#هيجان بحر الزمن
#الكاتبه كاميليا
بسم الله
صلو علئ النبي
لاتنسو التصويت والتعليق بين الفقرات + متابعه لحسابي انستا والواتباد اتشرف بلكل
مساء الخير عمري شلونكم انشاءلله بخير ♥️
ليكولون البارت قصير بربكم شوف التفاعل واحكمو
تفاعل مايسوي واهس ينشر
القصه طويله حييييل ويمكن راح نختصر بعض الاحداث منهه
وجاي اتاخر بتنزيل عليكم لان الاحداث هسه جاي يدزوهه الي قبل فتره دزوهه والجهاز تفرمت وراحن كلهن وهسه جاي يدزون واحد من اصحاب القصه مسوي عمليه قسطره وبلكوه جاي يدزلي احداث ....
~~~~~~~~~~~~~
مها ....
رجعت للغرفة ولكيته نايم على بطنه وفتيله نايمه بعيد عنه .خوش خطار هاي .انوب شاركتنا حتى الغرفه. خليت ونمت بعيد عنهم
كعدت فجر وي الاذان ظهري متكسر من نومه الكاع
كمت رحت توضيت وصليت ودورت على قران ماكو بالبيت .كلها نايمه رجعت لغرفتي وطلعت قراني وكعدت اقره. همزين ام قيس جابتلي كتاب القران الكريم نسخه مصغره
وشوي اجتني قسمه وطلبت مني اتريك وياها وبعدين نطلع نحش الزرع
اول مره بحياتي اطلع واشوف مزرعه
كلش حلوه والهوى يجي بيه بروده تنعش النفس
اني مااعرف احش
كامت قسمه وبيدها المنجل تحش وتجوم الزرع واني اشيله واحطه بمكان واحد
قسمه
اكلح خيه اني مثل اخيتج هم جنه بهذا الحوش
ديري با لج من ثلاثه الله يجفيج شرهن منج. وهنه فتيله واحتبار وسفيره
مها
الله يستر شبيهن ذني
قسمه
شكلج وشحجي. فتيله الايام الجايه تثبتلج شنو معدنها
وسفيره دوم حقوده وماتحب الخير للناس
احتبار زراعه فتن وكالات وعينها ضيجه لهل تشوفين مطلقه وحتى بزر ماعدها.
تحجي قسمه عن ظلامتها وياهم ومحد يطيها حقها حتى زوجها أكثر وقته بالشغل وماله خلك لسوالف النسوان ثم اطرقت لعلوان
قسمه
خيه علوان هاي ذبته من كاعه .كل علاج ماله هلتشوفينه جنه زعطوط كل وكت يخور بين البيوت ويدخل دواوين الزلم علمود يترس بطنه واذا مالكه اجل(اكل) يروح يبوك الدجاج من النسوان ويكعد جرف الشط يذبحها ويشويها ومايخلي بس العظام. حتى سموه علوان الواوي
شكد أخذه ابوه للطبيب كاله مامش فايده من ابنك
مها
جا ليش زوجوه
قسمه
صدك انتي شلون قبلتي بيه واهلج حتى ماكلفو نفسهم يسالون
مها
افف غير قسمتي جا شبيدي دادا
قسمه
اكلج هذا صوتج كلش حلو .وسمعتج الصبح تقرين قرآن حسبالي التلفزيون مفتوح
مها
يحححح يعني صوتي ينسمع وماادري
أنت تقرأ
هيجان بحر الزمن
ChickLitقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
