#هيجان بحر الزمن
#الكاتبه كاميليا
# البارت السابع
بسم •اللّـه ♥️
صلو علئ النبي ♥️
سلام عليكم حبايب ...
متابعه لحسابي الانستا والواتباد ...
na_ba2003
~~~~~~~~~~~~
مها ....
استعاديت وعيي .لكيت بصفي ام قيس وراسي ملفوف شاش ابيض وكلش يوجعني. ردت اكوم ماكدرت
ام قيس
ها حبيبتي كعدتي
مها
.وين اني وين
ام قيس
انتي عندي ابيتي يمه .امج بالمستشفى
مها
...ها.......عطشانه اريد ماي
ام قيس
سوده عليي .هسه اجيبلج عشاج واتعشي وشوي تجي جارتنا ام سجاد تضربج ابره
مها
.......اااااا...اخاف من البره اخاف
ام قيس
لا يمه لازم تنضربين ابره حتى تطيبين لان النهار كله مايعه روحج (فاقده الوعي )
مها
ها...ليش
ماسمعت جوابها هم رجعت نمت
كعدت اخر الليل وام قيس تروح وتجي وتصفك ايد بايد وتحاجي ابو قيس
ام قيس
يارجال شبيك معصب هسه تطلع امها وارجعها جا منو يداريها لهلطفله
ابو قيس
اني ميت من ابوها لاخلق ولا أخلاق ومااصدك هاي الطفله وامها طاحن من الدرج .والله هو كاتلهن ومكسرهن
ام قيس
كول ياالله ومايصير هيج تحجي على جارنا
ابو قيس
هاج شوفي كعدت الطفله كومي عشيها وبعدين سبحيها
واني راح انام
اجت ام قيس وكومتني وجابتلي عشه تمن بجزر وروبه
كوه اكلت
.راسي يصل صل احسه يريد ينفجر خلصت اكل وجابتلي استكان جاي شربته وكعدت شوي
راسا وراها بشوي اتقيات كلش .ركضت ام قيس وشالتني للحمام وهناك نزعت ملابسي وسبحتني وبدلتني دشداشه جديده ورحعتني للفراش
مااعرف شكد نمت عند ام قيس
اجت ام سجاد وسولفن سوه
ام سجاد
انتي صدك مصدكه طاحن من الدرج وليش البت عندج وامها ضلت بالمستشفى. لا داده لا .اكيد ابوها ضاربهن ومكسرهن
ام قيس
اني الي اعرفه هو اجيت للبيت ولكيت الباب مفتوحه
وشفت نوال تتفل على مها وتصيح كله منها هاي الفكريه. من اجت للدنيا واحنا يوميه عركه وطلابه بين ابوي وامي.
كتلها ماما اتعوذي من الشيطان
كالتلي
مها هي الشيطان خاله هي المصيبه هي الفكر
ماما راح تموت منها .
كتلها وين امج كالت اخذها بابا للمستشفى
ام قيس
جا وهاي الطفله شو مذبوبه هنا .ليش مااخذها وياها
أنت تقرأ
هيجان بحر الزمن
ChickLitقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
