#هيجان بحر الزمن
# الكاتبه كاميليا
#البارت العاشر
بسم الله
صلو علئ النبي
سلام عليكم عمري شلونكم ..
متابعه لحسابي الواتباد. na_ba2003
دكيت دكات بالهاون
حتى التهي بدكات ناسي
الهاون كام ينسطر ويصيح اه جناحاتي
هاون ويشكي وجع ويون وي وناتي
واني بدكاتي ناسي اضم وناتي
اذا ونيت مثله زادت الدكات
دكات وجع
ونات ألم
عيوني طفرن حمر بشرار الوجع
اياج يادمعه تطفرين
وتكثر دكاتي
اتعلمي من الهاون طرق ولا تتعلمين تصيحين بوجع
طلعي نغمه ألم مثل نغمه فرح
حتى من انطحن ماتكثر طفراتي
وانطفر
وانجرع
غصات
~~~~~~~~~~
مها ....
مقدار الالم ماينوصف. صار عندي مثل الصرع يعني من انضرب اضل ثابته مااتحرك بس عيوني تلتفت واصابعي شوي تتحرك
كام قاسم جرني مثل الطلي من ايدي وشمرني بالغرفه
وكالي ولج ياغبيه شوكت تعقلين بس زين ماقصرت امي بتربيتج
بعدج صغيره جا شلون من تكبرين. الله يستر منجن مثل ماكال ابوي
بقيت متمدده بالفراش. والدم يصب من حلكي وعيوني غوشن احمرار ونمت راسا
للمغرب صحيت
بس ماكدرت اكوم ابد
سمعت ابوي اجه وفتح الباب وباوعلي
عاجل
طبعا مو غريبه هيج تسوي .هي عليمن طالعه غير عليج ياجلبه
صبريه
لا والله خاف ماتشتهي شوف جهرتك بالمرايه وباوعلها زين.هاي مو بتي ابد وشتردون تسون روحو سوو
عاجل
حجي يفيدج. الف مره كتلج بنات ماااريد عااارات مااريد. جم مره اصيح وانبهج
وهاج شوفي هاي عود الصبح تكعد قبلي وتسوي روحها متدينه من تكعد بصفي بصلاتي تهي بهي
صار الليل كدرت اكوم شوي شوي .دشداشتي لازكه بجسمي من وره جروح الصونده وتسعر عليي. كوه نزعتها وذبيتها بالطشت وترسته ماي وكمن اسبح
احس الماي صار احجار وحاره وتلسعني لسع كلما اصب ماي واني انز واطفر.
كوه كوه خلصت. بدلت وطلعت واباوع للمرايه
العيون مورمه شفايفي مكطعات وكصتي زركه وبيها خط مال الصونده. ايدها كلها خطوط حمر وزرك والجلد محكوك او مشلوع
رحت للمطبخ وكدرت اسوي حليب وكمت اثرد خبز وحليب واكل والحمد لله شبعت
رجعت الغرفه
تذكرت اليوم مارحت لام قيس ولا هي اجتني
بس شفت سفر طاس مالاتها
يعني جابتلها فطور وراحت
ثاني يوم صرت شوي احسن
ورجعت اشتغل بالبيت واتابع امي بالشغل والطبخ ومرات اني اشتغل
أنت تقرأ
هيجان بحر الزمن
ChickLitقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
