صباح تاني يوم على ابطالنا
صحي عزيز وراح شركته وهيفطر هناك ده لأنه مستعجل
عند أمير صحي لقى بيتر قاعد في الليڤينج وكاميليا بتحضر الفطار راح يقعد مع بيتر عقبال ما تخلص
بيتر: سمعت صوتك عالي وسمعت صوت عزيز بس محبتش اتدخل عشان الأمر ميسوؤش أكتر من كده
أمير: كويس إنك متدخلتش
بيتر: طب وهنعمل إيه بعد أما نقلها لبيت مامتها
أمير بخبث: عادي جدًا هنروح نزورها إحنا برضوا أهل العريس ولا إيه
بيتر: يعني هنزورها هي دي يعني خطتنا إيه لزمتها
أمير: هقولك إيه الخطة من الزيارة، دي مش مجرد زيارة بس نفطر الأول وهقولك
بيتر: تماام
كاميليا: تعالوا يلا عشان تفطروا
قعدوا يفطروا وخلصوا فطار وقامت كاميليا تعمل نسكافيه ليهم عشان يبدأوا يتكلموا في الخطة، خلصت كاميليا النسكافيه وراحت بيه على الليڤينج
وبدأ أمير يتكلم
أمير: إحنا هنحاول نشغل عزيز في يوم عن طريق إجتماع في بلد تانية أو شغل أيًا كان إيه لازم ينشغل احنا هنروح الاول زيارة لفاتن في بيت مامتها ونشوف الوضع ماشي إزاي هناك والبيت متأمن إزاي عشان إحنا هنأجر ناس يخطفوها بعد ما نعرف خبايا بيت مامتها وفي اليوم اللِ هتتخطف فيه لازم عزيز يكون مسافر وإحنا هنكون قاعدين عادي جدًا في الفيلة وبنروح ونيجي وأنا هعدي عليها بين الحين والحين وطبعًا هاخد حذري لحد أما افاجئ عزيز بجوازنا أنا وفاتن
بيتر: الخطة تمام بس كاميليا هتستفاد إيه
أمير: هيبقى عزيز ليها وفاتن مش هتبقى معاه وهي تلعب عليه بطريقتها بقى وترجعه ليها تاني
كاميليا كانت قاعدة مركزة معاهم في صمت فبيتر لاحظ كده فاتكلم
بيتر: تمام يا كاميليا عاجباكي الخطة ولا إيه الدنيا
كاميليا بشرود: ها اه عاجباني، هاستأذنكم أنا هطلع أريح شوية
كاميليا طلعت اوضتها تريح
عند فاتن فطرت هي ومامتها وعملت نسكافيه ليهم وقعدوا مع بعض يشربوا في الليڤينج
مامتها: صحيح يا بنتي هو عزيز هيعمل الفرح امتى
فاتن بضحك: إيه يا ماما يعني أنتِ خلاص زهقتي مني ولا إيه
مامتها: لأ يحبيبِ أنا بسأل بس عشان عاوزه اطمن عليكي
فاتن بتردد: بصراحة يا ماما أنا مش عارفه عزيز مقاليش حاجة لسه
مامتها: طب إزاي ده لأ طبعًا لازم يحدد ابقي اعزميه بكره ولا بعده عندنا على الغدا وهبقى اتكلم معاه
فاتن: ما بلاش يا ماما عشان مزعجهوش
مامتها: متقلقيش أنا همهدله بس الطريق مش أكتر وهو يعمل اللِ يريحك ويريحه
فاتن: حاضر يا ماما
عند عزيز جيه من الشركة مرهق بسبب ضغط الشغل اللِ عليه عشان هو قصر في الشغل شوية واتراكمت عليه مشاريع طلع خد شاور ولبس وراح يكلم فاتن في الفون عشان يطمن عليها بعد أخر مرة كلمها كانت الصبح وهو رايح الشركة
فاتن: الو يا حبيبِ
عزيز: إيه يا حبيبتي أخبارك إيه ويومك كان عامل إزاي
فاتن: قومت وفطرت أنا وماما وشربنا النسكافيه أنت عارف أنا وهي بنحبوا واتكلمنا شويه واتفرجنا على التلفزيون واهو كنت لسه هكلمك لقيتك كلمتني
عزيز: القلوب عند بعضها
فاتن: أنت بقى أخبارك إيه
عزيز: كله تمام يا حبيبِ عندي ضغط شغل بس مش أكتر
