صباح تاني يوم فوقت وأنا كُلي حماس فوقت قبل المعاد المعتاد عشان أعمل الفطار قبل كاميليا خدت شاور ولبست ونزلت عالمطبخ أحضر الفطار وبعدين أطلع اصحي عزيز وأمير عشان نفطر ومش هصحي المسلوعة خلصت الفطار تقريبًا مافاضلش غير حاجات بسيطة طلعت عشان اصحي أمير وعزيز قربت من اوضة أمير خبطت خبطتين بعدين جيت عشان اخبط تاني كان هو فتح
أنا: صباح الخير
أمير: صباح النور
أنا: أنا بجهز الفطار وقرب يخلص تكون أنت خلصت وتنزل ورايا اوكي
أمير بابتسامة: اوكي
روحت لاوضة عزيز خبطت خبطتين محدش فتح فدورت الاوكرة بتاعت الباب عشان افتحوا ولما فتحته لقيت اللِ صدمني... كان عزيز نايم جنب كاميليا
أنا بكلم نفسي: طب إزاي هي حبيبته اه بس مش للدرجادي وبعدين امبارح اللِ كان مابينا ده ايه فوقت على تقليب عزيز اللِ كان مستغرب من وجود كاميليا جانبه لكنه لاحظني بس أنا ساعتها فوقت وبدأت ابعد عن الاوضة ومشيت كان هو قام من عالسرير وبيحاول يتبعني
عزيز: استني أنتِ فاهمة غلط يابنتي استني
أنا وقفت ولفيت وقولت: ولا صح أنت مش لازم تبررلي موقفك هي مش حبيبتك وبعدين أنت عارف إن أنا مجرد مساعده لأمير يبقى خلاص ملوش لازمه التبرير صح
عزيز: يعني أنت شايفه كده
أنا: أمال أنت عاوزني اشوفه إزاي غير كده
عزيز: أنا معرفش هي جات جنبي إزاي أنا حتى مش فاكر حاجة غير لما كنا سوا وبس
أنا: أنت تقصد إيه يعني أنت مش اللِ سامحلها تنام جنبك
عزيز بتبرير: لأ طبعًا لايمكن أعمل كده حتى لو هي حبيبتي مقدرش أعمل كده غير لحلالي
أنا: طيب اثبتلي
عزيز: في كاميرات مراقبه هنا في اوضة معينه تعالي نشوفها سوا مستناش ردي لقيته مسك أيدي وبدأ يمشي لاوضة مجهولة عني معرفهاش وقعدت أقول لنفسي دلوقتي أنت اللِ بتعرفني على أسرار امبراطوريتك والله ووقعت يا عزيز وصلني لاوضة كده كانت في أخر الطرقة فتحها ببصمة صباعه فتحت لقيتها مليانه شاشات مراقبه حوالي سته ولا حاجة المهم خدني عند شاشة معينة كانت بتصور اوضتة إيه ده يعني كمان اوضتي ليها كاميرا خاصة
عزيز: اهوو هرجع الشريط ونشوف أنا صادق ولا بكدب عليكِ
رجع عزيز الشريط وظهر في الكاميرا كاميليا وهي بتاخد عزيز بعد أما شربته عصير وطلع معاها عالاوضة واترزع عالسرير من الواضح أنه متخدر ومش في واعيه أما هي فبدأت تكمل لعبتها المحرمة عند الله وفي الأخر نامت جنبه أنا ساعتها كنت ببص على عزيز عشان قرفانه منها ومن اللِ بتعمله وكنت مصدومة ازاي بنت تعمل كده في شرفها لمجرد أنها تغيظ بنت تانية
أنا: أنا مصدومة فيها بجد هي إزاي مستهونه بشرفها كده عيني عينك وبعدين ليه تعمل كده
عزيز: أنا مش عارف ايه اللِ وصل كاميليا لكده عالعموم أنا هتصرف معاها صحيح أنتِ كنتِ جايه ليا ليه
أنا: كنت عاوزه اصحيك عشان تفطر معايا أنا وأمير
عزيز: تمام طيب يلا بيني نخرج من الأوضة عشان اقفلها خرجت وهو خرج ورايا لما قفلها ببصمة صباعة تاني واحنا ماشيين حبيت اسأله هو ليه أصر أنه يبررلي
أنا: هو أنت ليه اصريت أنك تبررلي موقفك
عزيز: عشان... عشان أنا مبحبش حد يفهمني غلط
