صباح تاني يوم على أبطالنا
عزيز صحي بدري عشان يوصل فاتن عند مامتها بعد الحوار اللِ دار مابينهم قبل ما يناموا
فلاش باااك
عزيز بيخبط على الباب
فاتن بنعاس: مين
عزيز: أنا يا حبيبي
فاتن اتعدلت: أدخل
فتح الباب عزيز ودخل قعد على الكرسي
عزيز: أنا عاوزك تجهزي حاجتك بكره بدري عشان اوديكي عند مامتك
فاتن: اشمعنا بكره ما ممكن بعده
عزيز: لأني مش واثق في أي حد هنا
فاتن بتنهيدة: طيب على امتى أكون جاهزة
عزيز: على ٨ الصبح قبل ما حد فيهم يصحى
فاتن: تمام
عزيز: تصبحي على خير يا حبيبي
فاتن: وأنت من أهله
خرج عزيز وقفل وراه الباب وفاتن حاولت ترجع تنام تاني
باااك
فاتن نازله بالشنط وعزيز طلع أخدها منها عشان يوديها العربية وهي نزلت وراه ركبوا واتجهوا على مامت فاتن
فاتن: عزيز أنت قولت لماما
عزيز: لا بس عادي نفاجئها
فاتن: تمام
عزيز بعد صمت هو قطعه
عزيز: هتوحشيني
فاتن باستغراب: وأنت كمان هتوحشني بس كل ما توحشني وأوحشك تيجي تزورني
عزيز: ده أكيد يا جميل
فاتن ابتسمت له واتنهدت ورجعت تبص على الطريق من تاني
في الفيلة
صحي أمير والباقي كاميليا دخلت تجهز فطار وبيتر طلب من أمير يصحي فاتن وعزيز رغم اعتراض كاميليا لكن حجته أنه مش عاوز يشككهم فيه
أمير: لأ هصحي فاتن بس
بيتر: خلاص ماشي وأنا هصحي عزيز
طلع أمير وبيتر وكل واحد راح في إتجاه معاكس للتاني أمير جيه يخبط على باب فاتن ملاقاش رد خبط تاني برضوا مفيش رد راح فتح الباب بهدوء ملقاش حد ولقى الدولاب مفتوح ومفيهوش هدوم دخل يدور عليها زي المجنون في الاوضة ملقاش حاجة نده على بيتر
أمير بزعيق: يا بيتررررررر
بيتر جاله جري: فيه إيه
أمير: أنت شايف اللِ أنا شايفه
بيتر: إيه هو
أمير: فاتن مش هنا هتكون فين هو عزيز موجود في أوضته
بيتر: لأ مش موجود
أمير بعصبيه: أكيد هو اللِ خدها وداها فين ابن ال...
بيتر: أهدى كده هنرن عليه أو نستناه يجي هيكون خدها فين ممكن يكون خدها يفسحها مش أكتر
أمير: طيب رن عليه شوفوا
بيتر بيرن: الرقم المطلوب مغلق أو غير متاح برجاء المحاولة في وقت لاحق
رن تاني واداله نفس الكلام
بيتر: تلفونه مقفول
أمير: شوفت أنا خايف عليها ليكون هيسفرها ولا حاجة
بيتر: أهدى كده هو تلاقي تلفونه فصل ولا حاجة شويه كده ونرن عليه
عند عزيز حط فونه على الشاحن لأنه كان فاصل وأول ما فتح وصلتله رساله إن بيتر حاول يتصل بيه خمس مرات
عزيز في باله: أكيد بترن عشان تعرف أنا فين وفاتن فين
عزيز وصل عند بيت مامت فاتن ونِزل ونَزل الشنط من العربية وقفلها وجر الشنط وفاتن مشيت جنبه رنوا الجرس ففتحت لهم الخدامة ودخلوا وفاتن ندت على مامتها
فاتن: يا ماما أنا جيت
مامتها خرجت من اوضتها: حبيبتي وحشتيني
