#هيجان بحر الزمن ...
#الكاتبه كاميليا ...
بسم الله
صلو علئ النبي
مساء الخير عمري
لاتنسو التصويت والتعليق بين الفقرات ♥️
متابعه لحسابي واتباد
وتواصل انستا
_ camellia_20
اتشرف بلكل
~~~~~~~~~~~~~
مها ....
صار ولاده سفيره وجابت يم اهلها بنوته وصار عدها اربع بنات وجاسم كلش ضاج ورجع للبيت
وبقت سفيره عد اهلها
ظليت وحدي بالبيت اني وجهالي وجاسم يجيب المسواك ويقسمه ويأخذ القسم الثاني لاهل سفيره
صار اربعين بتها وهي ماتقبل ترجع وياه بحجه مريضه ومالها خلك وتخاف على بناتها من حسوني وعلي
لمن فد يوم عصريه واجه جاسم وجهه مستيفسر ضايج وعيونه للكاع
كعد ولاعب علاوي وحسوني بس باله بعيد
ماحجيت وياه وضليت بالمطبخ
واسمعه شلون يحجي وي حسوني
وحسوني جنه رجال بلسانه وحركاته وحريص كلش على اخوه
شوي وطلع جاسم راد يروح لسفيره عسى ولعل تلين وترجع لبيتها
اجه يمي حسوني وحجه
حسين
ماما ماما انتي وين اهلج وين امج وامج ليش محد يجينا منهم
جان بيدي كلاص ماي ماادري شلون طاح واطشر واني صافنه بسؤال حسوني ومنين جاب هيج سؤال
مها
يمه منو كالك عندي اب وام واهل
حسين
عمو جاسم كالي راح اوديكم لاهل جدكم عاجل
مها
شنو وليش اتعاجز من لكمتنا
حسين
مادري مادري بس هو كال صله الرحم واجبه
عفت ورحت لغرفتي وكعدت صافنه ورجعت عليي ذكريات الطفوله وي امي ونوال وجنان
وضربهم واذيتهن
لحكني حسوني وشافني وكام يبرطم واجه نام بحضني وشبكني وكام يمسح بدموعي وكال
ماما لاتبجين لاتبجين اني احميج والله اني
مها
ياروح امك محد يكدرلي اطمن حبيبي
حسين
جا ماما ليش تبجين
مها
هيج ماما سالفه
حسين كوليها يلا كوليهه
مها
بعدين ماما هسه خل اكوم اسبح اخوك وانظفه وارضعه حتى ينام خطيه كام يبجي
عفته وشردت منه
حسين كلش حساس وصارت كل كلمه يسمعه يلكفها ويروح يكعد وحده ويضل يفكر ويصفن حتى مرات احجي وياه وهو يضل صامت ويفكر
خوفني صراحه
طفل عمره خمس سنوات هيج يتصرف
ولعبه قليل كلش بس وي اخوه ينطلق يلاعبه ويضحك وياه ويشيله ومرات يطلع بيه لباب البيت.
وانتبهتله مايحب اي شخص ويستانس بيه عدا جده ابوعلوان
وحريص كلش يسمع كلام جده ويدوخه بالأسئلة
ومرات تجيينه فتيله واحتبار وهو يكعد وياهن ويكوم يتصنت لحجيهن عليه ويكوم يتلاسن وياهن ويضوجهن. ويسالنهن هواي أسئلة
يضلن صافنات بيه
أنت تقرأ
هيجان بحر الزمن
ChickLitقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
