#هيجان بحر الزمن
# الكاتبه كاميليا
#البارت الثامن ..
بسم الله ♥️
صلو علئ النبي ♥️
مساء الخير غوالي
عيد فطر مبارك كل عام وانتو بالف خير يارب ينعاد عليكم بصحه وسلامه ♥️
اعذروني هاي الفتره مقصره وياكم ومامنزله بارت تعرفون عيد وماكدرت انزل ...
~~~~~
مها ...
اجه ابو قيس وسلم علينا و كامت ام قيس للمطبخ تسويله فطور
شوت دجاج وتمن ومرك وحلويات مثل كاستر ومحلبي وعكبت للكاونتر وطلعت التمر
كمت اخذت منها حسبالها جوعانه
.ركضت خطيه وجابت ماعون وحطت تمر وكالت اكلي يمه
مها
لا خاله مو جوعانه بس اعرف افلس التمر
ام قيس
منو علمج
مها
امي
ام قيس
ماشاء الله كلجن شاغولات بالبيت حتى منال وجنان
مها
لا خاله بس اني
ام قيس
وليش شبيهن اخواتج غبر كبار ويفتهمن
مها
ماتقبل امي بس اني اشتغل
ام قيس
يلا هاج هذا التمر واكعدي فلسيه. بارك الله بيج بنيتي
كعدت افلس بالتمر وهي كملت طبخ
قبل الاذان بنص ساعه. جهزت صواني تحط بيهن تمن ودجاج وشوربة وحلويات وتكوم توزع للجيران
والجيران هم ماقصرو هم يوزعون بيناتهم
اذن الاذان
راح ابو قيس للجامع الي يمنا. وام قيس ركضت وصلت
اني حسبالي الصلاه بس على الزلم تالي هنا حتى النسوان تصوم وتصلي جا امي شبيها تاركه الصلاه وبس تصوم
خلصت الصلاه وحضرت السفره
وكامت تجيب الفطور مالذ وطيب وتحطه وتجمعوا أولادها رحيم وكريم ونعيم
بدا ابو قيس يقره دعاء الإفطار وأولاده يرددون وياه وبدو ياكلون
يسولفون بهدوء .لاصياح ولاعركات ولا تصنيفات وكل شوي نعيم يشاقي كريم ورحيم يشاقه امه يخليها تغطي حلكها وتضحك
ابو قيس
بويه كافي ضحك واحترمو النعمه
كريم
اي حجي صار .
وكام كريم كرص نعيم حتى يسكت
وكلهم مبتسمين
خلص ابوهم ورفع ايده وهم دعه وحمد الله وشكره واندار لام قيس عاشت ايدج حجيه
ام قيس
وايدك حجي هو كل الخير والبركه بيك وباولادك
نعيم
يمه اني طالع لاخوالي اتونس تردين اخذج وياي
ام قيس
لايروح امك.اريد اتحضر لباجر علمود اطبخ لليالي القدر
رحيم
اويلاه. تدرين يمه مشتاق تسوين ذيج الحلويات الزينه
وتجي زينب وفاطمه ياخذن منج
دمعت عيون ام قيس
أنت تقرأ
هيجان بحر الزمن
ChickLitقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
