#هيجان بحر الزمن
البارت الثاني
#الكاتبه camellia
بسم الله ♥️
صلو علئ النبي ...
طفله اني وعالو بلعبته عيال
شفتها مضروبه ورسمتلتها جروح ودموع
وكمت اني اون وابجي على وجعها وانوح
تالي دمعتي ماقبلت تراوس بدموع لعبه
أبت الا تضل مركونه بزاويه الجفون وتنوح
اطيني يارب صبر ايوب وعمر نوح
اصبر لاذى احبابي
وابجي بكد عمر نوح
مساء العافيه عليكم عمري ♥️
مها ....
طلعت من الحمام بالليل
فتح الي قاسم بدون كلمه ركضت للغرفة
. وكعدت بالكاع .حالتي لا اني ابجي ولا اني صار عندي احساس مثل احساس حيوان يحتاج شوي حنان مااعرف ليش مابجيت.
ولا عندي الجرئه اروح احجي وابرر .خلص الكل متنمرين مني
فكرت بكلمه (بنت الفكر)
الي دوم امي دكولها
كمت وجان بالكنتور باب طلاقه بيه مرايه واباوع لنفسي
صح محلوه محلوه كمت اتلمس زجاج المرايا اسوي نفسي بلكي اكدر اغير
.اغير هذا الشعر المهلوس اغير حواجبي. امسح بوزي
جان التلفزيون بالصالة يشتغل واسمع اغنيه ام كلثوم الي يحبها ابوي
. ومعلي الصوت وهي تردد القلب يعشق كل جميل
سمعتها واني كعدت بالكاع اباوع لوجهي بالمرايه
واني اسمع اللحن الشجي وحزنت حيل ولكن ولا دمعه طاحت والتفت وجان اشوف وصل قماش متطشره
كمت اجرب ياوصله تخليني حلوه
تخلي هلوجه مليح والشعر صفصفاف سرح وي الهوه
والعيون لامعه
كمت ادندن اللحن مال الاغنيه بدون الكلمات لان مااعرف اللهجه المصريه
وواتمايل وي الألحان وفجأه دخلت جنان
ضلت صافنه علي واني ماادري بيها واني ادندن واتمايل
صاحت ماما ام الفكر تخبلت تعالي شوفيها واني اخترعت وذبيت كلشي وركضت كعدت بركن الغرفه
وكلش خفت خاف احصل كتله ثانيه
مااجت امي
بس سمعت تنمرها هي وجنان وقاسم
صاحتلي جنان حتى اطلع اتعشه
كعدت واني ارجف
صبريه: تبسطين اختج ولج برب*** طايحه الحظ وهي اكبر منج ياويلي منج
قاسم: يمه خل تولي شبيج حاركه دمج قحط. صدك جذب
جنان: هههههههه
صار عدنا سجن بالحمام. ماما مو احسن يوميه دخلينها بالحمام عاد ننام مرتاحين منها ومن خبالاتها
نوال: اي اي خل تولي بنت الجلب
صبريه: لا ماما لاتسبين ابوج لايسمعج
نوال: جا انتي مو يوميه تشتمينها.
صبريه: كافي كومي نامن باحر الصبح نروح لاخوالج ونتونس
سمعتها واني كيفت ولمعن عيوني وابتسمت
أنت تقرأ
هيجان بحر الزمن
ChickLitقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
