أتحرك عزيز بعد أما اتطمن على أحوال الناس اللِ في البيت نزل عشان يشوف لو حد صاحي لقى فاتن صاحية بتحضر الفطار نزل وراح لها مخدتش بالها منه لأنها كانت مدياله ظهرها
عزيز: صباح الخير
أنا: صباح النور أنا بحهز الفطار وقرب يخلص استناه عالسفر
عزيز: عاوز أتكلم معاكي بعد الفطار في الجنينه
أنا باستغراب: تمام
خلصت الأكل وكان الكل نزل وقعدوا عالسفرة وأنا بدأت أحط الأكل أمير كان هيقوم يساعدني بس بيتر وقفه وبصله بمعنى لأ
مهتمتش وحطيت الأكل وقعدت كنت للأسف الشديد قاعده جنب بيتر
بدأنا ناكل وعزيز اللِ لاحظته أنه عمال يبص عليا أنا وبيتر كنت باكل لقيت بيتر بيهمس
بيتر: مش عارفه أنتِ طايقة نفسك ازاي وأنتِ عارفه أنك مجرد خدامة وقعدة وسطنا تاكلي
أنا بنفس الهمس: عندك حق أنا مش عارفه إزاي نزلت من مستوايا وقعدت أكل معاك على نفس السفر
عليت صوتي وأنا بقوم أنا شبعت عن اذنكم
قومت طلعت على اوضتي وقفلت الباب ورايا وقعدت عالسرير وأنا مخنوقه من بيتر وبقول بيني وبين نفسي: المتعجرف اللِ فاكر نفسه حاجة وهو ولا حاجة
فردت ظهري وسندت على السرير وغمضت عيني وأنا بسمع أغنية (مش ندمان) ومندمجة وبعيط فجأة لقيت حد بيمسح دموعي فتحت عيني لقيته عزيز اتعدلت في قعدتي ومسحت دموعي
أنا: أنا آسفة نسيت أنك قولتلي أنك عاوزني
عزيز: أنا جيت لحد عندك لما لقيتك طلعتي على أوضتك ومنزلتيش خبطت عالباب محدش رد خوفت ليكون جرا ليكي حاجة فدخلت لقيتك كده أنتِ بخير
أنا: اه أنا تمام قومت عشان أقف بس اختل توازني وكنت هقع بس عزيز مسك دراعاتي الأتنين
عزيز: لأ أنتِ مش بخير خالص أنا هجيبلك دكتور قعدني عالسرير
أنا: يا عزيز ملوش لازمه أنا بخير
جيت عشان أقوم امنعه فلف هو ووقعت في حضنه كنت مدروخة جامد
أنا بصوت واهن: عزيز مش لازم دكتور لو نمت هبقى كويس
عزيز: مهو واضح عالعموم نامي لحد أما الدكتور يجي
سندتها لحد السرير وخطتها وخدت تنهيدة وسيبتها وخرجت وقفلت الباب
عزيز بينه وبين نفسه: أنا آسف أنا السبب في كل ده بس زي ما بدأت المهزلة دي أنا هنهيها ونزل تحت لقى دكتور العيلة واقف مع أمير
أمير: أزيك يا دكتور أحمد أخبارك إيه
د/ أحمد: بخير الحمدلله أزيك أنت يا أمير بيه
أمير: أنا الحمدلله بخير بس انت جاي لمين
عزيز: جاي ليا أنا
أمير: ليه أنت مالك يا عزيز
عزيز: جاي بس مش ليا جاي لفاتن تعالى يا د/ أحمد ورايا
عزيز خد الدكتور وطلعوا لاوضة فاتن أما أمير عقبال ما استوعب طلع وراهم
الدكتور كان بيفحص فاتن وقال: عندها هبوط حاد بسبب قلة الأكل هي فطرت انهاردة
عزيز بتذكر لما قامت من عالسفرة بدري : لأ مكالتش كويس
الدكتور: عشان كده جالها الهبوط ده خلوها تاكل كويس وادوها فاتح الشهية ده
عزيز: تمام يا دكتور
عزيز راح يوصل الدكتور عند باب الفيلة ورجع تاني لفوق بعد أما أمر حد من الحراس يجيب فاتح الشهية لفاتن
عند اوضة فاتن
أمير: إيه اللِ خلاكي متاكليش
عزيز: أنا عارف مين السبب وأنا هتصرف وأعلمهم الأدب
أمير: أنت تقصد مين بالكلام ده
عزيز: هتعرف قريب أوي هتعرف مين
عزيز ساب أمير ومشي راح على اوضة بيتر
