#هيجان بحر الزمن
#الكاتبه كاميليا
بسم الله
صلو علئ النبي
مساء الخير حبايب
لاتنسو التصويت والتعليق بين الفقرات ♥️
ومتابعه لحساباتي الواتباد وانستا
اتشرف بلكل
~~~~~~~~~~~
مها .....
بيومهه الجو كلش توتر والكل يباوعلي بنظره عتب كأنما انا السبب بالعركات
الولد طبعا ابد مايتدخلون بالصار واكثر كعدتهم بالديوان وبالليل يدخلون لغرفهم وينامون
قسمه ومروه دايما مجفيات شر فتيله واحتبار وينفذن طلباتهن بدون اعتراض
بيت عجيب غريب الكلمه الاولى لفتيله والاخيره لاحتبار
الحجي هو الإنسان الوحيد الحقاني والي تعب هواي هواي
ظليت ثلاث سنوات على هذا الحال
البيت مثل الفاره والبزون
يستغلن غياب الحجي ومايسلم منهن احد
يسون اشكال واشكال من الخباثات والطلايب وحتى وي الجيران
ومن يرجع الحجي
تجي الناس تشكيله وحتى على علوان
وهو يلزم الحزام ويبلش بيهم
ثاني يوم ويرجعون لنفس الخباثه واللوم
تعجبت لا همه اطفال ولا همه ناس كبار .ليش هيج فتيله واحتبار وشبيه علوان وشنو هاي تصرفاته التخجل حتى الاطفال
بقيت وياهم ثلاث سنين
محد من اهلي اجاني ولا سأل عني كأنما ميته
وحتى الميت يذكرونه أهله واحبابه
حتى ام قيس مااجت .حقها منو يجيبها والطريق طويل ومنطقه ريفيه وهم عدها مسؤوليات جثيره
كان الصبر هو عنواني والأمل بالله نصب عيوني
اخر اللليل من ينامون اخذ القران واروح لمكان فارغ واكعد اتهجا بالقران واصلي نوافل الليل
الحجي ماقصر طبعا وياي
يجيبلي ملابس وعبي واي شغله اريدها
ويوميه يكعدني يمه ويحجي وياي
يكلي انتي بنيتي وماكو فرق عن الجميع واني شلت ذنبج بركبتي من زوجتج من واحد مخبل
عجبته نظافتي وترتيبي بالبيت ويتخبل على طبخي خصوصا المعجنات الي علمتني عليها ام قيس
مرات يضطر الحجي يكعد اباب المطبخ
يراقبني ويراقب الجميع من اسوي طبخات ومعجنات
يعرف احتبار وفتيله مايكعدن راحه ابد
بالاخير اجه شوي امل
نسيم
واكف على المنصه وي الطلبه والطالبات ابوي وامي واخوتي وخالتي ام شيماء وشيماء الي تخرجت وجاي تطبق بمستشفى حكومي
صاحو اسمي
وكمت من بين الحضور واستلمت نتيجه شهاده التخرج
الثاني على القسم
قسم هندسه الإنشاءات او هندسه المعماري
اطوني الشهاده وسط تصفيق حار من الجميع
ولأول مره بحياتي تطيح دمعه تشبه دمعه مها
دمعه حزن او الم او فرح
أنت تقرأ
هيجان بحر الزمن
ChickLitقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
