ريحت شوية بس حسيت بحركة في الأوضة ففتحت عيني على طول من القلق
لقيت عزيز وكان قريب من السرير
عزيز: أنا آسف مكانش قصدي اصحيكي بس كنت بطمن عليكي
أنا: طب ... طب أنا عاوزاك في موضوع مهم وقومت فتحت النور وجيتله ووقفت قصاده
أنا: عزيز أنا اللِ فهمتوا أن أنا فقدت ذاكرتي وإني كنت شغال عندكم عشان خاطر أمير بس أنا مش عاوزه أتذكر كفاية إني فاكرة أنا مين وبنت مين وساكنه فين فأنا عاوزه أرجع بيتي
عزيز: وأنا قولتلك هترجعي لما تخفي
أنا: وأنا بقى مش عاوزه استنى أنا عاوزه أمشي
عزيز وبيحاول يتمالك أعصابه: مفيش حد يقدر يمشي غير بمزاجي اعتبريه بقى تهديد، تحذير اعتبريه زي ما تعتبريه وياريت متفتحيش الموضوع ده تاني
وكان هيمشي بس أنا وقفت قصاده بعدين قعدت ازق فيه بس هو مبيتحركش
أنا: وأنت مين أنت عشان تقولي أقعد وأمشي أنا حرة أنت مش واصي عليا وأنا معرفكش هو أنت فاكرني هسمع كلامك عادي كده لأ بجد هو أنت فاكر نفسك مييين أنت بابايا، جوزي، أخويا أنت ولا حاجة بالنسبالي ومن بكرة هجهز شنطتي وهمشي
عزيز: خلصتي
بصتله ببرود كده فراح هو لقيته بياخدني ولزقني في الحيطه واتملك من حركتي
عزيز وخلاص فاض بيه: بصي بقى أنتِ كنت هنا سليمة ومفكيش حاجة فمستحيل اسيبك تمشي غير لما تتعافي عارفه المشكلة إيه المشكلة إني كنت حاجة مهمة بالنسبالك المشكلة أنك أنتِ كمان حاجة مهمة بالنسبالي وامانك هو مسؤوليتي طول ما أنت هنا ما اسمعش كلمة أمشي أنا اللِ هسيبك تمشي
أنا: يعني إيه يعني أنت عاوز تحبسني هنا ولا إيه
عزيز: اه عارفه في مرة من المرات كنا بنحكي مع بعض وقولتيلي أن أنا الوحش وأنت الجميلة والجميلة ممشيتش غير لما أذن ليها الوحش وكانت محبوسة ولا ناسية مسح بأيده على وشه واتنهد وقال
عزيز: أنا مبحبش اتعامل معاكي كده ليه بتعصبيني ليه بتطلعي اسوء ما فيا مع أن مفروض تطلعي أحسن ما فيا مفروض تحسي بيا مش كده
أنا وضربات قلبي بتزيد ونفسي بيقل: ابعد... أنا مش عاوزه اعرف قصتك أو قصتي اللِ حصلت هنا أنا عاوزه أمشي
بدأت الدموع تتجمع في عيني وأحس بغيامه عليها
أنا: أنا تعبت وخايفة ومش حاسه بالأمان وأنا هنا، أرجوك سيبني أمشي سيب ن..ي أمشي
الصورة بدأت تشوش قدامي وفجأة محستش بنفسي ونزلت عالارض وعزيز نزل معايا
كنت سانده على كتفه وبقوله بهمس: سيبني أمشي سيب.. ني
عزيز بعيون محمرة وعلى وشك العياط طبطب عليا
عزيز: أنا آسف حاضر هسيبك طالما ده الأحسن ليكي هسيبك
ولقيته بيشيلني ووداني عالسرير وغطاني وجابلي عصير وحاول يشربني وشربته بس حسيت بالغثيان قومت واتسندت على الحيطة وعزيز بيحاول يسندني وأنا ببعده ووصلت للحمام وقفلت الباب وهو فضل مستني وأنا كنت بستفرغ كل اللِ اكلته الصبح خلصت وغسلت وشي وخرجت كان هو في وشي سيبته وكملت وروحت عند السرير واتغطيت لقيته بيقرب وعاوز يجس حرارتي بايده حاولت أبعد ايده بس مفيش أعصاب
عزيز: أنت سخنه كده ليه انت سخنتي إزاي قام وسابني بس رجع تاني ومعاه كمدات وادوية كده ولقيته بيعمل الكمدات وأنا نمت
صباح تاني يوم
عند فاتن في اوضتها
فوقت بس حاولت أفتح عيني وبحاول استوعب اللِ حواليا حسيت بحاجة تقيلة على أيدي ببص لقيت عزيز ماسك أيدي بايده ونايم وساند راسه على الكوميدينو اتنهدت
أنا بيني وبين نفسي: مش عارفه أصدقك أنا خايفة من كل حد هنا حتى نفسي لأني مش فاكرة حاجة مش فاكرة أنا كدبت لما قولت أني مش حاسه بالأمان أنا حاسه بيه معاك معرفش أنت بالذات ليه أنا حاسه معاه بالأمان لكن مكانش ينفع اقولك عشان عاوزه أمشي
بدأت احرك في أيدي فهو حس
ففتح عينه وقال
عزيز: أنتِ كويسه حاسه بأيه دلوقت
أنا: أنا كويسة الحمدلله أنا آسفه تعبتك معايا و.. و شكرًا
عزيز فضل يبصلي وبعدين قال