فاتن راحت لها وحضنوا بعض
فاتن وهي في حضنها: أهو يا ستي أنا مش هبعد عنك وقررت أقعد معاكي لحد أما تزهقي مني
مامتها: أنا يابنتي هزهق منك ده أنا اشيلك في نن عيني
مامتها خرجتها من حضنها وبهمس قالت: حصل حاجة بينك وبين عزيز
فاتن: أبدًا يا ماما أنا بس حبيت أقضي معاكي وقت لحد ما معاد فرحي يجي وعشان كفاية قعاد في الفيلة أنا مخطوباله بس مش متجوزين
مامتها: طيب كويس كنت قلقانه ليكون فيه حاجة
فاتن: لأ مفيش حاجة متقلقيش
فاتن: هتعمليلنا إيه على الغدا
مامتها هعملك الأكلة اللِ بتحبيها
فاتن: أوعي تقول رز وبطاطس وفراخ في الفرن
مامتها: بالظبط، ووجهت كلامها لعزيز: أنت أكيد هتتغدى معانا
عزيز: مش هقدر واللهِ يا حماتي عشان ورايا شغل
مامتها: شغل إيه وبتاع إيه لأ طبعًا هتتغدى معانا يعني هتتغدى معانا
فاتن: خلاص يا حبيبي ولا عاوز ماما تزعل منك وأنا كمان
عزيز: لأ وعلى أيه كلوا إلا زعل حماتي وحبيبتي دول أغلى أتنين في حياتي
فاتن ومامتها ضحوا
مامتها: هروح أنا بقى أجهز الأكل عقبال ما ترتبي هدومك يا حبيبتي
سابتهم وراحت تجهز الأكل
عزيز طلع مع فاتن يطلعوا الشنط وصلوا عند الأوضة وفتحتها فاتن وكانت نضيفه لأن مامت فاتن حريصة على نضافتها عشان لو أي حد جيه
دخلت ودخل عزيز معاها وبدأت توضيب الدولاب وعزيز بيتكلم معاها
عزيز: أنا مش عاوزك تزعلي مني على تعجيلي في موضوع مامتك
فاتن بابتسامه: بالعكس يا حبيبي أنا كده ولا كده كنت عاوزه كده وأكيد أنت ليك أسبابك
عزيز: فعلًا أنا عندي أسباب وأسباب مهمة كمان
فاتن: طب ما تحكيلي... لو حابب يعني
عزيز: أنا أكيد مبحبش أحكي غير معاكي بس مش هقدر أحكي دلوقتي اعذريني
فاتن: عذراك يا حبيبي وفي أي وقت أنا موجودة
عزيز: أكيد يا حبيبي أنتِ أول حد هحكيله ومش هحكي لغيره
بصوا لبعض بحب وكملت فاتن توضيب ولما خلصت نزلوا سوا تحت يشوفوا مامتها محتاجة مساعدة ولا حاجة
فاتن دخلت لها المطبخ
فاتن: محتاجة مساعده ولا حاجة
مامتها: لأ يا حبيبي الأكل خلاص قرب يخلص روحي اقعدي أنتِ مع عزيز
راحت فاتن تقعد معاه وقعدوا يحكوا ويهزروا عقبال ما مامتها تخلص
جات مامتها ونادت عليهم عشان ياكلوا
عزيز وفاتن: جايين حاضر
وقاموا دخلوا وبدأوا ياكلوا وخلصوا أكل وعزيز قام راح الليڤينج وفاتن كانت بتساعد مامتها في شيل السفرة وعملوا نسكافيه وفاتن ودتوا لعزيز وقعدوا يشربوا سوا وهما بيتفرجوا على فيلم وخلص النسكافيه
عزيز: هقوم أنا بقى عشان مش هينفع أتأخر أكتر من كده يا حبيبي
فاتن: تمام بس متنساش تطمني عليك لما تروح
عزيز: حاضر يا حبيبي
فاتن: في رعاية الله يا حبيبي
عزيز ركب العربية واتحرك وفاتن دخلت وقفلت الباب وطلعت اوضتها تريح ومستنيه اتصال عزيز عشان تنام
