صباح تاني يوم على أبطالنا
صحيت فاتن وراحت تصحي عزيز عشان الفطار
خبطت خبطتين
عزيز: أتفضل
فاتن فتحت الباب وطلت بدماغها: صباح الخير بجهز الفطار قوم يلا خد شاور وأبقى أنزل عشان نفطر سوا
عزيز: حاضر يا حبيبي
قفلت الباب ونزلت حضرت فطارنا وحطيتوا على السفره وعزيز نزل وبدأنا ناكل
فاتن: عزيز
عزيز بصلي
فاتن: أنا عايزه أرجع لبيت ماما لحد أما يجي معاد الفرح
عزيز: ليه هو حصل حاجة
فاتن: لأ أبدًا أنا بس عاوزه أقضي مع ماما وقتي قبل ما نتجوز
عزيز بتنهيدة: حاضر هبقى أشوف الموضوع ده رغم أني عاوزك تفضلي بس اللِ يريحك
فاتن: ميرسي يا حبيبي
عزيز بابتسامة: أهو أنا بقى مقدرش أرفض لك طلب عشان خاطر الكلمة دي بس
فاتن: ولسه لما نتجوز متشالك دلع مخصوص
عزيز: طب متقوليه دلوقتي أعرفه بس
فاتن: لأ بعيونك
عزيز: طب عشان خاطري
فاتن: امممم طيب... عزيزي
عزيز: هنا سأسكت قليلًا إحترامًا وتقديرًا لهذا الجميل
فاتن قعدت تضحك على طريقته: كريتيف أوي
عزيز بضحك: اوماال
خلصوا فطار وقاموا يدخلوا الأكل وعملت فاتن نسكافيه ليهم وقعدوا يشربوا
فاتن: بس أنا مستغربة أنك وافقت بالسهولة دي
عزيز: ده لأني خايف عليكي منهم وهقدر أحافظ عليكِ وأنتِ مع مامتك لأني موفر لها حماية كويسة لكن هنا فأنتِ عايشه وسطهم
فاتن: امممم تمام هروح لها امتى
عزيز: قريب بس أكيد هجيلك زيارات
فاتن: اه أكيد
قاموا بعد أما خلصوا النسكافيه بتاعهم وفاتن ودت المجات وغسلتها أما الباقيين كانوا قاعدين في الليڤينج
ففاتن راحت عشان تتفرج على أي حاجة
قعدت وهي ماسكة الريموت وبتحول في القنوات في الأخر سابت mbc2 على فيلم خيالي علمي وبدأت تتفرج
لكن قطعها صوت بيتر: صحيح حددتوا الفرح امتى
فاتن: بتكلمني أنا
بيتر: امال بكلم نفسي
فاتن بتنهيدة: لسه معرفش حبيبي محددش لسه
بيتر: وأنتِ واثقة أوي أنه هيتم وهيوفي بوعده
فاتن: لو موثقتش في حبيبي هثق في مين تاني أصلًا
فاتن كملت الفيلم وكاميليا طلعت على اوضتها ومستحملتش كلمة حبيبي وبيتر راح وراها ودخلوا اوضتها
كاميليا: شايف... بتستفزني إزاي
بيتر: معلش أهدي واستحملي لحد أما ننفذ خطتنا
كاميليا: لحد امتى هفضل صابرة وشايفاهم مع بعض
بيتر بخبث: قريب هننفذها قريب قوي
كاميليا اتنهدت وقعدت على السرير وبيتر سابها وراح لاوضته
عند فاتن في الليفينج
مفضلش غير أمير معاها
أمير: عامله ايه
فاتن: الحمدلله بخير
أمير: لسه الذاكرة مرجعتلكيش
فاتن: حاجات وحاجات
أمير: طب افتكرتي اللِ بينا
فاتن: مش أوي
فاتن قامت تتطلع اوضتها لأنها حست بملل وكمان مش عاوزه تتكلم مع أمير أكتر من كده طلعت اوضتها وقالت هريح شويه لحد أما عزيز يجي من الشغل وهي نايمه حست بحاجة بتلمس وشها فتحت عينيها لقيته أمير
فاتن اتعدلت بخضة: أنت بتعمل إيه هنا وإيه اللِ دخلك اوضتي من غير استئذان
أمير: غصب عني تصرفي ده غصب عني
