أمير: أنا مش موافق إزاي عايزني أعمل كده مع أخويا مهما كان برضوا وهي بتحبوا
بيتر بخبث: براحتك هي كده ولا كده فاقده الذاكرة ومتعرفش عزيز قالها إيه عشان توافق بالسهولة دي... هستأذن أنا بقى واسيبك تفكر
مشي بيتر وساب أمير محتار مابين أنه عاوز فاتن وبين أن أخوه برضوا عاوزها
اتحرك بيتر على تحت لقى عزيز بيكلم العمال عشان الخطوبة لأنها هتتعمل انهاردة بليل فسابه وخرج بره في الجنينة يعمل مكالمة شغل
عند فاتن كانت بتفكر هي ليه وافقت بالسهولة دي وإزاي حست بالفرحة لما عزيز أتقدم لها معقوله كانت بتحبه لأ أكيد لأ بس ليه لأ اوووووف راحت تقف في الشباك خدت نفس عميق وبعدين خرجته وفضلت واقفه سرحانه وبيتر كان بيبص عليها بس هي مش مركزة معاه
لفت انتباها صوت خبط على الباب
فاتن: اتفضل
دخل عزيز
عزيز: ده الفستان بتاع الخطوبة أتمنى أنه يعجبك
راح سابه على السرير و بدأ يتحرك ناحيتها ووقف قصادها ومسك أيديها الأتنين
عزيز: مش مصدق أنك وافقتي وأخيرًا هيبقى وجودك هنا رسمي أنا جهزت الحاجة والحفلة هتبقى في الجنينة معزمتش غير مامتك وصحاب قريبين مني وقولت لمامتك تعزم اصحابك برضوا وهتبقى خطوبة عائلية
فاتن هزت راسها بمعني تمام
عزيز: مالك
فاتن: مالي
عزيز: حاسك مضايقة
فاتن: لأ مفيش حاجة
عزيز خد فاتن وقعدها على السرير وقعد قصادها وهو ماسك أيديها
عزيز: احكيلي
فاتن بصت في اتجاه تاني وبعدين بصتله وقالت: أنا بس مش حاسه براحة حاسه أن خبر خطوبتنا سبب مشاكل وخايفه من اللِ جاي
عزيز: مش عاوزك تخافي طول ما أنا معاكي
فاتن: حاضر
عزيز: هسيبك أنا تجهزي نفسك وأشوف أنا كمان التجهيزات وأجهز
عزيز ساب فاتن وخرج من الأوضة وهي راحت تشوف الفستان بتفتح السوسته وبتطلعه
فاتن: الله ده رقيق أوي
كان الفستان لونه دهبي وقمشته حرير وكان منفوش بس مش قوي وفي زينه من فوق رقيقة فاتن سابته وراحت تاخد شاور وخرجت وبدأت تجهز نفسها
عند أمير في اوضته
قدر بيتر أنه يلعب بعقله وقرر أمير أنه يساعدهم فراح لاوضتة بيتر وخبط خبطتين
بيتر: أتفضل
دخل أمير وقفل وراه الباب ووقف قصاد بيتر
بيتر: خير فيه حاجة يا أمير
أمير: اه أنا خلاص قررت
بيتر: قررت إيه
أمير: قررت أني اساعدكم... هنعمل ايه عشان نفركش الليلة دي
بيتر: احنا مش هنفركش حاجة احنا هنسبها زي ماهي بس الفكرة أننا نفركشها بعد أما تتم
أمير: يعني إيه
بيتر: يعني الخطوبة هتتم وبعدين نبدأ في خطة التفرقه
أمير: تمام
بيتر: أنت هتحضر
أمير: مش عارف
بيتر: لأ لازم تحضر ده حتى كاميليا هتحضر عشان منشككش عزيز فينا
أمير: تمام هروح أجهز
بيتر: تمام وأنا كمان هقوم أخد شاور وأجهز
كل واحد فيهم بدأ يجهز نفسه أمير لابس بدلة رمادي فاتح وبيتر بدلة زرقة وكاميليا لابسة فستان نيلي طويل حرير سك
كلهم نزلوا ومستنين فاتن تنزل ويستقبلها عزيز عند أخر درجة من السلم
عزيز بينه وبين نفسه: خطواتها تقترب وقلبي يكاد أن يرفرف من كثرة السعادة
ها هي صاحبة هذا القلب وشاور على قلبه وكمل اتيه حتى تجعله يهدأ ويسكن بين يديها
ظهرت فاتن وكانت أميرة في نفسها ببساطة فستانها قدرت تجذب كل الموجدين وبدأت في النزول على السلم وعزيز مشلش عينه من عليها وهي خدوده مورده من الكسوف وبتبتسمله ولكن هناك من يتمنى لهم الخير وهناك من يتمنى العكس
وصلت فاتن لعزيز اللِ أول ما وصلت لعنده قال
عزيز: معقول الجميلة هتبقى ملكي خلاص
فاتن وحطت أيدها في ايده : الجميلة بقت ملك للأمير
وخرجوا بره على الجنينة وقعدوا في الكوشة