عزيز: أنا هنزل اجهز لك الفطار والدوا وأنا عارف أنك مخدتهوش بليل وده مينفعش عشان ذاكرتك ترجع لازم تمشي على الدوا صح وأنا أسف على طريقتي امبارح بس أنا مقدرش اسيبك تمشي وأنتِ بالحاله دي مينفعش ارجعك لمامتك مامتك مش هتقدر تهتم بيكي
كنت لسه هرد بس سكت لأني مش حِمل مناقشه معاه وهو سابني ونزل وأنا قومت وضغط على نفسي عشان أخد شاور ولبست وخرجت قعدت عالتسريحه اسرح شعري بس لقيت عزيز جيه
أنا بلجلجة روحت جريت على السرير واتغطيت
عزيز بيضحك
وأنا متنرفزة: اضحك اضحك ضحكك الموضوع أوي هو مش مفروض تخبط
عزيز: أنا آسف ياستي المرة الجاية هبقى اخبط
أنا: أنت عاوز إيه
عزيز: جبتلك الأكل والدوا هسيبه عالكوميدينو حسيت بخطواته بتقرب وحط الصينية على الكوميدينو
أنا: شكرًا
عزيز: على إيه لو عرفتي تضحكيني كده كل يوم معنديش مانع اعملهالك وكمل ضحك المهزق اللِ ضحكته قمر ده بعدين خدت بالي أنه خرج فقومت قفلت الباب عشان أخد راحتي ولفيت ببص عالصينية
أنا: يا ترى أنت عاوز مني إيه يا عزيز
في اوضة كاميليا رايحة جاية وبيتر قاعد على السرير
كاميليا: شايف... شايف مهتم بيها إزاي وسايبني كده
بيتر: مهو ليه حق
زغرتله كاميليا
فبيتر بتكمله: عارفه ليه عشان هو أصلا اتخانق معاها بليل لحد أما تعبت بسبب ذاكرتها وكمان تقريبًا عندها برد في معدتها لأني كنت معدي من قدام اوضتها عشان أروح أشرب وسمعت كل حاجة واحمدي ربنا كمان أنه مطردكيش بعد اللِ اكتشفه واللِ أنتِ عملتيه ومتفتكريش أنه ميعرفش موضوع الوقعة
كاميليا: تقصد إيه أكيد ميعرفش
بيتر: لأ يا كوكو هو يعرف ويعرف كويس أوي كمان بس هو سايبك كده عشان ملهي في تعبها لكن بعدين هيحاسبك فحاولي كده تفوقي لنفسك وترجعي علاقتك الكويسة بيه ماشي يا كوكو يلا اسيبك أنا بقى
قام بيتر وسابها ونزل تحت لقى عزيز قاعد مع أمير فقرب عليهم ولما عزيز لمحه ختم كلامه مع أمير وقال
عزيز: ماشي يا أمير متنساش
وكان هيمشي بس وقفه بيتر
بيتر: إيه يا عزيز هو إذا حضرت الشياطين ذهبت الملائكة ولا إيه (مثل عربي)
عزيز: بالظبط كده عن أذنك ورايا شغل
بيتر: على أخر الزمن هتعاملني كده
عزيز: أحمد ربك أن أنا لسه بعاملك أصلا أنا كان ممكن أقطع علاقتنا ببعض بس أنا عشان باقي على العشرة معملتش كده
بيتر: كل ده عشانها
عزيز: اه لأنها مسؤولة مني كانت جاية غصب عنها تشتغل وبعدين قبلت الشغل عشان طيبة قلبها وخوفها على أمير لما عرفت بتعبه ملهاش ذنب يجرالها كل ده
سابهم عزيز ومشي أما بيتر قعد مع أمير
بيتر: أنا بحاول أهدي كاميليا وأبعدها عنها بس برضوا عزيز غلطان مفروض أنه يهتم شوية لكاميليا
أمير: ليه وأنت مش شايف تصرفتها من الأخر متدخلش معايا في نقاش عشان هطلع أختك غلطانه
وقام سايبه ومشي أما بيتر قال
بيتر: واضح أن وجودنا بقى حِمل تقيل عليهم بس كل حاجة بأوانها
وقام خرج في الجنينة
عند أمير راح عشان يطمن على فاتن خبط خبطتين ففتحتله فاتن بس مدخلتهوش
أمير: عامله ايه
فاتن: كويسة بخير
أمير: فطرتي وخدتي الدوا
فاتن: اه الحمدلله
أمير بتنهيده: تمام لو احتاجتي مني حاجة ابقي عرفيني أنا هبقى في اوضتي دي وشاور على اوضته أو هبقى تحت في الجنينه
فاتن: تمام
سابها ومشي أما هي راحت عند الشباك وبتتأمل في السما وجمالها بتبص تحت بالصدفة لقت بيتر بيبصلها راحت بصتله ببرود وسابته ودخلت
عند بيتر بيقول في سره: هيجي اليوم اللِ هكسر فيه غرورك ده أو اكسرك أنتِ شخصيًا
ودخل الفيلة وطلع على اوضته
ياترى ايه اللِ هيحصل لفاتن في إمبراطورية عزيز ماهر
#بقلمي
#هاجسي_أنت
ك/ فاتن محمد ꨄ︎فُتُونꨄ︎
أنت تقرأ
My obsession is you||هاجسي أنت
Romanceالهوس الهوس زي ما هو مؤذي إلا أن إحنا بدأنا نحبه بل بدأنا نتمناه نتمنى شخص يدخل حياتنا يبقى مهووس بينا بكل تفاصيلنا بس عمر ما هيحس بالأذى ده غير اللِ طاله عمر ما هيحس الشخص أن الهوس مؤذي غير لما يجربه بس بطلتنا محستش بالأذى بل بالعكس حبته حبت الأذى...
