صباح تاني يوم على ابطالنا صحي عزيز وخد شاور ولبس ونزل لقاهم بيفطروا راح ووقف قدامهم
عزيز: صباح الخير، طبعًا انتوا مش غُرب ولازم تكونوا عارفين إن فرحي بكرة وهبقى ابعتلكم الدعوة اللِ هتدخلوا بيها الفندق انهاردة عالڤيلة، وسابهم وهما مصدومين وخرج يروح الشركة.
أمير: يعني إيه، هو خلاص اتجنن طب والخطة
بيتر: اهدى كده وكل حاجة تتنفذ زي ما هي
أمير: لأ طبعًا أنت عاوزني اسيبها تتجوزوا إحنا هنقدم في الخطة هتبقى انهاردة اتصل على الرجالة وعرفهم وأنا هزودلهم في المبلغ
بيتر: طب مهي أكيد مش هتبقى موجودة في البيت وبتظبط نفسها
أمير: خليهم يراقبوها ويحاولوا يخطفوها انهاردة بأي شكل
بيتر: تمام، هرن عليهم وابلغهم
كاميليا طلعت اتسحبت على اوضتها ولحقها بيتر ودخل وراها الاوضة وقفل الباب
بيتر: متقوليش لعزيز على حاجة خلي الخطة تتنفذ عشان نعرف ناخد أوراق الملكية
كاميليا: بس
بيتر: مبسش، اسمعي كلامي
كاميليا: حاضر
راح بيتر لاوضته عشان يكلم الرجالة
عند فاتن في البيت
فاتن: يلا يا ماما معندناش وقت
مامتها: جايه اهو
مامتها جات وقفلت الباب وراهم وركبوا العربية عشان يتحركوا على صالون التجميل وكان متابعهم رجالة أمير
عند عزيز في الشركة كان بيخلص شغل عشان الفرح وعشان ياخد اجازة الفرح وخلى المشرف العام على الشغل يستقبل الإتصالات مكان السكرتيرة لأن مفيش وقت يجيب غيرها
اتصل بفاتن عشان يطمن عليها
عزيز: الو يا حبيبتي وصلتي لفين؟
فاتن: قربنا عليه أهو... بس أنت ليه مقولتليش إنك باعت ناس معانا يمشوا ورانا عشان يطمنوك
عزيز بقلق: بس أنا مبعتش حد
فاتن: إزاي يعني، ده فيه عربية سودا من بدري ماشية ورانا
عزيز: طب أنتِ فين بالظبط
فاتن: أنا عند... اللِ في....
عزيز: تمام، اديني السواق
فاتن: احم عزيز عاوز يكلمك، هو على التلفون
السواق: تمام ادهوني
فاتن ادته التلفون
السواق: ايوه يا عزيز باشا
عزيز: العربية اللِ وراكم دي مش طبعي حاول تغفلها وتبعدوا بالعربية عنها
السواق: تمام يا عزيز باشا
عزيز: ابقى خليك على تواصل معايا وطمني وصلت لايه
السواق: تمام يا عزيز باشا
وقفل الخط وادى التلفون لفاتن
فاتن: خير هو عزيز كان عاوز منك إيه
السواق: مفيش كان عاوز يتطمن عليكم و قالي لما نوصل أعرفه
فاتن: تمام
مامتها بقلق: فيه إيه يا بنتي
فاتن: مفيش حاجة يا ماما متقلقيش
مامتها: خير إن شاء الله
كملوا الطريق لصالون التجميل لكنه كان بعيد في محافظة تانية لأنهم مش عندهم فرع في محافظتها
السواق قعد يتحرك ويبعد بس مقدرش والعربية وقفت قدامهم، علطول اتصل السواق بعزيز
السواق: ايوه يا عزيز باشا العربية وقفت قدامنا ووقفت الطريق حاولت ابعد لكن معرفتش
عزيز بعصبية: غبي، حاول تحمي الجماعة قدر الإمكان
قفل عزيز الخط والسواق نزل وقفل العربية والشبابيك من كل الجهات عشان يحفظ سلامتهم
وفي المقابل نزل راجلين من العربية واتجهوا ناحية السواق
السواق: خير يا جماعة فيه مشكلة ولا حاجة
راجل منهم رد: الجماعة اللِ معاك تخصنا وبالتحديد الآنسة
السواق: تخصكم في إيه
رد الراجل: ايوه تخصنا من غير دوشة ادهالنا
السواق قعد يعاند لحد أما الراجل طلع السلاح وصوبه ناحية السواق السواق اتخض ورفع ايديه الأتنين
والراجل التاني اتجه ناحية العربية لكن السواق حاول يبعده عنها لكن فشل لأنه اتصاب برصاصة في رجله اليمين ووقع من الوجع على الأرض وفاتن ومامتها كانوا خايفين وصوتوا أول ما السواق اتصاب
