام
وصلوا وفاتن رحبت بيهم وأمير مشالش عينه من عليها وكان مركز معاها لدرجة إن مامتها لاحظت كده وسألتها
مامتها: فاتن... هو أخو عزيز غريب كده ليه
فاتن: غريب إزاي يا ماما
مامتها: أصله مركز معاكي وحسسني إنه بيحبك وأنا معرفش
فاتن بتردد: مهو كان بيحبني واعترف بحبه بس أنا رفضته لأني بحب عزيز
مامتها: عشان كده ربنا يصبر قلبه وينساكي عاوزاكي تتعاملي معاه بحذر عشان ده بيحبك فاهماني
فاتن: فاهماكي يا ماما هو الأكل اخباره إيه
مامتها: قرب يجهز
فاتن: طيب أنا هسيبك واروح اقعد معاهم شويه عقبال ما يجهز وأما يجهز نادي عليا أجي اساعدك
مامتها: ماشي يا حبيبتي
راحت فاتن قعدت في الليڤينج معاهم
فاتن: واللهِ البيت نور
أمير : بوجودك
فاتن: بس احكولي اخباركوا إيه واخبار الفيلة
بيتر: إحنا بخير بس ليه سيبتينا
فاتن: مش سيبتكم أنا بس حبيت أقضي وقت مع والدتي قبل ما أتجوز عزيز
أمير: إن شاء الله تتجوزية
فاتن باستغراب: إن شاء الله
أمير بص لكاميليا بمعنى تنفذ الخطة
كاميليا: فاتن عاوز اتكلم معاكي على إنفراد ممكن
فاتن: اه اتفضلي معايا نتكلم في اوضتي براحتنا
كاميليا اتحركت مع فاتن ودخلوا الاوضة وقفلت فاتن الباب وقعدوا على السرير
كاميليا: أنا حابة اعتذر عن أي أذى سببته ليكي عارفه إن اعتذار متأخر لكن غصب عني كنت عامية معرفتش احدد موقفي ولا مكانتي عند عزيز
فاتن بابتسامه: وأنا قابلة إعتذارك وحاجة كويسة إنك تعرفي خطئك وتعتذري ومبسوطة جدًا إنك وعيتي وفهمتي الأمور
كاميليا: عقبال ما أمير يوعى
فاتن: أتمنى... يلا لأحسن شكل الأكل جهز
كاميليا: يلا
وخرجوا البنات ونزلوا تحت لقوا مامت فاتن حطت الأكل على السفرة
مامتها: لسه كنت هنادي عليكم يلا تعالوا عشان تاكلوا
بدأوا ياكلوا وخلصوا أكل وقعدوا شوية وبعدين مشيوا وهما في الطريق
أمير: هاا عرفتي مواصفات اوضتها
كاميليا: اه لما نروح هبقى اقولك عليها
كاميليا: وانتوا عرفتوا تعينوا المكان تحت
أمير: اه عرفنا رغم تركيز مامتها إلا إننا عرفنا
وصلوا الفيلة لقوا عزيز قاعد مستنيهم في الليڤينج
وأول ما دخلوا اتكلم
عزيز: كنتوا فين كده
أمير: بصله وبعدبن قال: كنا عند فاتن
عزيز: اه مراتي ومقولتليش ليه كنت روحت معاكم
أمير بتصحيح: خطيبتك، ومكناش عاملين حسابك
عزيز: تمام... تصبحوا على خير
طلع عزيز الاوضة يكلم فاتن أما أمير والباقي قعدوا في الليڤينج يتكلموا عن الخطة
أمير: واضح كل واحد هيعمل إيه
كاميليا وبيتر: تمام
أمير: طيب تصبحوا على خير هطلع أنا
بيتر: وأنت من أهله
بيتر: يلا نطلع إحنا كمان
طلعوا وكل واحد راح على أوضته عشان ينام لكن كاميليا كلمت عزيز في التلفون قبل ما تنام عن الخطة وبعدين قفلت معاه ونامت، عند عزيز كلم فاتن واطمن عليها واكدت عليه على بكرة وخلص كلام معاها ونام.
ياترى إيه أخرة الحكاية هتنتهي بسعادة ولا مفيش نهاية.
#بقلمي
#هاجسي_أنت
ك/ فاتن محمد ♡فُتُون♡
أنت تقرأ
My obsession is you||هاجسي أنت
Romanceالهوس الهوس زي ما هو مؤذي إلا أن إحنا بدأنا نحبه بل بدأنا نتمناه نتمنى شخص يدخل حياتنا يبقى مهووس بينا بكل تفاصيلنا بس عمر ما هيحس بالأذى ده غير اللِ طاله عمر ما هيحس الشخص أن الهوس مؤذي غير لما يجربه بس بطلتنا محستش بالأذى بل بالعكس حبته حبت الأذى...
