صباح تاني يوم على ابطالنا
كاميليا صحيت نزلت عشان تشوف الفطار بتبص على الجنينة لقت عزيز وفاتن بيفطروا سوا
فلاش باك
عزيز بيخبط على اوضة فاتن
فاتن بنعاس: ايوه مين
عزيز: أنا يا حبيبي أدخل
اتعدلت فاتن على السرير وقعدت: ايوه أدخل
عزيز دخل وقفل وراه الباب جيه وقعد على طرف السرير
عزيز: نوم الهنا يا حبيبي أنا
فاتن: يا رايق أنت
عزيز: ومبقاش رايق ليه مش أنتِ معايا هعوز إيه من الدنيا
فاتن: إيه الدلع ده كله حيلك حيلك عليا ده احنا لسه الصبح شكلك عاوز حاجة قول قول متتكسفش
عزيز: معقول قفشتيني كده بسهولة... بصراحة عاوزك تنزلي تفطري معايا
فاتن: طب ما كنت قولت كده من بدري أنت لو عارفني هتعرف أني بحب الأكل
عزيز: يعني موافقة
فاتن: اه يا حبيبي أنزل أنت وأنا هحصلك
عزيز: قولتي إيه
فاتن باستعباط: قولت اه يعني موافقة
عزيز: لأ اللِ بعديها
فاتن: يعني سمعت خلاص مبحبش أعيد كلامي
عزيز وبدأ يقرب: وأنا مش هسيبك غير لما تقوليها
عزيز بيقرب أكتر وخلى وش فاتن عند كتفه
عزيز: قولهالي كده في ودني عشان سمعي ضعيف
فاتن عاوزاه يبعد وعارفه أنه مش هيبعد غير لما تقولها
فاتن بهمس: حبيبي
وبعدت عنه فضل هو باصص لها
فاتن: الفطار
عزيز: إيه
فاتن: إيه أيه الفطار
عزيز: اه صح الجميل نساني وشقلبلي كياني
عزيز قام عشان يروح يجهز الفطار وهو بيغني أنا لحبيبي وحبيبي ألي
فاتن ابتسمت و دعت من كل قلبها أنه يفضل جنبها ويحبها
وقامت تاخد شاور وتلبس
عند عزيز كان بيبدع في الفطار وعامل البيض على شكل قلب ومزين الدنيا وبيطلع صينية الأكل على الجنينة وكانت في الوقت ده فاتن بتنزل على السلم
عزيز وقف قصادها: مش معقولة هقابل القمر ده كل يوم
فاتن ابتسمت: يلا عشان الفطار
ومشيوا سوا وهما بيضحكوا
قعدوا وبدأوا ياكلوا
فاتن كانت بتاكل وعزيز بيبصلها
عزيز: اوعديني وعد نفضل أنا وأنتِ مع بعض ومنسبش أي حد يفرقنا
فاتن: أوعدك بس أتمنى ننفذ الوعد
عزيز: بوعدك أفضل أحبك لحد أخر نفس اتنفسه
فاتن: أتمنى أني مصحاش من الحلم الجميل ده
عزيز بيمسك أيديها: أنا عاوزك تصدقي أن دي حقيقة اه عمرها ما تتصدق بس هي دي الحقيقة
سحبت أيديها بكسوف وبدأت تاكل وهو رجع يكمل أكل
خلصوا وفاتن كانت هتقوم تودي الأكل بس عزيز وقفها وقال
عزيز: سمو الأميرة اسمحيلي انهارده اخدمك أنا
هي ابتسمت وقعدت تاني وهو راح يودي صينية الأكل
لقى كاميليا في المطبخ مهتمش بوجودها أو الأصح مش معتبرها موجوده
دخل الصينية وكان بيحط حاجات في التلاجة
قفل التلاجة وبيلف لقى كاميليا في وشه
عزيز جيه يتحرك راحت كاميليا محاوطاه
كاميليا: أنت حتى مقولتش صباح الخير
عزيز: وهيجي منين الخير وأنتِ موجوده
كاميليا بدلع: ده أنا الخير كله
عند فاتن
فاتن: هو عزيز أتأخر ليه أما أقوم أشوفه واعملنا اتنين نسكافيه
