( Unicode )
[ မြေပိုင်ရှင်အလှလေးက ငါ့ယောကျ်ား ]
အပိုင်း (၁၇) : အညှာကိုင်ရင်း ယောကျ်ား ကို အနိုင်ယူနည်း
..............
ဟောက်ရွှမ်း တစ်ယောက် စျေးခြင်းတောင်းကိုင်ကာ အမေဖြစ်သူနောက်ကနေ စျေးဝယ်လိုက်လာရပါသည်။
နောင်တော် ဝမ်ရိပေါ် ကလည်း မပေါ့မပါးကြီးမို့ ဟောက်ရွှမ်း အမေ အဖော်ရအောင် စျေးခြင်းတောင်းကူ လိုက်လာခဲ့ခြင်းဖြစ်တယ်။
မနက်ခင်းမို့ စျေးက တိုးတိုးကျိတ်ကျိတ် နဲ့ လူစည်လွန်းပေသည်။
" ကြက်ဥ ၊ ဘဲဥ နဲ့ ဟင်းသီးဟင်းရွက် ဝယ်စရာကျန်သေးတယ်၊ သား ဒီနေ့ ဘာဟင်းစားချင်လဲ "
ကလေးအမေ တစ်ယောက်လို မထင်ရအောင် နုလွန်းသော မေမေကို ကြည့်ပြီး ဟောက်ရွှမ်း က အသာပြုံးရင်း မေမေ ပခုံး ကို ဖက်လိုက်တယ်။
" သားက မေမေ့ လက်ရာဆို ဘာဟင်းနေနေ ကြိုက်ပြီးသားပဲ။ နောင်တော် နဲ့ တည့်မဲ့ အစားအစာပဲ မေမေ ဝယ်ချက်လိုက်လေ "
" သားငယ်က အရမ်း သိတတ်နေတော့ မေမေ ဘာပြန်ပြောရမလဲတောင် မသိဘူး "
ဝမ်သခင်မကြီး ကြည်နူးအပြုံးများနှင့် ဟောက်ရွှမ်း ပါးကလေးကို ဆွဲရင်း နှစ်ခြိုက်စွာ ပြုံးမိသည်။
သူမ သားတွေက သူမတူအောင် လိမ္မာလွန်းတော့ မိခင်တစ်ယောက်အနေနဲ့ အင်မတန် ဂုဏ်ယူဝမ်းမြှောက်မိ၏။
" ဒေါ်ဒေါ် စျေး လာဝယ်တာလား "
အသီးအရွက်တန်းရှေ့ ရပ်နေတဲ့ ဟောက်ရွှမ်း တို့အနား စုန့်ကျိရန်က ရောက်လာရင်း ပျူငှာစွာ မေးလိုက်တော့ ဝမ်သခင်မကြီးက ပြုံးပြသည်။
" ဟုတ်တယ် သားရေ... အိမ်မှာ ချက်စရာ ကုန်သွားလို့ စျေးဝယ်ထွက်လာတာကွဲ့... ဒါနဲ့ သားကရော ဘယ်သွားမလို့လဲ "
မြက်ရိုးကို တိုးလိုးတန်းလန်း နှုတ်ခမ်းတွင် ချိတ်ထားတဲ့ စုန့်ကျိရန်က အနာဂတ် ယောက္ခမ အမေးကြောင့် မျက်နှာက ပြုံးဖြဲဖြဲ နဲ့ မျက်နှာပိုးမသတ်တော့ပေ။
YOU ARE READING
မြေပိုင်ရှင်အလှလေးက ငါ့ယောကျ်ား
Fanfictionဝတ္ထု တစ်ခုထဲ ပြန်လည်မွေးဖွားလာတဲ့အခါ အလှလေးက ငါ့ယောကျ်ား တဲ့။ သူ့ယောကျ်ား က အရမ်းလှတယ် ။ မြေရှင်ကြီး ရှောင်းကျန့် က အလှလေး XiaoZhan WangYiBo ZSWW