صباح تاني يوم على أبطالنا
صحيت فاتن من النوم خدت شاور وجهزت ونزلت عشان تحضر الفطار مع مامتها
عند عزيز راح الشركة وعمل كام اجتماع وغير هدومه عشان رايح لفاتن وهو خارج حس بوجود حد بيراقبه وبيتصنط عليه ففتح الباب فجأة لقى السكرتيرة في وشه
السكرتيرة بارتباك: اااأنا كنت لسه هخبط عليك عشان جدول بكرة
عزيز بشك: لأ أنا مستعجل دلوقت عندي مشوار مهم بكرة تبقي تقوليلي
السكرتيرة: تمام يا فندم
نزل عزيز من الشركة وعمل مكالمة
عزيز: عينك متتشالش من عليها لازم أعرف كل تحركتها
الشخص: تمام يا باشا
وقفل المكالمة وبدأ يسوق عشان يروح لفاتن
عند أمير في الفيلة
كانوا قاعدين هو وكاميليا وبيتر بيتكلموا عن الخطة اللِ هتتنفذ في خلال يومين
أمير: تمام يا بيتر فهمت
بيتر: اه اللِ فهمتوا إن إحنا هنخطف فاتن عن طريق مكالمة متفبركة لصوت عزيز وهو بيودعها قبل ما يموت من اللِ خاطفينه ويهددوها لو مجاتش ومعاها اوراق الملكية اللِ موجودة في خزانة الشركة هيأذوه
كاميليا: بس فاتن هتعرف إزاي كلمة السر بتاعت الخزنة
أمير: واللهِ هي وشطارتها بقى تعرفها من عزيز أو تتجسس عليه أو تجرب حظها وتخمن الرقم أنا مش دي مشكلتي أنا مشكلتي إني حاسس إن الخطة مش هتتم بسبب وجود خاين مابينا
كاميليا اتوترت: تقصد إيه (ايش تقصدي ايش تقصدي بكلامك ده)
أمير: اللِ أقصده أنت عارفاه
بيتر: أنا مش فاهم حاجة
أمير: الهانم مستغفلانه وبتقول لعزيز على كل خططتنا وفاكرة إني مش هعرف
بيتر: أنت متأكد من اللِ بتقوله ده أنت عارف أنت بتتكلم على مين
أمير: اه عارف هي غذرت بينا عشان عاوزه ترجع علاقتها بعزيز تاني مع إني كنت بخطط ليها ولينا كلنا بس هي أنانية من يومها
كاميليا بكره: فين ده أنت عمال تقول فاتن فاتن فاتن ومجبتش سيرتي أنا وعزيز في حاجة ولا خططت لحاجة أنت كل اللِ هامك فاتن مش أكتر
بيتر اتعصب وضرب كاميليا بالقلم: يعني بعد ما وثقنا فيكي بتخونينا بالشكل لأ وبتخوني مين أخوكي امشي اطلعي على اوضتك يلا
جات كاميليا تمشي بس وقفها بيتر
بيتر: استني... هات تلفونك
كاميليا: يعني إيه
بيتر: بقولك هاتي تلفونك إيه مبتسمعيش
كاميليا: اتفضل
بيتر: اطلعي يلا ولو عرفت إنك قولتي حاجة لعزيز تاني هيبقى فيها موتك سامعه
طلعت كاميليا وهي متعصبه وبتفكر هتقوله إزاي والتليفون متاخد من ايديها وهما موجودين في الڤيلة اووووف
عند عزيز كان قاعد عالسفرة بياكلوا
حماته: واللهِ يابني كان ليك واحشة
عزيز: واللهِ يا ماما وأنتِ كمان لكن مش بأيدي بحاول اخلص كل الشغل اللِ ورايا في أسرع وقت عشان معاد الفرح
حماته: صحيح هو أنت لسه محددتش
عزيز: هحاول اخليه في خلال الشهر ده
حماته: ربنا يعينك ويتمملكم على خير يا حبايبي
عزيز وفاتن: أمين
بصوا لبعض وضحكوا بعدين كملوا أكل
خلصوا أكل وفاتن ومامتها شالوا السفرة و فاتن عملت نسكافية ليهم وجابوا فيلم
مامتها قعدت شربت معاهم النسكافية وسابتهم وراحت تعمل حاجات
فاتن: تعرف إني نفسي الوقت يجري بينا وأطل بالابيض
عزيز: وأنا كمان واللهِ يا حبيبِ بس من عيوني هظبط مواعيدي ونحدد معاد الفرح
فاتن: بس متضغطش على نفسك هنروح من بعض فين يعني أنا لعزيز وعزيز إلي
عزيز بابتسامه: هي مش كانت أنا لحبيبِ وحبيبِ إلي
فاتن: لأ مش أنا قولت كده يبقى كده
عزيز: علشانك أي حاجة تتغير حتى أنا
فاتن بصتله بحب وأمان عارفين نظرة الأمان اللِ الشخص بيبص في عين شخص معين يحس أنه لقى بيته في عيونه فيحس إنه خلاص هو ده العوض
