صحيت من النوم عشان امارس يومي الطبيعي أو اللِ نفسي يبقى طبيعي خرجت من الاوضة نزلت تحت عالمطبخ علطول أحضر الفطار لقيت عزيز والمسلوعة نازلة معاه نزلوا وكأني مش موجوده خالص راحت توصله عند الباب
كاميليا: مع السلامة يا حبيب
قاطعتها أنا وقولت: عزيز
عزيز بصلي باستغراب
أنا: لا إله إلا الله حبيت أودعه عشان اغيظها
عزيز: محمد رسول الله
ومشي طبعًا كاميليا شايطة عشان رد عليا وهي لأ لقيتها جايه عليا
كاميليا: بلاش تعملي معايا أنا الحركات دي
أنا:حركات إيه
كاميليا: يعني مش عارفه
أنا: لأ مش عارفه ممكن تعرفيني
كاميليا: لأ أنتِ عارفه كويس وياريت تبعدي عن زيزو حبيبِ لأنه أكيد مش هيبص لوحده زيك ويسيبني أنا
أنا: عقليتك المريضة دي خليهالك متطلعهاش عليا يا حبيبتي ده غير أن أنا متعوده اقول لعزيز كده كل أما أشوفه ماشي حفاظًا على سلامته أحسن من مع السلامة بتاعتك دي ووسعي كده عشان عاوزه أحضر الفطار لأني جعانه واعملي حسابك أنتِ مش معزومة عالسفرة دي
سيبتها وبدأت أكمل في باقي الحاجات اللِ كنت بحضرها وهي مشيت وهي بتولع تقريبًا ههههههه طلعت على اوضتها
قربت اخلص الأكل كان أمير نزل
أمير: صباح الخير
أنا: صباح النور قربت أخلص اهوو عشان نفطر سوا
أمير: لأ أصل أنا يعني فطرت مع عزيز وكاميليا أصلها عملت لنا الفطار بدري شويه
أنا: تمام أنا هفطر أنا
أمير: حقيقي آسف بس مقدرتش اكسفها ساعتها وأقولها لأ وأنتِ عارفه إني متعود أفطر معاكي
أنا: مش مضطر تبرر موقفك لأني مش مضايقة منك خالص ومبسوطة أنك بدأت تقرب من أخوك
أمير: أنا مش عارفه أنتِ ملاك ولا هلاك
أنا: مش فاهمه
أمير: متركزيش المهم افطري أنتِ ولما تخلصي ابقي هاتي النسكافيه وتعالي نشربوا سوا في الجنينه أنا هستناكي برة
أنا: تمام
خلصت الأكل وبدأت أكل في المطبخ وأنا باكل حسيت بحركة حواليا أصلي كنت سرحانه في الأكل ساعتها ببص ورايا لقيته عزيز بصتله نظرة عتاب مش عارفه بعاتبه على إيه بس تلقائيًا لقتني ببصهاله وبعدين لفيت وشي عشان أكمل أكل بس حسيت بنفس جنب ودني ببص لقيت عزيز وشه في وشي ميفصلنيش عنه غير كام مللي حاولت ابعد لكن هو حط أيديه على رخامة المطبخ وقال
عزيز: مالك
أنا: مفيش مالي
عزيز: لأ فيكي حاجة وأنا حاسك متغيرة معايا
أنا: أنا... هو أنت امتى حسيت كده معلش
عزيز: يمكن من ساعت ما كاميليا جات
أنا بتصحيح: تقصد حبيتك لأ أبدًا أنا زي مانا بدليل أني حضرت الفطار على أساس نفطر سوا وفي الأخر فطرت لوحدي لو أنت حاسس إن أنا متغيرة فأنا اتغيرت عشان أنت اتغيرت المعاملة بالمثل ولا إيه
عزيز: اه المعاملة بالمثل مهو لو المعاملة بالمثل فأنا بعاملك معاملة خاصة
أنا: مش فاهمه بتعاملني إزاي
عزيز: تعرفي قصة (Beauty and the beast)
أنا: ايوه الجميلة والوحش بس ايه علاقته بيا وبيك أنت تقصد
عزيز: ايوه اقصد اللِ في بالك أنتِ جميلة أوي يا فاتن وتستحقي الأمير مش الوحش وأنا وحش عشان كده لازم ابعدك قدر الإمكان عني
أنا: بس أنا ملاحظة أنك مش بتبعدني عنك بدليل وقفتنا دلوقت
ساعتها عزيز بعد وكان هيمشي بس أنا وقفته
أنا: عزيز مبصش ليا لكن وقف فكملت على فكرة الجميلة لو كانت قابلت الأمير قبل اللعنة مكانش هيحبها لكن هي قابلته بعد اللعنه اللِ حصلتله وهي اللِ قدرت ترجع الأمير تاني ومبقاش وحش عارف بسبب إيه... بسبب أنه حبها وهي حبته حتى.. حتى وهو وحش تخيل لأنها بتقدر الجمال الداخلي بتقدر قلبه.
مشي عزيز بس أنا كنت مرتاحة بل مبسوطة وببتسم أنه أنا قدرت احرك قلب الوحش وإني قربت افك لعنته
لفيت أكمل أكل
كاميليا من فوق مستخبيه وكانت بتسمع وبتشوف حوار عزيز وفاتن وقالت: ماشي يا فاتن أنا هطفشك زيك زي اللِ قبلك الفرق بس أني هطفشك عشان متاخديش مني حبيبِ حتى لو وصل بيا الأمر أني اقتلك لأني اللِ يقرب من عزيز أنا بنهي حياته من غير ما يرمشلي جفن حتى
وطلعت عالاوضة بتاعتها...
ياترى إيه اللِ هيحصل مع بطلتنا وهل هتفك اللعنة ولا مش هتقدر تكمل المشوار للأخر...
البارت قصير عشان أنا مشغولة في دراستي ورغم كده بكتبه لأني أتعلقت بابطالها حقيقي وبعيش معاهم كل الاحداث اللِ بكتبها دي زي زيكم بالظبط❤️
#بقلمي
#هاجسي_أنت
ك/فاتن محمد ♡فُتُون♡
رأيكم يهمني أكمل ولا لأ🌚❤️
أنت تقرأ
My obsession is you||هاجسي أنت
Romansaالهوس الهوس زي ما هو مؤذي إلا أن إحنا بدأنا نحبه بل بدأنا نتمناه نتمنى شخص يدخل حياتنا يبقى مهووس بينا بكل تفاصيلنا بس عمر ما هيحس بالأذى ده غير اللِ طاله عمر ما هيحس الشخص أن الهوس مؤذي غير لما يجربه بس بطلتنا محستش بالأذى بل بالعكس حبته حبت الأذى...
