#هيجان بحر الزمن
#الكاتبه كاميليا ...
بسم الله
صلو علئ النبي
مساء الخير
لاتنسو التصويت والتعليق بين الفقرات ♥️
~~~~~~~~~~~~~~
ضرغام
اريد غيداء بنت سيد نعيم
ام نسيم
هاي وين شفتها وشلون عرفت اسمها .طلعت تدور من ورانا
ضرغام
هههههه عندي طرق خاصه بالبحث ويلا اشتغلو
ام نسيم
اوكف اوكف غير نتأكد من حجي الناس اجوز مايقبلون شنو هي لعبه. بساع
ضرغام
اني بلغت يلا راح اطلع للسوك
وجان يندك الباب
وطلع ضرغام يفتحه وجانت المفاجاه علوان الواوي
علوان
انتم شنهي من ناس تاخذون مرتي وولدي ابكيفكم. شنو هي تايهة
ضرغام
وانته منين طلعت علينا ؟ ومنو حضرتك
علوان
دكول تفضل بالاول
ضرغام أندار لغضنفر وصاح
غضنفر كوم جيبلي الفيته خل اشوف طول هذا الجربوع
غضنفر
ولك عيب دشوف منو وشنو يريد
ضرغام
يريد انجتفه وانشمره بنص الزبايل
علوان
احترم نفسك هيوو. تره هسه الم العشيره عليكم
وجان يدفعه ضرغام وكاله
اذا زلمه صدك روح لمهم وجيبهم هنا وخل اشوف ياهو البيه حظ
طلع حسين وعلي من سمعو الهوسه
وكال حسين
ها ؟ شجابك هنا
علوان
احترم نفسك واتعلم شلون تحجي وي ابوك
حسين
اني لحد هذا اليوم ساكت ومحترمك وبعد كم يوم او شهر اجيك شخصيا واصفي حسابي وحساب اخوي وامي وياكم واحد واحد
علوان
شنهي تصفي ؟ اتعلم شلون تحجي وي اصلك
حسين
احتراما للجميع مااحجي .بس اكلك شغله بويه يامن تسمي نفسك ابو. روح بويه منا وخلينا هسه ساكتين
رجع علوان وكلبه كله خوف من كلام حسين
بعد كم يوم ورحنا اني وام قيس حتى نشوف رأي اهل البنيه ونعرف موافقه لو لا
وهي خطيه شردت من كدامنا
اطتنا ام قيس كم يوم حتى نشوف رأيهم
وره يومين اطو موافقتهم
وراحت الزلم تخطب
حسين عاند كلنا وراح قدم على كليه الشرطه وماقبل بكليه الطب ولا اي كليه أخرى
مصمم من صغره ياخذ دوره الصعب بالريف هناك بصف اعمامه
تزوج ضرغام وسوينا حفله كلش جبيره وهو مكيف وفرحان .بقه ويانا سته أشهر وحبلت وزوجته كذالك سويه
وهو راح لانكلترا يكمل الماستر
كل عطله يجي ويكلب البيت كلاب شقه وضحك ومقالب هو وجده ونسيم
الصراحه من يروح لانكلترا نبقه بوحشه كئيبه اسبوع. لان يضفي على البيت حركه ونشاط وحيويه
جبت بنيه وأصر نسيم يسميها لقاء
أنت تقرأ
هيجان بحر الزمن
أدب نسائيقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