أنا: بس عشان خاطر كده
عزيز: أمال عشان خاطر إيه تاني
أنا: تمام... روح خد شاور وأنزل عالسفرة عشان نفطر
عزيز: تمام
كنا قربنا على اوضته هو دخل وأنا مشيت نزلت عالمطبخ أكمل الفطار
في اوضة عزيز
عزيز بزعيق: اصحي يا هانم
كاميليا بنعاس: فيه إيه يا حبيبي
عزيز: حبك برص اللِ تبيع شرفها عشان خاطر تغيظ واحدة تانية تبقى واحدة ناقصة ومتستاهلش أنها تكون على أسمي في يوم من الأيام شكلك ناسيه أن فيه كاميرات مراقبه هنا وهناك في كل حتة في الفيلة ووجودك هنا خلاص انتهى قدامك يومين تلمي فيهم حاجتك وتظبطي أمورك وتمشي ومشوفش وشك هنا تاني يلاا بررره
كاميليا: أنا أسفه يا عزيز أنا عملت كل ده عشان بحبك مش أكتر صدقني
عزيز: بقولك بررره
كاميليا: يا عزيز بالله عليك أنا مليش غيرك
عزيز بعد أما جاب أخره شدها من شعرها وخرجها بره الاوضة وقفل في وشها الباب
خلصت الفطار وبدأت احطه عالسفر كان أمير نزل ووراه عزيز قعدنا عالسفر واحنا بناكل جات كاميليا تقعد عشان تفطر لسه عزيز كان هيتكلم عشان يمنعها بس أنا بصيتله وحركت راسي بمعنى لأ متعملش كده مهما كان تصرفها إيه حرام امنعها عن الأكل خلصت أكل وكان أمير وعزيز كمان خلصوا وكاميليا اضطرت تقوم تطلع على اوضتها من كتر الكسفة من عزيز بدأت ألم الحاجة وعزيز وأمير يساعدوني بدأت اغسل المواعين
كان عزيز بيعمل تليفون شغل وأمير واقف معايا بينشف الأطباق والكوبيات جيه عزيز علينا ووقف قدامنا
أنا بعد أما خلصت المواعين: تحبوا نشرب نسكافيه سوا
عزيز وأمير: تمام
في اوضة كاميليا بتكلم حد عالتليفون
كاميليا: أنا لازم أخلص منها أتصرف هي السبب في اللِ أنا فيه
الشخص المجهول: طيب امتى وإزاي هعرف اشوفها وأتابع تحركاتها
كاميليا: انهاردة قبل بكره وأنا هخليك تشوف الفيلة زي ما أنا كنت بشوفها وفي اللحظة المناسبة اخطفها
الشخص المجهول: تمام أنتِ تؤمري ساعاتك
عند فاتن
بدأت اعمله خلصته وكل واحد كان فارد جسمه عالكنبه حطيت الصينيه على الطرابيزة وقعدت عالكنبه اللِ عاليمين كان جنبي عزيز عالشمال كل واحد خد النسكافيه بتاعه وبدأ يشربوا وجبنا فيلم واتفرجنا عليه وبين اللحظة والتانية كان عزيز بيبص عليا وأنا كذلك وقمت أعمل فشار عشان نكمل فُرجة اتجهت ناحية المطبخ وشوفت حد واقف فيه بس معرفش مين لأن النور كان مطفي فافتكرتها كاميليا
أنا: تحبي تاكلي معانا تسالي وتتفرجي عالتلفزيون
أنا بتساءول: كاميليا أنتِ سامعاني
فلفت وبصيت وهنا كانت الصدمة
ياترى إيه اللِ هيحصل مع بطلتنا وكاميليا كانت بتكلم مين وهيطلع مين الشخص المجهول اللِ كان واقف في المطبخ...
#بقلمي
#هاجسي_أنت
ك/فاتن محمد ♡فُتُون♡
رأيكم يهمني وادعموني فضلًا واتفاعلوا عليها ❤️
أنت تقرأ
My obsession is you||هاجسي أنت
Roman d'amourالهوس الهوس زي ما هو مؤذي إلا أن إحنا بدأنا نحبه بل بدأنا نتمناه نتمنى شخص يدخل حياتنا يبقى مهووس بينا بكل تفاصيلنا بس عمر ما هيحس بالأذى ده غير اللِ طاله عمر ما هيحس الشخص أن الهوس مؤذي غير لما يجربه بس بطلتنا محستش بالأذى بل بالعكس حبته حبت الأذى...
