# هيجان بحر الزمن
#الكاتبه كاميليا
#البارت 4
بسم الله ♥️
صلو علئ نبي ♥️
سلام عليكم حبايب ...
مها ...
حلينا قبل الصفوف والكل طلع يركض لباب المدرسه اني كلش خفت. مامتعوده امشي وحدي .باوعت لاخواتي نوال وجنان ورحت يمهن
جنان
ها ولج شعندج هنا ماتولين للبيت
مها
اخاف اروح وحدي
جنان
هههههههه مطيه والله روحي عني روحي لاتجين يمي
نوال
شوفي ذاك الباب بس مدي راسج وتشوفين الشارع ومناك اطلعي للبيت
مها برطمت وحجيت
اخاف اخاف
كمشتني نوال بيدي حيل وكامت تجرجر بيه حيل ووصلتني للباب وكال شوفي هذا الشارع وشوفي ذاك فرعنا روحي امشي وحدج وراح تلاكيج ماما وتحضنج وتبوس بيج هههههههههه يلا ولي جلبه
واني خفت حيل رجل توديني ورجل ترجعني
والطالبات قسم وي امهاتهن وقسم وي اخوانهن
الا اني امشي وحدي والجوع موتني موت والشمس ضاربه بعيوني متت من الحر
وصلت لباب بيتنا دكيتها وظليت ادك ومحد يرد
شافتني ام قيس واجت تركض خطيه
ام قيس
ياماماتي حليتي
مها
اي خاله
ام قيس
ماما حيل دكي الباب حتى تسمعه امج لان باب خشب وماينسمع بالدك
كامت ام قيس تدك حيل وسمعت امي دكول
صبريه
اي اي اجيت اجيت
فتحت الباب ودخلت وياي ام قيس
واني رحت للغرفه بدلت وطلعت للمطبخ وكعدت وهنه كعدن يسولفن
شوي واجتني امي صبتلي تمن وشوي مرك وكالت اتغدي ونامي
وراحت تكمل سالفتها وي ام قيس
واتي اكل وبالي يم المدرسه وست سحر واتذكرت نسيم وكمت ابتسم على سوالفه وبراطيمه الحلوه وطفراته من ست سحر تستفزه علمود يعوف امه خطيه
طلعت ام قيس واجتني امي
صبريه
ها فكران شلونها المدرسه واخواتج وين صارن
مها
بعدهن ماحلن يمه
صبريه
وانتي شلون تعوفينهن وتجين ها
مها
هنه كالن روحي وحدج
صبريه
يلا خلصي واغسلي مواعينج ووجهج وروحي انطمري
مها
اي يمه
كملت ورحت نمت
وفزيت قبل المغرب على صياح ابوي وامي
ومناكراتهم وشتايمهم
وشفت نوال وجنان بيديهن كتب جديده وكاعدات يجلدن بيها واني كعدت يمهن حتى اتعلم شلون يجلدن ويكتبن اسماءهن وهاي جنان كلش كلش كسولي وخطها مسماري ونوال نفس الشي
أنت تقرأ
هيجان بحر الزمن
ChickLitقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
