#هيجان بحر الزمن
#الكاتبه كاميليا ..
بسم الله
صلو علئ النبي ..
(مساء الخير
لاتنسو التصويت ♥️
متابعه لحساب الواتباد وانستا
~~~~~~~~~~~~~~~~~
مها ...
الحمد لله مشت الأمور هيج
ابيع خبز بالسوك ومرات تجيني ناس اروح اخبزلهم او اطبخ بالمناسبات لان صرت مشهوره بالطبخ وام قيس دوم تسويلي دعايات
اما حسين فمن يجي من المدرسه يتغده ويأخذ علاوي ويرحون للسوك ويشتغلون كلشي الجان مره علاليك ومره يسون بسطيه مخضر يعني كرفس وريحان ومن ذني الخفاف ومرات يشتغلون عرباين ومرات صناع بكهوه او محل .جان حسين واسع الإدراك وفطن ويتابع السوك وحركته
بس بسبب صغر سنه يشتغل حسب المتوفر
اما بالليل
فحسين وعلاوي كتبهم بيدهم ويقرون ومن يخلصون يكعدون شوي يلعبون ولو حسين مايحب اللعب بس لخاطر علاوي يسوي نفسه بكده ويلاعبه
مشت السنين هيج
ولو ان الظروف هي ظروف حصار وكلشي غالي ولكن سويت ميزانيه وكمت اجمع للوكت. خاف مرض او عطل الثلاجه لو مصاريف الولد مال المدارس وملابسهم
كمت ربيت دجاج بالبيت علمود نحصل منه رزق بيض ولحوم
مع العلم مااشتريت تلفزيون ولا مبرده ولا اي حاجه
عقده علوان لهسه ببلعومي .كلما اطلع واني يلزمني الخوف
خاف يرجع ويبوك البيت لدرجه كمت اربط دبه الغاز والطباخ بسلاسل على الشبابيج وحتى الكاونتر الي تنزجر وصار مطعطع. واقفل غرفتي بثلاث سركيات
ومااطلع لمن اتاكد من كلشي واطي لحسين نسخ من المفاتيح.
وبسبب حالتي الاجتماعيه مطلقه مااطلع الا بالنهار والبس بوشيه ونظارات سود.
صارت سنه 2003 .
حسين وصل خامس علمي وطبعا كل درجاته 100 ولا مره شفته اجاني وجاب درجه99 والاغرب هو عنده عادي ومتعود هيج ياخذ درجات
اما علاوي فوصل للأول متوسط ودرجاته هم 100 بس مره تمرض وجاب درجه 85 ظل حسين يصيح عليه ورزله كلش وراح كعد وضل صافن
اجتنااخبار راح تصير حرب بين العراق وامريكا وكل الناس خايفه وكامت تتحضر للحرب تجيب مسواك وتضمه .
رحت لاهلي ولكيت خالد مخبوص
ومن سألت امي كالت جاي يجند الشباب بفلوس حتى يتطوعون وي سرايا القدس وفدايو صدام لدرجه جند حتى نسوان وخلاهن وكيلات بالامن والحزب
ويسوي اجتماعات حربيه بالبيت هو وربعه الحزبيه
وكل شوي ويصيح على نوال وامي حتى يصبن الجاي او الشربت للضيوف
بزعت منهم وعفتهم ورجعت لبيتي
وره اسبوع وانطلقت شراره الحرب.
~~~~~~~~
نسيم ...
مرن 15 سنه ضرغام الي دمه خفيف بلعبه وشقاه ومرحه ومقالبه الي ماتخلص
طبعا اني وهو مثل الاصدقاء فكسب مني هواي صفات
أنت تقرأ
هيجان بحر الزمن
Literatura Femininaقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
