ချစ်လား(completed)

🍎🍏ep42🍏🍎

ချန်း​ယောလ် လင်းကျင်းလာ​သော ပတ်ဝန်းကျင်ဝယ် အိမ်​ရှေ့က​စျေးဆိုင်​လေးဆီထွက်လာခဲ့လိုက်ရ၏။လိုအပ်သမျှပစ္စည်း​တွေ​ကောက်ထည့်ပြီး ​ကောင်တာဆီထွက်လာခဲ့လိုက်၏။

"အစ်ကိုဂျယ်​ယောင်း မ​တွေ့ရတာအ​တော်ကြာခဲ့ပြီပဲ
ကျွန်​တော်ကို သွားတိုက်​ဆေး၊သွားတိုက်တံ၊ဆပ်ပြာဘူး​လေး​တွေ ​ မုန့်​လေး​တွေ တန်ဖိုးတစ်ချက်​လောက် စစ်​ပေးပါဦး"

အစ်ကိုဂျယ်​ယောင်းက ကျသင့်​ငွေယူရင်း ချန်း​ယောလ်ကိုတအံတသြကြည့်လာ၏။

"အ​တော်​ပြောင်းလဲသွားတာပဲ မမှတ်မိချင်ဘူးဖြစ်သွားတယ် ပို​ချောပြီး ပိုမိုက်လာတယ် တရုတ်​မြေနဲ့တည့်တယ်ထင်တယ် အန်တီတို့​ရော မပြန်လာဘူးလား "

ချန်း​ယောလ် အစ်ကိုဂျယ်​ယောင်းကိုပြုံးပြလိုက်ပြီး
အိတ်ကို​သေချာကိုင်ထားလိုက်ရ၏။

"ဒီမနက် လိုက်လာမယ်​တော့​ပြောတာပဲ အစ်ကို​ရေ
ကျွန်​တော်လဲညတွင်းချင်းပြန်လာခဲ့ရလို့ ဘာလက်​ဆောင်မှမဝယ်လာခဲ့ရဘူး ။​ပြောင်းဖူးခင်းဆီသွားချင်လို့ က​လေး​တွေ ဆိုင်ကို​ရောက်ရင် အိမ်ကိုလွှတ်လိုက်ပါဦး"

ချန်း​ယောလ်စကား​ကြောင့် အစ်ကိုက​ခေါင်းငြိမ့်ပြ၏။ချန်း​ယောလ် အိမ်နဲ့မျက်​စောင်းထိုးအိမ်​ဖြစ်တာ​ကြောင့် သိပ်ကြာကြာမ​လျှောက်လိုက်ရ။ခဏနှင့်ပြန်​ရောက်​လေသည်။
ကိုယ်လက်သန့်စင်ပြီး ​ရေမိုးချိုးဖို့ပြင်ရသည်။
ချန်း​​ယောလ် အဝတ်လဲပြီးလို့ ​အောက်ထပ်ဆင်းလာချိန်မှာ​တော့ မားနဲ့ပါးက ​ရောက်လို့ ချက်ပြုတ်​ရေးပင်ဝင်​နေ​လေပြီ။
ချန်း​ယောလ် အ​မေဖြစ်သူ၏ ခါးကိုဖက်လိုက်ပြီး ပါးကိုတစ်ချက်နမ်းလိုက်သည်။

"အ​မေဖြစ်သူကို သတိ​တော့ရ​သေးတယ်​ပေါ့ ပိုက်ဆံ​တွေပဲပို့ပြီး အိမ်ပြန်လာဖို့မနည်း​ပြော​နေရတာမလား ။ဘာလဲ တရုတ်မ​လေးတစ်​ယောက်​ယောက်နဲ့ချစ်သူဖြစ်ပြီး ပြန်မလာချင်​တော့တာလား"

မားရဲ့စကား​ကြောင့် ချန်း​ယောလ် ရယ်မိလိုက်သည်။အပါးကိုလည်းဖက်လိုက်ပြီး ပါးကိုရ​အောင်နမ်းလိုက်​သေးသည်။ ဝယ်လာတဲ့မုန်လာဥနီကို ​ရေ​ဆေးပြီး ဒီအတိုင်း ဝါးစားလိုက်၏။