#هيجان بحر الزمن
#الكاتبه كاميليا
بسم الله ♥️
صلو علئ النبي ..
سلام عليكم عمري شلونكم شخباركم ..
صبر
ووي الصبر نتحمل اوجاع وصبر
شما كبرت الموجه والصبر كبر
الم بالكلب والروح
طوفان هالزمن غرك ناسه
واني شايلني بلم القدر
انتقل من بحر لبحر
وسفه وبعد الف وسفه
حسبالي وحسبالي
ناس تمنولي انرفع وافتح عيادات
وناس تمنولي طول العمر اخدم بشوات
هنينه واهن بالكلب
ودك الهاون ودك دكات وصدح
يازمن وين تاخذني امواجك
سرحني بجرف راحه
جرف مابي بشر
عيونها حراكه
وأخ منك يازمن
~~~~~~~~~~~~~~
نسيم
اخذت كلاص عصير حتى اشربه
وفجاه نغزني كلبي وطاح الكلاص مني واطشر الكزاز بالكاع
معرف شلون فلت الكلاص .لو هوطار من ايدي وطاح وحتى طيحته سوت صوت دوي ضل يطن باذاني
ام نسيم
يمه اسم الله عليك. شبيك وليدي
باوعت لامي مستغرب ومصدوم باوعت للساعه التسعه
يعني هسه بالعراق وكت عشه واحنا وقتنا غير
راسا اجت ابالي مها
كمت على حيلي اركض للتلفون بلكي اكدر احصل ربعي. بس للاسف كلهم بالجيش
كلبي حيل يدك واحس مها بخطر فضيع وجاي تصرخ وتصيحلي
رحت لغرفتي طلعت صورتها الشمسيه الصغيره واني احاجيها
نسيم
شبيج مهوشه منو وياج وشصار وشسويتي بحالي مها
نسيم كمت طلعت من البيت ورحت اتمشى بشوارع لندن حتى شوي اخفف من القلق
. بس كلبي حيل يدك .ظل هذا الشعور بالخفقان والقلق ملازمني
ركضت للسفاره العراقيه
وكلفت صديق يدورلي اخبارها
بس للاسف لكيته منقول لغير دوله
رجعت مكسور الحال
نمت وحلمت احلام مزعجه
مها تركض وتركض هدومها ممزقه وتبجي وتصيح نسيم نسيم الحكني واني اريد الحكها ومالحكت وطاحت ببير كلش عميق
كعدت مفزوع كصتي عركانه
ردت ارجع للعراق
بس شلون ارجع وبصفتي شنو وحتما اذا ارجع راسا يقبضون عليي ويتهموني بالتخلف عن الجيش وانحكم بالإعدام
مها......
عاجل
ولج صبريه شوفي شتريد منج صاحباتج
صبريه
خل نتعشه هسه ياتلفون ياصخام
كام قاسم وشال السماعه
قاسم
الو تفضل
خالد
هلا حبيبتي مها. شلونج يعمري حبيبتي احنا على موعدنا الصبح ننتظرج مو تتاخرين يلا عمري باي
قاسم
ولك منو انته .الو الو احجي ابن الكلب
واندار قاسم لابوه
عاجل
شبيك ابني شكو
قاسم
انصخمنا حجي بناتج جابلنا العار .ووولللللج مهاااااا
صاح صياح هز البيت هز. جانت الصينيه بيدي طاحت مني وكبل اطشرت المواعين واتكسرت
واجاني قاسم يركض وجراني من شعري وفراني حيل وشمرني بنصهم
أنت تقرأ
هيجان بحر الزمن
ChickLitقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
