أنا: أنت مين
عزيز بحزن: أنا ع..زيز وأنتِ بقالك أسبوعين في غيبوبة الدكتور مقدرش يطمنا عليكي كويس وقال أنه ميعرفش هتقومي امتى ومفروض يتعملك فحوصات بعد أما تقومي أنا هتصل بيه عشان يجي يعمل الفحوصات خرج عزيز من الأوضة وسابني...
حاولت أقوم وبدأت اشيل الغطا عشان أقوم ولسه هقوم حسيت بدوخه خفيفة ولسه كنت هسند على الكوميدينو لقيت عزيز لحقني وقال
عزيز: أنتِ لسه فايقة مش معقول تتحركي من مكانك
أنا وبحاول أبعده عني: أنت مين أصلًا ولو سمحت أبعد عني
بحاول أبعده عني بس اتزحلقت بسبب السيراميك ووقعت عالسرير وهو فوقي لأنه كان ماسكني
فضلنا نبص لبعض لحد أما أنا اتنحنحت وهو انتبه وقام وأنا اتعدلت ووقفت تاني
أنا: لو سمحت أنا عاوزه أمشي أروح بيتي
عزيز: مش هينفع لما تخفي هسيبك تمشي
أنا: ليه هو أنت مين أصلًا عشان تقعدني هنا
عزيز: أنا إسمي عزيز ماهر الأحمدي وأنتِ كنت شغاله عندي وكنت هتمشي وجهزتي حاجتك ووأنتِ ماشيه نازله عالسلم اتكعبلتي ووقعتي وحصل اللِ حصل
أنا وبدأت دماغي توجعني: لأ كل ده كدب لأ آه دماغي مش قادرة وفجأة محستش بنفسي ووقعت عالسرير
عزيز وهو بيشتم في نفسه: أنا إزاي قولتلها وهي لسه فاقده الذاكره
فوقت على صوت الدكتور لازم ترتاح ومنحاولش نفكرها ونسيبها تفتكر لوحدها
أنا وبدأت أفوق خلاص وعزيز خد الدكتور وطلعوا بره الأوضة واتكلم معاه شويه بعدين جالي
عزيز: أنا عاوزك تهدي شويه عشان أنتِ تعبانه هجبلك أكل تاكلي ودوا وبعدين لما تفوقي وتبقي قادرة تتحركي هنتكلم بخصوص وجودك هنا
وسابني ومشي وأنا حاولت استوعب وقومت افتح الدولاب لقيت فيه هدوم فدخلت اخد شاور ولبست وخرجت من الحمام وأنا لابسه لقيت صنية الأكل والدوا جانبيها على الكوميدينو خدت الدوا وبعدين أكلت ولما خلصت أكل أخدت الصنية واتحركت عشان أنزل تحت ولما نزلت تحت لقيت ولدين وبنت قاعدين مركزتش مين لأني معرفهومش وروحت عالمطبخ أودي الصنية
وبعدين خرجت بره في الجنينة ولقيت مرجيحه فقدت عليها وغمضتت عيني وبدأت اهز فيها لحد أما غفيت فجأة وبدون سابق إنذار لقيت حد بيمسح على خدي ففتحت عيني أشوف مين ده لقيت حد أنا معرفهوش أنا أصلا معرفش غير عزيز بس
أنا: أنت مين
أمير: أنا أمير معرفش أنت فكراني ولا لأ بس احنا كنا أصحاب واكتر
أنا: آه تمام عن إذنك
وجيت عشان أقوم وأمشي لكن مسك أيدي فأنا ألتفت ليه
أمير: أنت بتحبي النسكافيه فممكن يعني تستنيني هنا عالمرجيحة عقبال ما أعمل ليا وليكِ
أنا بتردد: تمام
هو مشي وأنا رجعت أقعد تاني وغمضت عيني بعدها بشوية حسيت بخطوات حد بيقرب فقولت
أنا: أمير هو أنت لحقت تخلص النسكافيه
بس في لحظة استوعبت أنه أكيد مش هو لأنه ملحقش يخلص النسكافيه ففتحت عيني أشوف مين لقيته عزيز
عزيز: لحقتي تتعرفي على أمير واتعرفتي على مين تاني
أنا: متعرفتش غير عليك وعلى أمير لكن شوفت بنت وولد معرفهومش
عزيز: طب ابقي خلي بالك ومتثقيش في أي حد هنا
