#هيجان بحر الزمن
#الكاتبه كاميليا
#البارت الثامن
بسم الله ♥️
صلو علئ النبي ♥️
سلام عليكم
لاتنسو التصويت والتعليق بين الفقرات
متابعه لحسابي انستا ..
والواتباد
مها ...
رجعت للمدرسه
دخلت للصف واشوف نسيم يلعب ويكمز والبنات داير مدايره. شافني اجه يركض
نسيم
ها اجيتي يلا يلا تعاي اكعدي برحلتج واكعدي اكتبي الواجب
مها
شنو واجب ماليش
نسيم
ولج واجب مال ال دار
مها
ها اي
طلعت دفتري وكمت اكتب مثل ماموجود بالقراءه ونسيم يباوعلي وكال
نسيم
مها حبابه علميني شلون تكتبين
مها كمت اعلم بيه شلون يلزم القلم وكل شوي ويفلت القلم منه ويكوم يصيح ويكمز شكد وكيح ويتحرك هواي
مها
لا لا هيج اكتب ال اا
نسيم
ها اي اي
واكتب هسه داار
نسيم
اوكفي اوكفي اصبري
مها
اي اي هيج
كملنا كتابه ال دار
وهو فرح كلش وكام يهوس ويصيح صفكولي صفكولي
والبنات تصفكله
واني كام راسي يوجعني لهسه الجرح بيه يصل براسي
رجعت الدفتر للجنطه ودك الجرس
واجت ست سحر
واخذنا الدرس الجديد
دار دور داران
ست سحر تقره وترددنا وتعيد وكل شوي وتصفك بيده وتغير صوتها وحركاتها تطي جو حلو وواهس يخلينا ننتبه وتدخل كم سالفه تضحكنا وتونسنا
انسى بيتنا انسى اخواتي انسى عركات اهلي بس ماكدرت انسى وجه امي الي دوم تخوزر بوجهي وتصيح وتضرب وتهدد وتطرد
تمنيت ولو لحظه اشوف بسمه من امي مثل بسمات وضحكات ست سحر
جنت اتابع حركاتها واتتتبع خطواتها بين الصبوره والرحلات وكل شوي تحط ايدها على تلميذ او تلميذه تخليه راسا يرفع راسا خجل وحياء طفولي تشجعه ينتبه ويردد وياها والي يبادر بالاول يحصل تصفيق متواصل وتشجيع
ننسى كل شي ونركز
بس كلبي متالم ووجع براسي لهسه احسه بيي
يمكن الضربه بالكاشي راح اثرها بس ظل اثرها بكلبي ونفسيتي لا امان بعد خصوصا من سمعتها شلون توصفني لخالتي سهيله
خلص الدرس وكعدت ست سحر طلعت الكلينس الأحمر وكامت تمسح ايديها من الطباشير ووجها من غبار الطباشير ووكفت جدام جام الشبابيج ترتب نفسها
أنت تقرأ
هيجان بحر الزمن
ChickLitقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