فاتن: لو سمحت أطلع بره
أمير: للدرجادي مبقتيش طايقاني
فاتن بزعيق: لو سمحت أطلع بره
أمير خرج من اوضتها وهو مكسور بس تفكيره الشيطاني خلاها يفكر في حاجة وهيعملها قريب
فاتن كانت خايفة رنت على عزيز وحاولت تهدي نفسها عشان عزيز ميعرفش حاجة
فاتن: الو
عزيز: إيه يا حبيبي فيه حاجة
فاتن: اه... قدامك قد إيه وتيجي
عزيز: يعني ساعة ولا حاجة
فاتن: تمام
عزيز: فيه حاجة مهمة
فاتن: لما تيجي هبقى أقولك، يلا في رعاية الله وحفظه
وقفلت الخط واتنهدت ودعت إن كل حاجة تبقى بخير لحد الفرح
قامت وفضلت باصه في الشباك مستنياه لحد أما جيه ولاحظ وجودها في الشباك فأبتسم أما هي كانت شارده مركزتش في وجوده
وطلع خد شاور ولبس وراح لها وخبط خبطتين ففتحت له ودخل قعد على الكرسي وهي قعدت على السرير
عزيز: خير يا حبيبي كنتِ عاوزاني في إيه
فاتن: هو أنا هروح لماما امتى
عزيز: في خلال الأسبوع ده
فاتن: يعني امتى بالظبط
عزيز: ممكن أخره
فاتن: طب مينفعش بكره أو بعده بالكتير
عزيز: ليه هو فيه حاجة
فاتن بتردد: لااأ عادي أنا عاوزه أروح لها بس
عزيز بشك حاول يخفيه ونجح: تمام يا حبيبي هقوم أنا بقى عشان عاوز أريح شوية
فاتن: تمام يا حبيبي
وقام وهي قامت عشان تقفل الباب وراه
أما عزيز فراح اوضته وطلع تلفونه واتفحص الكاميرات لقى لقطة أمير ده لأن الكاميرا كانت جايبه عشان الباب كان مفتوح
فخرج واتجه لاوضة أمير ودخل من غير ما يخبط أمير اتخض وقام وقف
أمير: في إيه إيه الدخله دي
عزيز اتجه لحد عنده وبعزم ما عنده ضربه في وشه
أمير: أنت إزاي تمد أيدك عليا أنت اتجننت
عزيز: اه اتجننت لما أعرف أنك لمست خطيبتي ومراتي مستقبلًا يبقى أعمل أكتر من كده
أمير: وهي طبعًا قالتلك كده عشان توقع ما بينا
عزيز: يعني غلطان وكمان بجح لأ يا بجح مقالتش بس أنا عرفت من الكاميرات
أمير: وأنت أناني لأن أنت كنت عارف أنا بحبها إزاي ومتعلق بيها إزاي وفي لحظة جيت واخدتها مني
عزيز: وهي مبتحبكش ولا هتحبك لأنها بتحبني أنا ولو فكرت تقرب منها مش هضربك في وشك بس لأ أنا هخليك مش قادر تتحرك تاني إياك تقرب منها فاهم أول وأخر إنذار ليك
وسابه وخرج راح لاوضته
أما أمير قعد على السرير وقال بغل: إن ما خليتك تندم على الضربة دي مبقاش أنا أمير ماهر وهاخدها منك زي ما اخدتها مني وهقهر قلبك زي ما قهرتني بخطوبتك ليها
بعتذر على التأخير بس حقيقي نفسيتي مكانتش كويسة ومكانش عندي شغف أكتب حاجة فيها
#بقلمي
#هاجسي_أنت
ك/ فاتن محمد ♡فُتُون♡
أنت تقرأ
My obsession is you||هاجسي أنت
Romantikالهوس الهوس زي ما هو مؤذي إلا أن إحنا بدأنا نحبه بل بدأنا نتمناه نتمنى شخص يدخل حياتنا يبقى مهووس بينا بكل تفاصيلنا بس عمر ما هيحس بالأذى ده غير اللِ طاله عمر ما هيحس الشخص أن الهوس مؤذي غير لما يجربه بس بطلتنا محستش بالأذى بل بالعكس حبته حبت الأذى...