عند اوضة ببتر
كان قاعد بيفكر في فاتن بعد أما عرف من الدكتور إيه اللِ حصلها لما كان قاعد في الجنينة بااك.... معقول أنا السبب في تعبها وأنا مالي هو أنا اللِ قولتلها تقوم من عالأكل مهو كلامي أكيد هو السبب اتنهد ولقى حد بيخبط عالباب
بيتر: اتفضل
دخل عزيز وقرب من بيتر فبيتر اتوتر بس فضل ثابت في مكانه
عزيز: من غير لف ودوران أنت إيه علاقتك بفاتن
فلاش باااك
عزيز كان شاكك في بيتر واتأكد لما أمير قاله امبارح فاتن كانت داخله متعصبه وكنت أنا خارج للجنينه لقيت ببتر قاعد فيها فخمنت أنه سبب عصبيتها بس مش عارف أتأكد برضوا منه واسأله بهدوء هو عاوز منها إيه ساعتها هو أتأكد لأنه كمان شافه في الكاميرا
بااك
بيتر: أنت تقصد إيه
عزيز: أية اللِ حصل بينك وبينها في الجنينه
بيتر: وأنت عرفت منين أن حصل بيني وبينها حاجة
عزيز: يعني حصل اتفضل كده احكيلي إيه اللِ حصل
بيتر: هي كانت بتقول على أختي كلام وحش فقومت أنا حذرتها أنها تبعد عن أختي ومتعملش حاجة
عزيز: بس هو ده يعني اللِ حصل
بيتر بتوتر: يعني أنا هكدب عليك في حاجة يعني
عزيز: تمام بس متجيش تلومني على تصرفي لو كلامك طلع كله غلط مشي عزيز وسابه وراح على اوضته
عند بيتر راح لفاتن اوضتها وكانت هي بدأت تفوق وحاطه ايديها على دماغها لقيت حد بيخبط
أنا: اتفضل
دخل بيتر وقفل الباب أما هي وشها امتعض كده وقالت
أنا: عاوز إيه مني
بيتر: عاوز منك كل خير لو عزيز سألك عن أي حاجة تخص كلامنا مع بعض في الجنينه تقوليله بالحرف أنك غلطتي في أختي وأنا حذرتك أنك متعمليش كده تاني
أنا: وأنت أية اللِ يخليك واثق أن أنا هقول كده
بيتر: إلا واثق لقيته سحب الكرسي وقعد قصادي
بيتر: دي مين وراني تلفونه
بصيت فيه لقيت... لقيت ماما مع الخدامة بس أنا مش عارفه إزاي عزيز ميعرفش كده
عيني رغرغت وبصتله
أنا: أنت إزاي بالبشاعة دي إزاي تعمل كده أنا عملتلك إيه
بيتر: بطلي شغل الصعبانيات ده أتمنى تكوني عقلتي وعرفتي هتقوليله إيه ولو فكرتي أنك تقوليله عالحقيقة ساعتها أنتِ الجانية على روحها
وسابني ومشي فضلت اعيط لحد أما لقيت حد ببخبط عالباب مسحت دموعي عالسريع
أنا: اتفضل
دخل عزيز وقفل الباب وراه
عزيز: بقيتي أحسن دلوقتي
أنا: اه الحمدلله بخير بالمناسبة شكرًا لاهتمامك
عزيز: من غير شكرانية أنتِ مسئولة مني
بصتله وابتسمت وهو ابتسملي
عزيز: كنت عاوز أكلمك في موضوع كده
أنا: تمام احكي
عزيز: إيه اللِ حصل في الجنينه بينك وبين بيتر
أنا بلجلجة: اللِ حصل...
ياترى فاتن هتقوله الحقيقة ولا هتكدب وهيوصل ابتزاز بيتر لفاتن لحد فين
#بقلمي
#هاجسي_أنت
ك/ فاتن محمد ♡فُتُون♡
عاوزه تفاعل جامد عشان أنزل ال13 يا حلوين🌚❤️
أنت تقرأ
My obsession is you||هاجسي أنت
Romantikالهوس الهوس زي ما هو مؤذي إلا أن إحنا بدأنا نحبه بل بدأنا نتمناه نتمنى شخص يدخل حياتنا يبقى مهووس بينا بكل تفاصيلنا بس عمر ما هيحس بالأذى ده غير اللِ طاله عمر ما هيحس الشخص أن الهوس مؤذي غير لما يجربه بس بطلتنا محستش بالأذى بل بالعكس حبته حبت الأذى...
