#هيجان بحر الزمن
#الكاتبه كاميليا
بسم الله
صلو علئ النبي
لاتنسو التصويت والتعليق بين الفقرات
تابعو حسابي
حساب الانستا تابعو بنات ♥️
~~~~~~~~~~
مها ...
كعدت الصبح بسرعه ورحت توضيت وصليت واخذت القران وقريت سوره الانشراح والصافات
طبعا اني حافظه سوره النور كامله
شفت البيت مخبوص. جناين ام قيس كلهن فرحانات وجاي يبدلن بالجهال(جناينها يصيرن بنات اخوان قيس الجبير .يعني هم علويات )
خلصن بنص ساعه واجه قيس جايب سياره تشبه الكوستر(موديل الكوسترات بعده ماجاي للعراق).
صعدنا كلنا وصاحت النسوان اللهم صل على محمد وال محمد
وام قيس تقره قران
صفنت على اهلي ليش مو مثل اهل ام قيس. كلها صلاه وصوم والبيت كله تذكر الله سبحانه حتى جهالهم محفظينهم السور الصغار من القرآن ويتسابقون بالحفظ
باوعت للسما وحمدت الله انه جابلي هاي الناس وعلموني الصلاه والقران وكلشي
بجيت وبجيت
علئ حياتي على اهلي ونفسي
الطريق إلى سامراء طويل ومتعب كلش كل ساعتين السياره توكف بمطعم علمود الجهال لان ضاجو من الكعده بالسياره
واخيرا صار المغرب واحنا بالعتبه العسكريه
اخذتني ام قيس بيدها
كامت وربطت طرف العبايه بيدي حتى ماافارقها
خافت اضيع منها وتبتلي بيي
دخلنا اني وياها للامام العسكري عليه السلام ركضت للشباك تبوس بيه وتبجي وتدعي هواي بعدين راحت للحضره وكعدت تصلي
بعدين طلعنا خارج المقام ورحنا لبيت اجره قيس
وبقينا يومين هناك
ام قيس مدمنه زيارات كل ساعتين واخذتني وزورتني
بعدين رحنا للأسواق وافترينا واني فاكه حلكي لان عمري كله ماشايفه هيج سوك جبير
وبالليل اجه قيس وجان يصيحلي
قيس
تعالي مهوشه
مها
ها اجيت
كام وفتح علاكه وطلعت عبايه كلش حلوه ولبسنياها واطاني بعد علاليك كالي هذني من الامام العسكري لان زرتيه
مها
ها يعني اجاك وصاحلك واطاك فلوسهن
قيس خرب من لضحك
قيس
ولج يمه وين لكيتي هاي الفاهيه ههههههههههه
ام قيس
هههههه يمه لاتحرج البنيه شمدريها هي مو كتلك كلش فطيره وفقيره
قيس
ادري يمه ادري يلا مهوشتنا روحي نامي وباجر نزور الامام الكاظم وخل اشوف شراح شكد يطيني حتى اشتريلج
أنت تقرأ
هيجان بحر الزمن
Chick-Litقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
