هيجان بحر الزمن
الكاتبه camellia
سلام عليكم حبايبي
نرجع نخوض وياكم بتفاصيل قصه جديده
نزلت الًيَوُمًِ مقتطفات من القصه
غلاف القصه بعده ماجاهز بس غصب
عني خلوني انزل منهه مقتطفات 😬
وبس ينزل الغلاف انزله بلقصه
~~~~~~~~~~~~~~~~~
هاج الزمن
كالبحر أسر تلك السفينه
لا حول لها ولا قوه
يسيرها هباب الزمن بامواجه
سفينتي تسير بلا وجهة وكل وجهة
تلاطمها تلك الامواج وتتخللها تلك العواصف الرعديه
ايام سنين .سفينتي تسير
والزمن قائدها نحو وجهتها
كلما أدير الدفه نحو الأمان
تعترضني صفعه من تلك الموجه وتحمل سفينتي
تلقيها وسط الامواج .فتتلاطم حياتي معها
ليس لي سند بجؤجؤ صدر السفينه
الا مسمار امل قد ضاع خيطه
فتمسكت بأمل ارفع من خيط العناكب
~~~~~~~~
تلك انا ارى نفسي
وانا أخوض غمار بحر الزمن
تتلاقفني امواجه نحو تلاطم الشواطيء
كل موجه لها رعد وبرق
كل موجه وتضرب القلب والنفس
لوعج الاشجان كانت تسيرني
مع كل موجه القي موجه اكبر وادهى
زمان قد كتب علي ان اخوض
تلك الغمرات الصعبه
فتتكسر كل الاحلام
فاعيد الحلم بعد الحلم
واحبس تلك الدمعه السريه
دمعه تقل لي هذه نهايتك
ولكن هناك داخل البحر ووسط تلك الاعماق
اسمع تلك الأصوات
أصوات رهيبه وقاسيه
أصوات تنبهني ان هناك امل بعد طول ياس
هناك فرج بعد طول صبر
ابقى في سفينتي
وانا ادير الدفه بعد الدفه
واخيرا تسكن اخر موجه
وتعلن تلك النهايه
نهايه قساوة البحر
وبدايه الروح الجديده
فسميت الروح الجديده لقاء
ونعم الاسم بعد طول صبر وعناء
~~~~~~~~~~~~
مقتطف الاولئ ...
. .ولج يمه ماماااا
وكامت تبجي وتمسكن بحقاره وحقد
تعاي بتج ... باكت لعابتي مااامااا
اجتي امي
ولج. بت الجلب اجيتج منعوله الوالدين
واجتني تركض وبيدها النعال تكرمن وطيحي بيي دك وكتل وهي تنفخ وتسب وتكفر وملخت شعري الي هو مجرد صار صوف من وره ضرباتها ع راسي بالنعال
طيحت حضي ليشوفهه يكول عدوه ...
~~~~~~~~~~
صافنه ع امي شلون حاطه اخواتي بحضنها وتمشطلهن وتبدللهن الصدريات الجديده والاحذيه الرياضيه وتبوس بيهن وتدلعهن وكل وحده صار عدها ضفيره تجنن
واني كوه بدلت لان مااعرف وحدي واذا طلبت منها غير تلعن حظ حظي بس احجي كلمه. وشعري اعوفه مكفش والبس جفيه بيضه حتى اغطيه واشدها شلون مجان
واكوم اروح لجنطتي العتيكه الي هي مالت اختي من السنه الفات.واطلع انتظر اخواتي حتى يخلصن تبديل
~~~~~~~~~~~~~~
ودعني .بقه يباوعلي بعيون محروكه وهو مناك ابيضاني جنه ملاك وشعره الي يجنن وقميصه المخطط.شاورني وكالي وعد وعد ارجعلج وعد
واني درت وجهي لان اعرف الدنيا سوده ودربها اعوج وياي
~~~~~~~~~~~~~~~
و صافنه هاي شلون كدرت تسويها وتاخذ من هاي الناس وتجرجر الولد يطيح بيها بكل هلبساطه. صافنه واشوف شلون لابسه بدله العرس والذهب مشنشله. باوعتلي وعيونها تبز علامه النصر .يانصر هذا يالله
حياتي دمرت بسببهم ..
~~~~~~~~~~~~~~
دخلت البيت واسمع الضحكاتهه وهي بحضنه .راسا من شافوني عدلو كعدتهم وحجت
هههههاي اجت الخدامه حبيبي يلا كوم اسبح حتى احظرلك غداك وترجع لشغلك
واني ساكته وتوني راجعه من شغل الناس وحيلي مهدود وظهري مكصوص بالنص فرشت الجودليه وغفيت شوي وجهالي حوالي منتظرين اطيهم لكمتهم
~~~~~~~~~~~~
اي بكيفي وغصبا ماعليج. اتزوج اطلق ابيع اشيل اكل انام محد يحاسبني فهمتي ولج انتي خلك وحده بايعينها اهلها مو طلعت عينج وتحجين
شوف اذكرك بالله. والله ماينسى عباده وعملتك هاي ماتتخطاك.روح بيع وسوي الي تريده. وان شاء الله لاتفرح ولاتتبارك
كام وطيح عليه دك موتني بديه عبالك يضرب برجال مو مره بيده وشالني وذبني اباب البيت وذب عبايتي عليه وجهالي يفرفحون داير مدايره
~~~~~~~~~~~~~~~
(هيجان بحر الزمن)
هاي المقتطاف بسيطه نزلتهه الكم
ادري ماراح تفهمون شي منهه. بس هذا المطلوب
ادعمو القصه بالمشاهده والتصويت اشكد ماتكدرون
القصه تستاهل ...
اي سؤال او ستفسار اني متواجده ♥️
أنت تقرأ
هيجان بحر الزمن
ChickLitقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
