# هيجان بحر الزمن
# الكاتبه كاميليا ..
بسم الله
صلو علئ النبي ♥️
مساء الخير حبايب ...
لاتنسو التصويت والتعليق بين الفقرات ♥️
ومتابعه لحساباتي انستا واتباد اتشرف بلكل
~~~~~~~~
عاجل
ولك شنو هي لعبه
ناس غربه ومن بغداد شنعرف من حسبهم وفصلهم وهنا بنات عمك واخوالك يترسن عين الشمس
صبريه
يمه حبيبي إذا على الجمال هسه اسطرلك كل بنات ولايتك وانت اختار وبس أشر. والله اجيبها هنا وتدلل
سمير
قراري مااتراجع عنه
تردون راحتي وسعادتي تروحون وياي لبغداد واخطب ميرال
عاجل
شو حتى اسمها مو من طينتنا. شوف ولك لو تعوف هاي الجلبه لو تعوفنا بحالنا. اختار بيننا وسالفه انزل راسي واروح وياك لبغداد شيلها من راسك
سمير
شو قاسم ماسويتو شي بحقه
عاجل
قاسم اجانه معرس ومخلص كلشي .شبيدنا بعد وياه
وراح ووله وبعد لانعرفه ولايعرفنا طمس روحه بالطين واخذ عجوز بكد امه. انت لاتصير مثله وتاخذ بنت لا فصل ولاحسب الها.
سمير
شوف بويه. هاي ميرال صارلنا سنه على حب واعدتها وواعدتني. كلشي موجود ابغداد شغل وخير من الله وماعايز على شغل معملكم التعبان
كل الي اريده منكم تجون وياي لبغداد حتى تخطبولي وهاي هيه
صبريه
لو على موتي مااروح
عاجل
اروح وياك بس اعتبرها اخر شوفه مني
سمير
ماشي ولايهمكم
وصدك راح عاجل
ولمن وصلو واتفاجا عاجل بالناس .لامستواهم ولا من طينتهم
ام البنت لابسه بنطرون ومتمكيجه على اخر حبايه وتعلج وكاعده وي زوجها وتتشرط والبنيه لابسه نص تنوره والقميص نص ردن والمكياج والشعر السرح واول مافوتو للبيت والبنت كبل طيحي بحضن سمير ودك بوس ومحاضن
استغرب عاجل واندار لابنه وكاله
من اليوم لا اني ابوك ولا انته ابني وخطبهه اله وعاف وراحه
وحتى سمير ماكلف نفسه يودع ابوه
ورجع عاجل لبيته
لمن وصل بالليل لبيته
ودخل وراح كعد بالكاع واجته صبريه
صبريه
ها بشر شفت العروس حلوه لو لا
عاجل
هاي انتي يمي وتحجين عن الجمال والفلوس والكشخات مو .والله ماتندمت على شي اكثر مما تندمت من تزوجت بيج .مره لابركه بيج ولا عافيه ولا راحه
صبريه
ضاعت وجهك الفكر
عاجل
اي والله بهاي صدك اني فكر ومابي حظ لو بي حظ جان سمعت حجي اهلي وأخذت بنيه مكروده من اعمامي
اشرف الي بهاي ولج لو ماخذ مطيه هم اشرف الي
صبريه
شبيك اليوم شصار
عاجل
شصار. ههههههه
ولج الجبير اخذ وحده بكدج وعدها خمس جلاب وتكوده مثل المطي يركض بعيشه جهالها والثاني اخذ كاوليه دك وركص هي وامها وابوها جنه كوا**
والثانيه اخذت واحد مانعرفه منو وابن منو
وهاي الاخيره نوال يمكن هم هي جرت عريسها بيدها المهم عدهم فلوس وقصور
أنت تقرأ
هيجان بحر الزمن
ChickLitقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
