( Unicode )
[ မြေပိုင်ရှင်အလှလေးက ငါ့ယောကျ်ား ]
အပိုင်း(၁၃) : အလှလေးရဲ့ ပရိယာယ် ကောင်းမူနှင့် စိတ်ကောက်ပြေစ အကြင်နာအနမ်းများ ...
..................
ဝမ်ရိပေါ် အောက်နှုတ်ခမ်းကို ဖိကိုက်ရင်း အံတင်းတင်းကြိတ်ထားရသည်။ သူအရှေ့က မြင်ကွင်း က အလွန်ပင် စက်ဆုပ်ဖွယ်ကောင်းလွန်းနေ၏။
ဟိုတလောကပဲ အကြီးအကျယ် ရန်ဖြစ်ထားတဲ့ သူ့၏ တောသား က ထို မိန်းကလေး ရှေ့တွင်တော့ သွားဆယ့်နှစ်ချောင်းပေါ်အောင် ရယ်နေလိုက်တာများ မြင်ရတာ မျက်စိစပါးမွေးစူးလာစေသည်။
ဒီနေ့က ရိပေါ် လေး ဗိုက်ထဲက စုဗူးလေးအတွက် ဂုဏ်ပြုတဲ့ အနေနဲ့ ခေါက်ဆွဲချက်ကလေးကို အိမ်တိုင်း လိုက်ဝေငှဖို့ ရပ်နီးရပ်ဖများက လာရောက် ကူညီကြပါသေးသည်။
" ဝမ်ဝမ် ... ခေါက်ဆွဲဖက်တွေကို ဘာလို့ ဆွဲနေတာလဲ၊ ဒီမှာ ကြက်ချီးပုံလို ပြန့်ကျဲ ကုန်ပြီ "
ရိပေါ်မှာ ကျိုးကော၏ ဗျစ်တီးဗျစ်တောက် ဆူပူသံလေးကြောင့် အောက်ကို သေချာငုံ့ကြည့်လိုက်တော့ ပြုတ်ထားတဲ့ ခေါက်ဆွဲပြုတ်အဖက်များသည် ရိပေါ်ကြောင့် အကုန် မွှစကြဲကုန်တော့၏။
" ဝမ်ဝမ် သတိမထားမိလိုက်လို့ပါ... ကန်တော့နော် ကျိုးကော "
" ဟင်း... လုပ်ချင်ရာလုပ်ပြီးမှ တောင်းပန်မနေနဲ့တော့... ကျိုးကော ပြောသလို ငြိမ်ငြိမ်လေးထိုင်နေပါ။ ဝမ်ဝမ် က မပေါ့မပါးကြီးနဲ့ သက်သောင့်သက်သာနေ "
ကျိုးကော၏ ဂရုစိုက်မှုကြောင့် ရိပေါ် မျက်ရည်ဝဲလာမိသည်။ သူ အရင်ဘဝက ဒီလို နွေးထွေးတဲ့ အကြင်နာတွေ မခံစားခဲ့ရဖူးပါ။
ကျိုးကော ပခုံးနှစ်ဖက်ကို ရိပေါ် သိုင်းဖက်ထားလိုက်မိသည်။
" ကျေးဇူးတင်ပါတယ် ကျိုးကော... ကျွန်တော် အတွက် ကျိုးကောက မိသားစု ဆိုတာထက် ပိုပါတယ် "
" ဝမ်ဝမ် ရုတ်တရက် ကျိုးကောကို လန့်အောင် မလုပ်ပါနဲ့ "
ကျိုးကောက ရှက်ကိုးရှက်ကန်း ရယ်တော့ ရိပေါ်လည်း လိုက်ရယ်မိသည်။
YOU ARE READING
မြေပိုင်ရှင်အလှလေးက ငါ့ယောကျ်ား
Fanfictionဝတ္ထု တစ်ခုထဲ ပြန်လည်မွေးဖွားလာတဲ့အခါ အလှလေးက ငါ့ယောကျ်ား တဲ့။ သူ့ယောကျ်ား က အရမ်းလှတယ် ။ မြေရှင်ကြီး ရှောင်းကျန့် က အလှလေး XiaoZhan WangYiBo ZSWW
