#هيجان بحر الزمن
#الكاتبه كاميليا
بسم الله
صلو علئ النبي
مساء الخير
لاتنسو التصويت والتعليق بين الفقرات ♥️
التواصل 20_camellia_
واتباد na_ba2003
~~~~~~~~~~~~
مها .....
بيومهه ابو علوان راح وحاول خطيه يشتري جم حاجه الي
اشترالي ميز مستعمل وجاب بريمز نفطي وطباخ ارضي ودبه غاز وفراشات وبطاطين ومخاد وجم حاجه بعد واتعذر مني هواي
واخذ الجهال للسوك واشترالهم ملابس والعاب
وحسين كلش متعلق بيه ودوم يسأله ويستفسر وكالي الحجي
هذا ابنج كلش نادر وذكي وراح يرفع راسج لسابع سما
رجعت لشغلي وي الناس طبخ وخبز وهم اخبز للناس وهم بعدني اروح لاهلي اطبخلهم وإداري ابوي الي بدت صحته بالنازل كلش كلش
مرت سنه على هذا الحال
وسجلت حسوني بالمدرسه
سبحان الله العظيم نفس الي صار وياي صار وي حسين
نبه وذكي حيل ويتعلم تلقائيا ولايحتاج اعلمه ولا اوصيه
يقره بهدوء ونفس الشي جلد كتبه بالجرايد والمجلات
لان الحال حصار وكلش صعبه نحصل فلوس
علاجات ابوي كلش غاليه عليي وهي ادويه الضغط والسكر ومرات اضطر أخذه للمستشفى يشدوله مغذيات وعلاجات تاخذ اجري مال اسبوع
بس اكول الحمد لله على كل حال
بنهايه السنه
انتبهت ابوي بعد مايكدر ياكل ولايشرب ونفسه كلش صعبه ركضت لسيد نعيم وهذا ماقصر
اخذوه للمستشفى وهناك بات وبقيت وياه اني وحسوني وعلاوي الي كبر وكام يحجي ويسولف
يمتاز علاوي بالطيبه الشديده ويتسخر لاي شخص ومايشيل بكلبه حنون حيل وهاديء ورزن عكس حسين اللي طابعه العصبيه وعدم العذر ولايتفاهم وعنيد وحركاته اسرع وابسرعه يتعارك
علاوي هادي الطباع سموح وهم ذكي
ومع ذلك مافد يوم شفتهم يتعاركون او عاندوني بشغله عدا حسين بعض المرات يعاند
المهم
جانت ليله بارده واحنا بالمستشفى اجاني الطبيب المعالج
وكالي والدج بعد ماتفيد وياه العلاجات ابقي يمه واقري يمه القران
رحت ركض وشبكت ابوي وبجيت وجان هو يكدر يفتح عيونه ونايم صفح وشاف حسين واشر بصبعه يجي يمه
اقترب حسين ولزم ايد جده. كام جده وضغط حيل على حسين وتوسعت عينه وشخر وانقطع نفسه للابد
مات ابوي وعافني وحيده
كمت اصيح واجو رحيم وكريم ونعيم وبعدوني عنه واجه الدكتور وأعلن ساعه الوفاه
الفاتحه اخواتي
سوينا الفاتحه بحسينيه طبعا امي خابرت اخوتي واجو ولأول مره اشوفهم بعد ١٣سنه غياب
قاسم كلش حالته تعبانه ومنتهيه وكلش كبران ومبتلي بزوجته وولدها وما حصل منها اي طفل
.وكلش مسيطره عليه وتكوده وي ماتريد
أنت تقرأ
هيجان بحر الزمن
ChickLitقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
