# هيجان بحر الزمن
#الكاتبه كاميليا
#البارت 5
بسم الله ♥️
صلو علئ النبي ♥️
سلام عليكم
لاتنسو التصويت والتعليق بين الفقرات ..
مها...
ثالث يوم كعدت .كمت اتريكت حتى مااجوع بالمدرسه ورحت بسكوت حطيت خبزه وخياره وطماطه بالجنطه حتى ماتحجي عليي ست سحر وابسرعه بدلت ورحت لميت مواعين الريوك
وحطيتهن بالمطبخ
ومناك رحت للمدرسه وحدي
بده الصف بدخول ست سحر ووياها اثنين معلمات والفراشات وجايبات كتب ودفاتر و قرطاسية
وكامن يوزعن واني كلش كيفت
اشوف القراءه والحساب والحياتيه وكراريس الرسم والاصباغ الدهنيه والدفاتر والاقلام
فرحانه حيل كانما حصلت جائزه كلش جبيره
ست سحر
ماماتي تاخذون كتبكم ودفاتركم وخل اهلكم يجلدونها ويكتبون اسماؤكم. مو تلعبون بيهن وتمزقونهم واريدكم تحافظون عليهن كون نظيفات وماتفتحونهن الا القراءه وحل الواجبات
حطينانهن بالجنط. واستمرت ست سحر ترددنا اناشيد ومحفوظات واحنا نردد وياها ونسيم اعلانا بالصوت والحركات كلش انسجم وي ست سحر وكلش حباهه
. حتى مرات يخبط ويصيحلها ماما
بالفرص تعودت ابقه بالصف كاعده وساكته ومرتاحه تمنيت ابقه بالصف وماارجع للبيت
اخاف من كلشي بالبيت امي وعصبيتها بالبيت وابوي وعركاته ومن يشوفنا يطردنا .اخواتي الي مايرتاحن الا يصنف عليي ويعيبن
اخواني الي نظراتهم كله تكبر وكره وغرور
كاعده مجتفه ايد بايد وراسي دوم منك للكاع
باقي البنات الي صادقت بنات والولد يطلعون للساحه يشاقون ويلعبون ويرجعون للصف كلهم تراب ووسخ
احلى درس هو الرياضه يطلعونها للساحه ونسوي دايره ونكعد ويكوم طالب او طالبه يفتر داير مدايره ويركض وبيده خاولي او وصله قماش حمره واذا تعب يذب الوصله لاي واحد منا
. وهذا يكيف ويفرح ويأخذ الوصله ويكمل الدائره
واكو لعبات جر الحبل واكو لعبه دويره يادويره
انسى اني منو وانسجم وياهن
تخلص المدرسه واحل وارجع بقهر وخوف وره منال وجنان. حريصه
ابتعد عنهم كم خطوه لان مايقبلن
ومايرضن اكول ذني الحلوات اخواتي
طلعت من الباب وشفت لأول مره ابو نسيم جاي بسيارته وواكف ومنتجي على الباب منتظر يطلع نسيم
ونسيم اول ماشافه ركض طاير
وابوه كنفص ونزل راسه ومد اديه وحضنه
نسيم
هلا باب .اليوم لعبت دويره ياديره والطلاب صفكولي
ابو نسيم
ابني البطل تعالي لحضن ابوك حبيبي
نسيم
هههههه.بابا يصيحولي البطل وراح اصير مثلك
ابو نسيم
جا ماادري ادري بيك ذيب يلا حبيبي اصعد امك منتظرتك
وصعدو وطلعو
أنت تقرأ
هيجان بحر الزمن
ChickLitقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