واشتغلت موسيقى أغنية يا دبلة الخطوبة وبدأ عزيز يلبسها الخاتم تاني وهي تلبسه الدبلة تاني وبعدين مامتها زغرطت
وجات حضنتها وقالت: ألف مبروك يا حبيبتي عقبال ما أشوفك في الفستان الأبيض وعقبال ما أشوف حفيدي
خلصت الحضن وقعدوا شوية وقعدوا يتصوروا مع المعازيم وبعدين جات فقرة الرقص السلو
وعزيز خد فاتن وبدأوا يرقصوا على أغنية (perfect)
عزيز: مكنتش أعرف أنك هتحلي الفستان بالشكل ده
فاتن بتبتسم وتودي وشها الناحية التانية وبترجع تبصله
عزيز: عارفه أنا عمري ما حسيت الإحساس ده غير وأنا معاكي إحساس أن حبيبتي تكون بين أيدي وكأن العالم هو اللِ في أيدي
فاتن بتتكسف أكتر
عزيز: خلاص... خلاص انتِ شوية كمان وهتسيبيني وتمشي
فاتن بتضحك: ياريت عشان أنا كنت هعمل كده
عزيز: واهون عليكي
فاتن بضحك: اه تهون مش أنت اللِ بتضايقني
عزيز: اووه أنا ده أنا غلبان
فاتن بتبصله : يا سلام قال غلبان قال
الأغنية بتخلص وبيرجعوا تاني يقعدوا على الكوشة
عند أمير كان بيتكلم هو وبيتر وكاميليا
أمير: عمالين يضحكوا ولا هاممهم حاجة
كاميليا: سيبهم هنبقى نشوف مين فينا اللِ هيضحك في الأخر
بيتر: استمتعوا بس بجو الحفلة ومتركزوش في أصحابها
عزيز خد فاتن وركبها العربية
فاتن: إيه رايحين على فين
عزيز: رايحين نتغدى برة بمناسبة خطوبتنا ومتقلقيش على مامتك أنا بعت حراس معاها هي والمساعده بتاعتها عشان يروحوهم
فاتن : كويس
اتحرك عزيز وشغل اغنية(I love you baby)
وفضل يبص عليها وهي عامله نفسها مش مركزة معاه
وصلوا المطعم وكان فاضي لأنه هو حاجزه ليهم انهاردة وقعدوا وطلبوا أكل من المنيو وبدأوا ياكلوا
خلصوا أكل وطلبوا عصير واشتغلت أغنية (sway)
عزيز قام وقالها: تسمحيلي بالرقصة دي
فاتن حطت أيدها في أيده وبدأوا يرقصوا على الأغنية وهما مبسوطين عشان الحب بيجمعهم بينما الكره يجتمع بداخل ثلاث أشخاص عارفينهم أكيد
خلصوا رقص وعزيز عمل تشيك على الحساب عشان الوقت وخدها وركبوا العربية ووصلوا الفيلة فاتن طلعت على اوضتها
أما عزيز راح لأمير اوضته وخبط خبطتين ففتحله أمير
أمير: خير عاوز إيه
عزيز وهو بيتاخر أمير: كل خير كنت مركز معاك انهاردة بس لاحظة حاجة غريبة
أمير: هي إيه
عزيز: كنت واقف مع بيتر وكاميليا طول الخطوبة من امتى الحب ده
أمير: مفيش بس هقف مع مين يعني
عزيز بمضايقة لأمير: اممم تمام... اسيبك أنا بقى لأني جاي من سهرة وعاوز أرتاح
وسابه وخرج راح لاوضته وبيفتح الباب اتفاجئ بكاميليا
عزيز: انتِ بتعملي إيه هنا
كاميليا: مفيش كنت جايه اباركلك
عزيز: مش عاوز مباركتك ليا خليهالك
كاميليا: تؤ ودي تيجي برضوا
وقامت من على السرير ورايحه عند عزيز وكانت هتحضنه لكن عزيز زقها وقالها
عزيز: بقيتي رخيصة أوي في نظري وأنتِ متجيش حاجة جنبها بحمد ربنا أنه بعدني عنك وقربها مني...
عزيز بيمسك دراعها وبيخرجها بره اوضته وبيقول: مشوفش وشك هنا تاني
وقفل في وشها الباب أما هي راحت على اوضتها وقفلت الباب
كاميليا: ماشي يا عزيز أن ما حزنتك عليها مبقاش أنا
ياترى الحب هيتغلب على الكره ولا لأ
#بقلمي
#هاجسي_أنت
ك/ فاتن محمد ♡فُتُون♡
رأيكم يهمني واتفاعلوا عليها عشان بنبسط بكده ☺️❤️
أنت تقرأ
My obsession is you||هاجسي أنت
Romantikالهوس الهوس زي ما هو مؤذي إلا أن إحنا بدأنا نحبه بل بدأنا نتمناه نتمنى شخص يدخل حياتنا يبقى مهووس بينا بكل تفاصيلنا بس عمر ما هيحس بالأذى ده غير اللِ طاله عمر ما هيحس الشخص أن الهوس مؤذي غير لما يجربه بس بطلتنا محستش بالأذى بل بالعكس حبته حبت الأذى...