عند أمير في الفيلة
قاعدين في الليڤينج
أمير: هو مبيردش عليك ليه
بيتر: تلاقيه مش واخد باله من التلفون متقلقش هو لما يجي هيطمنا
أمير قاعد في قلقل من ساعة ما فاتن مشيت وبيتر قاعد معاه مستني عزيز عشان يعرف إيه الموضوع وكاميليا قاعدة في اوضتها مش هاممها حاجة لأن مبقاش يهمها ومش هتهتم غير بالخطة اللِ في دماغها
عزيز كان بيركن العربية وأمير وبيتر سمعوا صوت العربية عزيز داخل لقى الأتنين قاعدين في الليڤينج وبيبصوا ليه
عزيز: بعتذر عن عدم ردي بس كنت مشغول
أمير لسه هيتكلم قطعه عزيز
عزيز: من غير أسئلة كتير فاتن عند مامتها ومن بدري مكلماني عشان اوديها تقعد معاها لحد الفرح ووديتها واتغديت معاهم وتلفوني كان فاصل وكنت بشحنه ونسيت إني امسكه واكلمك يا بيتر، أنا هطلع اوضتي مش عاوز أي مناقشات لأني عاوز أنام تصبحوا على خير
طلع وساب أمير وبيتر
أمير: شايف
بيتر: أهدى
أمير: متقوليش أهدى أنا مش ههدى
وطلع اوضته وسابه
بيتر: على أخر الزمن هيتشنج عليا مهو عيل نقول إيه
أنا هطلع أقول لكاميليا
عند عزيز خد شاور ولبس وراح عشان يرن على فاتن
بيرن على فاتن
فاتن: الو يا حبيبي وصلت
عزيز: اه يا حبيبي
فاتن: حصل حاجة بينك أنت وأخوك
عزيز: هيحصل إيه يعني أنا بس عرفتهم أنتِ فين وأنا كنت بعمل إيه وطلعت اوضتي
فاتن: طيب الحمدلله
عزيز: أكيد أنتِ تعبانه وعاوزه ترتاحي من تعب اليوم فهسيبك ترتاحي
فاتن: حبيبي اللِ حاسس بيا
عزيز: امااال
عزيز: تصبحي على خير
فاتن: وأنت من أهله
عند بيتر حكى لكاميليا كل حاجة
كاميليا: وداها بدري بدري عشان خايف لحد يأذيها مننا
بيتر: بس على مين شوفي لو سفرها لبره هنفذ خطتي برضوا
كاميليا: ياريت تنفذها قريب قبل ما تلاقي دبلته في أيديها الشمال(الجواز)
بصلها بيتر بمعنى متقلقيش وقام وخرج يروح اوضته عشان ينام
عند أمير
أمير: بيحاول يبعدها عني فاكرني بكده مش هعرف أطولها ده أنا أقدر أوصلها لو في سابع سما أو سابع أرض خليك أعمل اللِ تعمله وفي الأخر فاتن هتبقى ملكي أنا
ياترى الجوازه هتتم ولا لأ
#بقلمي
#هاجسي_أنت
ك/ فاتن محمد ♡فُتُون♡
رأيكم يهمني ❤️
بعتذر عن التأخير بس حقيقي مكنتش عارفه أكتب مش عشان مش عارفه الأحداث لأ عشان أيدي مش قادرة تكتب حرف وكنت حزينه وخايفة إني مكملهاش بس الحمدلله قدرت أكملها وانتظروا البارت 22 عن قريب
أنت تقرأ
My obsession is you||هاجسي أنت
Romanceالهوس الهوس زي ما هو مؤذي إلا أن إحنا بدأنا نحبه بل بدأنا نتمناه نتمنى شخص يدخل حياتنا يبقى مهووس بينا بكل تفاصيلنا بس عمر ما هيحس بالأذى ده غير اللِ طاله عمر ما هيحس الشخص أن الهوس مؤذي غير لما يجربه بس بطلتنا محستش بالأذى بل بالعكس حبته حبت الأذى...