عن قسوة العالم كلها
فاتن: يلا نلعب
عزيز: تحبي نلعب إيه
فاتن بتفكير: امممم تيجي نلعب الشايب
عزيز بحماس: ماشي يلا بينا
فاتن: ماشي هقوم أجيب الكوتشينه و اجيلك
قامت جابت الكوتشينه وبدأت تفنطها وتوزع عليهم الورق وبدأت اللعب
فاتن: عارف إيه الممتع في اللعبة
عزيز: إيه
فاتن: إن سهل تعرف مين معاه الشايب بس صعب تعرف مين اللِ هيلبسوه(هيخسر يعني)
عزيز: اه طبعًا آمال
فاتن: هيهه أنا اللِ كسبت
عزيز: مقدرش أخسر حبيبِ برضوا
فاتن: لأ متنكرش أنا لبستك الشايب
عزيز: مش هنكر اهو أنت اللِ لبستيني الشايب
فاتن: أيوه كده
عزيز: ها هتحكمي عليا بإيه
فاتن: هي مش أحكام بس هنفتكر سوا كام ذكرى على كام سؤل كده
عزيز: ده إختبار بقى ماشي
فاتن: فاكر أول مرة اتقابلنا فيها
عزيز اه طبعًا فاكر لما قعدنا عشان نتفق يومها ضحكت على عصبيتك
فاتن: الله ما أكيد لازم أكون متعصبة مش كنت مخطوفة مثلًا
عزيز بضحك: خلاص خلاص أدخلي على اللِ بعضه مش عاوزين نزعل من بعض
فاتن: طب فاكر أول غدا لينا مع بعض رقصنا على إيه
عزيز بتذكر: اه افتكرت رقصنا على أغنية (Night changes) بعد خطوبتنا ودي حاجة تتنسي دي كانت من أسعد لحظات حياتي
فاتن: طيب أخر سؤالين وكدة هديك عشرة من عشرة ونجمة
عزيز بحماس: ماشي يلا
فاتن: أنا لوني واغنيتي المفضلين إيه
عزيز: الأسود و أغنية (I want to spend my lifetime loving you)
فاتن: ياربي معرفتش أمسك عليك حاجة
عزيز: شوفتي بحبك إزاي
فاتن بابتسامة: ربنا يباركلي في وجودك في حياتي
عزيز: أمين يا حبيبِ نفضل سوا
عزيز: طب أنا لازم أمشي بقى يا حبيبِ
فاتن: ليه لسه بدري
عزيز: معلش يا حبيبِ بس عشان ورايا حاجات
فاتن: ماشي ياحبيبِ
وقامت فاتن توصل عزيز وتودعه
عزيز: خلي بالك من نفسك
فاتن: حاضر يا حبيبِ وأنت كمان خلي بالك من نفسك
نزل عزيز وراح يركب العربية ولقى مكالمتين فايتين من الشخص المجهول
عزيز ركب العربية ورن عليه
الشخص: الو يا عزيز باشا
عزيز: خير إيه الأخبار
الشخص: شوفتها انهاردة قاعدة مع واحد كده هبعتلك صورته عالواتس وعينيه عسلي واللِ عرفت اسمعه أنهم بيتكلموا عن صفقة و سفر تقريبًا
عزيز فتح الواتس وشافه وقاله: تمام تمام هبعتلك حسابك على فودافون كاش
الشخص تمام يا عزيز باشا تؤمر بحاجة تاني
عزيز: لأ
وقفل معاه وقال: ماشي يا أمير أما نشوف اخرتها معاك إيه
واتحرك عزيز بالعربية للڤيلة
ودخل وطلع على اوضته لأن الوقت كان متأخر وكلهم في اوضهم
دخل اوضته وخد شاور وغير هدومه و اتصل على فاتن بطمنها إنه وصل ونام
ياترى إيه اللِ هيحصل بعدين كاميليا هتعرف تقوله على الخطة ولا لأ وأمير ناوي على إيه
عارفة إني أتأخرت عليكم جامد معلش اعذروني لا كان نفسيتي كويسة ولا حتى عندي وقت إني أفكر في محتوى البارت وانهاردة قررت إني لازم أحتفل معاكم بعيد ميلادي واعملكم بارت جديد يرجعلي شغفي ويرجعكم ليا تاني وبصراحة الأبطال كانوا واحشني أويييي
#بقلمي
#هاجسي_أنت
ك/ فاتن محمد ♡فُتُون♡
أنت تقرأ
My obsession is you||هاجسي أنت
Dragosteالهوس الهوس زي ما هو مؤذي إلا أن إحنا بدأنا نحبه بل بدأنا نتمناه نتمنى شخص يدخل حياتنا يبقى مهووس بينا بكل تفاصيلنا بس عمر ما هيحس بالأذى ده غير اللِ طاله عمر ما هيحس الشخص أن الهوس مؤذي غير لما يجربه بس بطلتنا محستش بالأذى بل بالعكس حبته حبت الأذى...