كمل الراجل طريقه وخبط على ازاز العربية مفتحش وكل ده فاتن شايفاه لحد أما جاب طوبة وكسر ازاز باب السواق عشان يفتح العربية لكل البيبان وفتح باب فاتن ومسك دراعها وسحبها بعنف من حضن مامتها، جات مامتها تنزل لكن فاتن منعتها
فاتن بدموع: خليكي مكانك يا ماما عشان متتأذيش منهم، وأكيد عزيز هيعرف يوصلي
نزلت فاتن مع الراجل، والراجل اللِ ماسك السلاح قال للسواق
الراجل: بلغ عزيز إن الأمانة رجعت لأصحابها
ومشي الراجل ورا التاني اللِ معاه
ومامت فاتن نزلت وراهم ومسمعتش الكلام وراحت تجري ورا الراجل وفاتن لحد أما قالت: سيب بنتي يا حيوان
الراجل التاني لف وصوب المسدس باتجاه مامت فاتن
فاتن بزعر: ارجوك متأذيهاش وأنا هروح معاكم، يا ماما ابعدي عنا ومتعانديش
الراجل: ايوه كده يا حجة اسمعي كلام بنتك عشان منأذيهاش ونأذيكي
مامتها سكتت ودموعها مستمرة في النزول وهي شايفه بنتها بتبعد عنها وبتركب العربية وهي مش عارفة تحميها
لحد أما العربية اتحركت، وهي جريت على العربية عشان تكلم عزيز
مامتها: الو يا عزيز فاتن اتخطفت
عزيز بصدمة: إيه
مامتها بانهيار: عزيز أنا عاوزة بنتي ترجعلي يا عزيز بنتي ملهاش ذنب باللِ أنت بتعمله ملهاش ذنب بشغلك
عزيز: طب اديني السواق كده
مامتها ادت التلفون للسواق
السواق: الو يا عزيز بيه
عزيز بعصبية: إيه اللِ حصل
وبدأ السواق يحكي لعزيز على اللِ حصل، وبس كده ياعزيز باشا ده كل اللِ حصل
عزيز: مقدرتش تلمح نمرة العربية حتى
السواق: مكانتش موجودة على العربية
عزيز: تمام أنا هبعتلك عربية تاخدكم، انتوا فين بالظبط
السواق: في.....
عزيز: تمام, اديني مامتها
السواق رجع التلفون لمامت فاتن، وحطته على ودنها
عزيز: متقلقيش بنتك هترجع لحضنك قبل معاد الفرح والفرح هيتم
مامتها: يارب... يارب يا عزيز
عزيز: هبعتلك عربية ترجعك لبيتك، وتودي السواق المستشفى
قفل عزيز الخط معاهم وبدأ يعمل اتصالاته مع زميله في الداخلية عشان يلاقي فاتن في أسرع وقت
عند فاتن كان فيه رباط على عينيها حاجب رؤيتها وايديها الاتنين متكتفين وقاعد جانبيها راجل من الرجالة، لأنهم كانوا تلاتة
فاتن: إحنا رايحين فين، وانتوا تبقوا مين، وعاوزين مني إيه
رد واحد منهم: هتعرفي لما نوصل
سكتت فاتن وهي خايفة وبتدعي ربها في سرها إن مامتها تفضل بخير
وصلوا للمكان اللِ هيسيبوا فيه فاتن ونزلها من العربية الراجل اللِ كان قاعد جانبها وخلاها تتحرك وهي مش شايفة حاجة لحد أما دخلوها أوضة وشالوا من على عينيها الرباط وفكوا رباط أيديها وسابوها وخرجوا وقفلوا الباب وراهم
فضلت فاتن تبص للاوضة بسرحان وعدم تركيز وراحت تقف في شباكها وبتسترجع مشهد الخطف لما اتخطفت واتحطت في أوضة ودخل عليها عزيز وأتمنت إن عزيز يفتح باب الاوضة ويدخل زي المرة اللِ فاتت والمرادي هي هتجري عليه وتحضنه، بس خاب توقعتها لما الباب اتفتح وهي لفت ولقت حد تاني غيره
فاتن بصدمة: أمير!
ياترى إيه اللِ هيحصل لابطالنا، استنوا البارت الجاي عشان تعرفوا.
رأيكم يهمني❤️
#بقلمي
#هاجسي_أنت
ك/ فاتن محمد ♡فُتُون♡
أنت تقرأ
My obsession is you||هاجسي أنت
Romanceالهوس الهوس زي ما هو مؤذي إلا أن إحنا بدأنا نحبه بل بدأنا نتمناه نتمنى شخص يدخل حياتنا يبقى مهووس بينا بكل تفاصيلنا بس عمر ما هيحس بالأذى ده غير اللِ طاله عمر ما هيحس الشخص أن الهوس مؤذي غير لما يجربه بس بطلتنا محستش بالأذى بل بالعكس حبته حبت الأذى...
