#هيجان بحر الزمن
#الكاتبه camellia
#البارت الاول
بسم الله ♥️
صلو علئ النبي 💜
نيتي
تكتب قهر واني بالمهد هزازه
حسبالي هزازه محنه
طلعت هزازه مذله
شما اريد الدمعه تنسكب
ولن وادمنا جراره
تجر الكلب جره المجاتل
لقاء ...
واني كاعده بغرفتي على الكرسي وجدامي الطبله ولازمه كتاب الفيزياء وكل شوي واتافف
.واتمنه االزمه واشككه واطلع بره الغرفه واتكاون بشقه مع اخواني الاربعه المشوربه
وهاي امي كاعده يم باب غرفتي ومتحضره لسوالفي المتخلص وبيدها العوده
عيونها تباوعلي من فتحه الباب وتخوزر الي
حالها يكول يلا اطلعي وشوفي شسوي بيج
شوي تابعت القراءه وقلمي بيدي
كمت باوعتلها
انصدمت من منظرها نزلت للكاع وعيونها مدمعه ركضت بكل حيلي دفعت الباب وحضنتها
لقاء: ماما منو وياج .احجيلي ماما هديتي حيلي
مها لٱ ماما ماكو شي حبيبتي روحي كملي قرايتج
لقاء: لاماما ما روح الا دكليلي شبيج .عليج القرآن احجي
باوعتلي وضلت صافنه ودموعها نزلن اكثر ودارت وجهها
مها :مجرد سالفه حبيبتى كملي دروسج ومعليج
لقاء ماما خلصت والله .يلا احجيلي فضفضيلي
باوعتلي صافنه ودارت وجهها وشرد بالها بعيد واني كاعده مقابلتها واباوعلها بترجي
.ثم نزلت راسها وانهضمت ودكتها بجي وعبرتها خانكتها وغطت وجهها بشيلتها وجري بجي متواصل وطويل.
اني انهزيت من هيج موقف كمت ركضت للمطبخ وفتحت الثلاجه وطلعت صراحيه الماي وحبايه براستول
ورجعت واطيتها .شافت الحبايه اخذتها وبلعتها وشربت ماي..وأخذت بيدها ماي وذبته على وجهها وباوعتلي مبتسمه
مها: الحمد لله على كل حال والصلاه والسلام على محمد وال محمد الطيبين الطاهرين. كومي ماما كملي دروسج واني راح اكوم اسوي عشه .ابوج على جيه حبيبتي
واخوانج مالهم صبر
لقاء: ماما حبيبتي اني اكوم اسوي العشه انتي اكعدي واقري القران الكريم
مها: لاماما بعدج صغيره ولاحكه على الشغل والكراب
لقاء: ههههههه.شبيح مستصغرنني تره عمري جبير ماما
وكمت كدامها وا فتريت واباوعلها مبتسمه
هي باوعت الي وكالت عين الحسود بيها عود بنيتي
بعدج عنونه بعيني يمه كل عمرج ١٤
لقاء: اهوووو حجيج تره يكول بعدني بالكماط شبيج يوم
تره هياتني شوفي سمني وطولي وشوفي شعري وين واصل
أنت تقرأ
هيجان بحر الزمن
ChickLitقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
