#هيجان بحر الزمن
# الكاتبه كاميليا
بسم الله
صلو علئ النبي
مساء الخير عمري شلونكم انشاءلله بخير
متابعه لحسابي بطريقكم
انستا واتباد
na_ba2003
~~~~~~~~~~~
ابو علوان
ولج فتيله يفتيله
فتيله
ها ها شبيك تجوعر شصار
ابة علوان
وعرج كون.شوفي عجلج وين وله.خل اخذه وياي للولايه
يشيل وياي العلف والطعام للغنم
فتيله
خاف مثل ذيج المره اجاني يفرفرح من ظهره .لا لا ماتاخذ وليدي
ابو علوان
ولج يمره . صار عمره 30 سنه ولج كافي دللتيه. الي بطوله ولده معرسين
فتيله
يمه شدعوه 30 ماتشوفه بعده
لحيمي حتى شوارب مامش بيه
ابو علوان
اكلج صيحيله لا اطب واطلعه بالكرك وعلي
فتيله
اوكف شبيك مستعجل هسه اكعده الك
ركضت فتيله وكعدت علوان
كام هو مثل القرد يمشي ويسوي حركات عود هو بعده زغير ومايدري لن ابوه واكفله
ابو علوان
تعال جاي ولك
علوان
وياي بويه
ابو علوان
لا وي العجل مالتنا يلا لف شماغك وتعال وراي
علوان
اجف مااتريجت
ابو علوان
بالطريق اعلفك خوش كباب سوق بس امشي شلعت افادي
علوان
اذا هيج اني جدامك امشي بويه
صعدو البيكم وانطلقو
وهناك جان عاجل يفتر بالعمل ويحسب كواني الاعلاف والتبن وغيرها وتلاكه وي ابو علوان
هذا كيف بيه لان خوش معميل ودوم يشتري منه للغنم والهوش وكعدو يتحاسبون. وعلوان كل شوي وكال
بويه بويه تره جعت
ابو علوان
اصبر ولك ابو فج
كام عاجل وصاح للعامل
انته ياولد اخذ هذا الرجال للمطعم وكله شنو يريد اطيه ويكتبه على حسابي
نط علوان وكال
كباب ودجاج شوي
ابو علوان
انجب ولك واستحي ظل كاعد هسه نروح
عاجل
عفه عليك ابو علوان تردني
ابو علوان
لا والله موش قصدي احنا متريجين وهسه نروح مالو داعي المطعم
عاجل
ميخالف احسبها ضيافه
ابو علوان
اذا هيج ماعندي مانع
وركض علوان وي العامل للمطعم
وبقه ابوه وي عاجل
عاجل
اكلك شعجب ابنك هذا مارايح عسكري
ابو علوان
مسويله تقرير طبي لايصلح للخدمه العسكريه
عاجل
اني اخوك شنو مرضه
ابو علوان
عنده اختلال بالمخ. مرات يفقد ويتصرف مثل الجهال
عاجل
هههههههه هاي علينا مشوها. صدك هو متزوج
ابو علوان
ومنيه تقبل تأخذه
لابنات عمه ولا اخواله يردنه. اسكت يخوي السالفه مليوصه
أنت تقرأ
هيجان بحر الزمن
ChickLitقصه حقيقيه زمن ذلك الشي الذي يترقب منه الكل النهايه الا انا اترقب فيه تلك البدايه النهايه بعد طول عناء وقله صبر الياس فاجلس اترقب تلك الاله وهي تدق وتدق حتى يدق قلبي معها