فاتن: لأ حاول تريح نفسك شوية
عزيز: هحاول حاضر
فاتن: عزيز... أنت وحشتني
عزيز: وأنتِ كمان وحشتيني اوي
فاتن: طب بما إني واحشاك تعالى طل عليا
عزيز: حاضر هحاول في أقرب وقت هجيلك
فاتن: أقرب وقت اللِ هو بعد بكره هتيجي وهتتغدا معانا أمين
عزيز: أمين ولد أبو جليل ولا أمين ولد أبو الطحاوي
فاتن: ماشي يا عزيز أنا كده اتطمنت عليك وهستناك تجيلي
عزيز بضحك: تمام يا حبيبِ... هتوحشيني
فاتن: وأنت كمان هتوحشني... تصبح على خير
عزيز: وأنتِ من أهلي
فاتن ضحكت وقفلت الخط وسابت التليفون على الكوميدينو ونامت
عند عزيز صوت خبط خفيف على الباب
عزيز: مين
صوت الخبط بيكمل تخبطيت على باب اوضته فاضطر أنه يفتح الباب يشوف مين لقى كاميليا في وشه دخلت وقفلت الباب
عزيز: إيه اللِ أنتِ بتعمليه ده وإيه اللِ جايبك في الوقت ده
كاميليا: في موضوع مهم لازم أكلمك فيه
عزيز: ومصبرتيش ليه لحد بكره
كاميليا: الموضوع مفيهوش صبر
عزيز: هاتي اللِ عندك واطلعي من الأوضة ومتجيش في وقت زي ده تاني
كاميليا: رغم المعاملة دي بس عارف أنت عندك حق فعلًا تعاملني المعاملة دي المهم أنا وأخويا وأخوك كنا كنا
عزيز: كنتوا إيه اخلصي
كاميليا: بتوتر: كنا بنحاول نفرق بينك وبين فاتن
عزيز باستهزاء: وأنتِ بقى جايه لحد هنا عشان تقوليلي كده أحب أقولك إني عارف
كاميليا بتكمله: لأ مش هو ده اللِ جايه اكلمك فيه أنا كنت مطاوعاهم ده لأني كنت بحبك كنت معميه مش شايفه قد إيه أنت بتحبها وخلاص نسيتني فقررت إني مكملش معاهم وكنت هقولهم كده بس لقيت أمير بيتكلم عن خطة جديدة فقررت إني اسمعها وبعدين اقولهم لقيت أمير بيقول إنه عاوز يسفرك عن طريق اشغال ويستغل هو كده ويخطف فاتن و يتجوزها بس قبل ما يخطفها نروح إحنا زيارة عشان يشوف البيت متأمن إزاي عشان لما يبعت ناس يبقى عارف الدنيا ماشية إزاي بس أنا قررت أقولك ومقلتش ليهم إني خلاص مش عاوزه الخطة عشان ميشكوش فيا بعدين واقدر أتابع الخطة واقولك على كل جديد
عزيز بصدمه: وصل بيه إنه يفكر يخطفها ده بقى مجنون بجد
كاميليا بتنهيده: هتعمل إيه
عزيز: سيبيه يعمل الخطة وأنا هاخد حذري كويس أوي وابقي عرفيني بكل جديد
كاميليا: تمام بس أنا هقولهم إني كنت هنا عشان أحاول أقرب منك وأنت الصبح تعمل نفسك إنك بدأت ترجع تهتم بيا عشان ميشكوش فيا
عزيز: تمام
كاميليا: تصبح على خير
عزيز: وأنتِ من أهله
سابته وخرجت تتسحب لاوضتها، أما عند عزيز فقعد على السرير يفكر هيعمل إيه وهيحمي فاتن إزاي
يا ترى هيقدر يحميها ولا أمير هيقدر يخطفها وينفذ خطته
#بقلمي
#هاجسي_أنت
ك/ فاتن محمد ♡فُتُون♡
أنت تقرأ
My obsession is you||هاجسي أنت
Roman d'amourالهوس الهوس زي ما هو مؤذي إلا أن إحنا بدأنا نحبه بل بدأنا نتمناه نتمنى شخص يدخل حياتنا يبقى مهووس بينا بكل تفاصيلنا بس عمر ما هيحس بالأذى ده غير اللِ طاله عمر ما هيحس الشخص أن الهوس مؤذي غير لما يجربه بس بطلتنا محستش بالأذى بل بالعكس حبته حبت الأذى...
