أنا بلجلجة: اللِ حصل أن أنا ذكرت أخته وقولت أنها مش كويس وذكرت حاجات تانيه وبيتر حذرني وقالي مقربش منك ولا منها بس ده كل حاجة
عزيز: متأكدة
أنا بكدب: ايوه هو ده كل اللِ حصل
عزيز كان هيمشي بس وقفه صوتي
أنا والدموع بتبدأ تتجمع في عيوني: عزيز لو سمحت أنا عاوزه أمشي أنا تعبت من وجودي هنا تعبت من كل حاجة وزهقت وحشتني حياتي مع ماما حياتي الطبيعية من ساعت ما جيت هنا وأنا بصارع حاجة أنا مش فاهماها ارجوك أوعى تقولي أن مش هينفع ارجوك وافق وسيبني أمشي
عزيز: تمام جهزي حاجتك
أنا بحزن: تمام
عزيز سابني ومشي وأنا قعدت اعيط لأن ولأول مرة أبقى عاوزه أقعد عاوزه أفضل بس الجميلة مشيت وسابت الوحش وأنا كنت متوقعه حاجة زي كده بس مكنتش عاوزاها دلوقتي جوايا شعور متلغبط وحاسه أن دماغي هتنفجر من كتر التفكير على العموم ده أحسن ليا أني أبعد عن مشاكلهم وعن الإمبراطورية دي مع أني كان نفسي أعرف أسرارها بس يلا مفيش نصيب
قومت غسلت وشي ونزلت لقيتهم كلهم قاعدين في الريسبشن مركزتش ودخلت اعملي اكل و نسكافيه لأن دماغي مصدعة لقيت أمير جاي عليا
أمير: عامله ايه دلوقت
أنا: الحمدلله بخير
أمير: صحيح اللِ سمعته من عزيز
أنا: هو ايه
أمير: أنك عاوزه تمشي
أنا: اه صح
أمير: ولو قولتلك تقعدي عشان خاطري
أنا: خاطرك عندي غالي بس أنا لازم أمشي مهمتي انتهت خلاص وأنا تعبت من وجودي هنا وعاوزه أمشي أروح لماما اللِ اتلهيت عنها بسبب اللِ بيحصل هنا
أمير: عندك حق إحنا فعلًا تعبناكي معانا كان نفسي تحسي بقلبي اللِ حبك من أول مرة شافك فيها كان نفسي تفضلي متمشيش هو أنتِ بتحبيني ولا أنا بالنسبالك كنت مجرد شخص عابر في حياتك وبس
أنا باستغراب لجرأته دي وفي نفس الوقت حزينه عليه: الحقيقة أنك عزيز على قلبي ولا يمكن كنت اعتبرك شخص عابر أنا كنت فاكره أني بحبك لكن مع الوقت اكتشفت أني بعتبرك الشخص اللِ برتاح في الكلام معاه ومببقاش حزينه وأنا معاه
أمير: وياترى الشخص اللِ بتحبيه يبقى عزيز أخويا صح
سكت ومردتش عليه وهو سابني ومشي وأنا فضلت واقفه محتاره ومش عارفه اعمل ايه خايفه يحصله حاجة خلصت الفطار وبدأت أكل بس نفسي مسدودة روحت سيبت الأكل وعملتلي نسكافيه وطلعت اشربوا بره في الجنينه عالمرجيحة في حد جيه قعد جنبي بس محستش بيه
لحد أما هو أتكلم
بيتر: أنا عرفت أنك ماشيه
خدت تنهيدة ومردتش عليه
بيتر: عالعموم كويس أنك قررتي تمشي لأن أنا اللِ كنت همشيكي
بصتله باستحقار ولفيت وشي تاني
بيتر: عالعموم جيت أقولك إن مامتك خلاص أنا مش هأذيها بس لو فكرتي تقربي من عزيز تاني أنا ساعتها مش هسمي على مامتك
سابني ومشي وأنا قومت بعديه بخمس دقايق دخلت غسلت المج وطلعت على اوضتي وبدأت ألم حاجتي في شنطة السفر بعد أما خلصت خدت الشنطة وركنتها على جنب وطلعت هدوم ليا عشان ألبسها وأمشي دخلت أغير هدومي في الحمام
لبست وخلصت لبسي ونزلت عشان أكلم عزيز أني همشي
لقيته واقف بره في الجنينه بيعمل مكالمة روحتله ووقفت قصاده خلص المكالمة
عزيز: عاوزه حاجة
أنا: اه... أنا همشي انهارده أنا جهزت شنطتي ولبست اهوو
عزيز: هو أنا مش قولتلك تستني عشان أجهز حاجات كده عالعموم هاتي شنطتك وتعالي عالعربية بتاعتي عشان أوصلك
مشيت من قدامه وروحت أودع أمير خبطت خبطتين على باب اوضته محدش فتح خبطت تاني برضوا محدش فتح فتحت الباب ملقيتش حد قعدت أنادي وأقول يا أمير أنت فين ملقتش رد خرجت من الاوضة وروحت اوضتي لقيته هناك
قربت منه بهدوء وهو لاحظ وجودي
أنا: أمير أنا... أنا همشي دلوقتي أنا جيت عشان أودعك
أمير بصلي بحزن فجأة وبدون سابق إنذار حضني أنا اتخشبت في مكاني بعدين لقيته بيبعد وسابني ومشي خدت شنطتي وبدأت أتحرك ونزلت بيها درجة ورا التانيه لحد أما لقيتني معرفش اتكعبلت في إيه في حاجة كعبلتني خلتني أخد السلم كله من أوله لأخره وشنطتي بتقع جنبي وفي نهايته وقبل ما عيني تقفل شوفت عزيز وهو جاي بيجري عليا
فوقت معرفش بعد قد إيه لقيت عزيز جنب مني وهو حس بحركتي
فأتعدل من قعدته واتكلم : الحمدلله كنت خايف أني أفقدك
أنا بصوت واهن: هو أنا فين وأنت مين
عزيز: إيه أنتِ مش عارفاني إزاي
أنا: أنت مين
عزيز بحزن: أنا ع..زيز وأنتِ بقالك أسبوعين في غيبوبة الدكتور مقدرش يطمنا عليكي كويس وقال أنه ميعرفش هتقومي امتى ومفروض يتعملك فحوصات بعد أما تقومي أنا هتصل بيه عشان يجي يعمل الفحوصات خرج عزيز من الأوضة وسابني...
معقولة فاتن فقدت الذاكرة ومين سبب وقوعها...
#بقلمي
#هاجسي_أنت
ك/ فاتن محمد ♡فُتُون♡
رأيكم يهمني وادعموني فضلًا واتفاعلوا عليها وكل سنه وأنتم بخير ويعود عليكم بالخير يارب ❤️
أنت تقرأ
My obsession is you||هاجسي أنت
Romanceالهوس الهوس زي ما هو مؤذي إلا أن إحنا بدأنا نحبه بل بدأنا نتمناه نتمنى شخص يدخل حياتنا يبقى مهووس بينا بكل تفاصيلنا بس عمر ما هيحس بالأذى ده غير اللِ طاله عمر ما هيحس الشخص أن الهوس مؤذي غير لما يجربه بس بطلتنا محستش بالأذى بل بالعكس حبته حبت الأذى...