أنا: ده اكيد وأنت أولهم
عزيز باستغراب: أنا
أنا: اه أنت
عزيز: اللِ تشوفيه مع الوقت الأيام هتثبتلك مين يستاهل ثقتك
سابني ومشي وهو ماشي قابل أمير وهو جاي بالنسكافيه وبصله بصه مفهمتش معناها وكمل طريقه
أمير: أنت تعرفيه
أنا: اه أعرف عزيز عرفني عن نفسه
أمير: وقالك إيه
أنا: قالي أن أسمه عزيز وأني كنت شغاله هنا بس مقاليش كنت شغاله إيه
أمير: كنت بتهتمي بيا لأن حالتي الصحية والنفسية مكانتش كويسة
أنا: امممم تمام هات النسكافيه بتاعي
خدت النسكافيه بتاعي وبدأنا نحكي إيه اللِ بنحبه وبنكرهه
خلصت النسكافيه وقولتله أنا هطلع ارتاح شوية في اوضتي
أمير: تمام خلي بالك من نفسك ومتثقيش في أي حد
بصتله كده باستغراب وسيبته ومشيت وأنا بفكر ليه عزيز وأمير يقولولي نفس الجملة قصدهم إيه اني مثقش في حد امال هما عايشين مع بعضهم إزاي
وأنا طالعه وبفكر ملاحظتش اللِ كان نازل خبطت فيه وكنت هقع بس هو لحقني وقال
بيتر: أنتِ تاني عاوزه تقعي تاني أبقي خلي بالك
وسابني وكمل بس أنا وقفته
أنا: أنت مين
بيتر: آه أنا نسيت أنك فقدتي الذاكرة أنا بيتر بالمناسبة أنا ابقى أخو كاميليا وصاحب أمير وعزيز تقدري تقولي اخوات
أنا: آه تمام ربنا يخليكم لبعض
سيبته وطلعت دخلت اوضتي بينما بيتر نزل يشرب عصير وطلع تاني بس راح على اوضة اخته وخبط خبطتين
كاميليا: مين
بيتر: أنا يا كوكو
كاميليا وهي بتفتح الباب: مش قولتلك متقوليش كوكو
بيتر: ماشي يا كوكو المهم عاوزك في حاجة مهمة
كاميليا وهي بتقفل الباب بعد ما دخل
كاميليا: إيه
بيتر: أنا عارف أنك سبب في حادثة فاتن
كاميليا بتوتر : عرفت منين
بيتر: أكيد مفيش حد غيرك عاوز يأذيها هنا المهم عاوزك تاخدي بالك حاولي متتعامليش معاها كتير الفترة الجايه ولو هتتعاملي معاها اتعاملي بود ولطافة عشان متفتكرش اللِ كنت بتعمليه معاها وتعرف أنك السبب
كاميليا: حاضر
بيتر: هسيبك وامشي ومتنسيش اللِ قولتهولك
كاميليا قفلت وراه الباب وسندت عليه: ياريتك موتي مش فاهمه عيشتي إزاي بعد الواقعه دي بس نقول إيه القط بسبع أرواح و لسه باقيلك فرص للنجاة بس أنا اهو وأنتِ أهو
عند فاتن كانت واقفه في الشباك بتفكر في حالها والجملة اللِ قالها عزيز وأمير ومين بيتر وكاميليا وامتى هتخف وتمشي بس لأ أنا مش هستنى أنا همشي وابقى أخف في بيتي بعدت عن الشباك وراحت تريح شوية عقبال ما عزيز يجي وتكلمه عشان تمشي
ياترى عزيز هيوافق ويسيبها تمشي ولا هيتمسك بيها وهترجع لها الذاكرة ولا لأ وكاميليا ناويالها على إيه
#بقلمي
#هاجسي_أنت
ك/ فاتن محمد ꨄ︎فُتُونꨄ︎︎
أنت تقرأ
My obsession is you||هاجسي أنت
Romanceالهوس الهوس زي ما هو مؤذي إلا أن إحنا بدأنا نحبه بل بدأنا نتمناه نتمنى شخص يدخل حياتنا يبقى مهووس بينا بكل تفاصيلنا بس عمر ما هيحس بالأذى ده غير اللِ طاله عمر ما هيحس الشخص أن الهوس مؤذي غير لما يجربه بس بطلتنا محستش بالأذى بل بالعكس حبته حبت الأذى...