فاتن قامت واتحركت وكانت هتدخل الفيلة بس لاحظت كاميليا وعزيز مقربين لبعض حست بالغيرة رغم أنها عارفه هو بيحبها إزاي وأنه انفصل عن كاميليا عشانها بس حست بالغيرة أصل هي ست والست طبيعي تحس بالغيرة لأن طبيعتها كده الغيرة مش نقص ولا قلة عقل الغيرة هي دليل على المحبة لكن لو وصلت للشك فالمحبة هتنشك وهتطير
دخلت فاتن وهي بتقول بصوت عالي نسبيًا
حبيبي أنت اتأخرت عليا ليه
ساعتها عزيز زق كاميليا وقال وهو بيقرب لفاتن
عزيز: أبدًا يا حبيبي وأنا أقدر ابعد عنك ده بس دبانة كانت مضايقاني وأنا كنت بهشها بعيد
فاتن وهي بتبص لكاميليا: أما دبانه وحشة بصحيح لما تشوفها تاني ابقى قولي عشان أرش عليها بيرسول اياكش تموت ونخلص منها أصل اللِ يضايق حبيبي مبتفاهمش معاه
مشيت كاميليا وهي هتنفجر من الغضب
عزيز بيبص لفاتن وبيضحك
فاتن: بتضحك على إيه
عزيز: أبدًا أصل فيه واحده مولعه من الفيرة
فاتن بتبصله بتبريقة وبتهز في نفسها
عزيز: أهدى يا حبيبي أنت اللِ في القلب ومفيش غيرك معاه المفتاح
فاتن: اه كل بعقلي حلاوة
عزيز: تعالي بس اعملك نسكافيه تروقي نفسك بيه
فاتن: أنا أصلًا كنت جايه أقولك تعملنا
وراح عزيز يعملهم النسكافيه وفاتن كانت بتتفرج عليه
عند كاميليا
راحت على اوضة بيتر لقت أمير هناك
بيتر: قبل ما تتكلمي أنا شوفت كل حاجة من الشباك أهدي واحكيلنا إيه اللِ حصل بعديها
كاميليا خدت نفس وخرجتوا: مفيش هما بس بيحاولوا يقللوا مني بقى أنا يتقال عليا أني دبانه على أخر الزمن لأ ومن مين من عزيز لما أنا دبانه هي تبقى إيه أقولك هي ولا حاجة
بيتر: عندك حق أهدي هنبتدي في خطتنا وحده وحده وبعدين نصدمه فيها ونصدمها فيه
كاميليا: أنت تقصد نشككهم في بعض لحد أما كل واحد يطلب أنه يبعد عن التاني
بيتر: ايوه بالظبط كده
بيتر: مالك يا أمير
أمير: لأ أبدًا مفيش أنا معاكوا شوفوا هتعملوا إيه وأنا معاكم
بيتر: تمام لما نحتاجك هنقولك
أمير: تمام هسيبكم أنا بقى
سابهم أمير وكان متجه لاوضته وهو بيفكر في فاتن وهو مضايق... مضايق أنها ناسيه هما كانوا قريبين من بعض إزاي اه مكانوش بيحبوا بعض بس على الأقل قريبين دخل وقفل الباب وراه وكان بيتجه للسرير وبدل ما يرجع عن اللِ بيفكر يعملوا ويصلح صورته قدام عزيز وفاتن عاند وقال: قريب أوي هنهي العلاقة دي
ياترى هتنجح خطتهم ولا رباط الحب مابين عزيز وفاتن صعب أنه يتفك
#بقلمي
#هاجسي_أنت
ك/ فاتن محمد ♡فُتُون♡
رأيكم يهمني❤️
أنت تقرأ
My obsession is you||هاجسي أنت
Romanceالهوس الهوس زي ما هو مؤذي إلا أن إحنا بدأنا نحبه بل بدأنا نتمناه نتمنى شخص يدخل حياتنا يبقى مهووس بينا بكل تفاصيلنا بس عمر ما هيحس بالأذى ده غير اللِ طاله عمر ما هيحس الشخص أن الهوس مؤذي غير لما يجربه بس بطلتنا محستش بالأذى بل بالعكس حبته حبت الأذى...
