_تاكس تااكس .
وقف التاكسي ركبت وطلعت الفون وانا بقول _ المعادي بسرعه .
لما ملقتش رد ولا حركه رفعت راسي لاقيته شاب وباصص عليا من المرايه وباين عليه انه مصدوم قولت بصوت عالي _ بص قدامك ويلا اطلع، ولا اقولك انا هنزل.
= لا لا استني خلاص هطلع .
اتنهدت وقعدت عدل مسكت الفون وقعدت اللعب بيه كنت كل لحظه والتانيه ابص عليه اوقات الاقيه مش باصص واوقات الاقيه باصص عليا من المرايه.
_ هي المدام منين؟
غمضت عيني بضيق وقولت _ خليك في حالك.
بص علي المرايه بطرف عينه وبعدها بص قدامه عده خمس ثواني وبعدها قال = هو انتي ساكنه هنا من المكان اللي جبتك منه؟
كورت ايدي بعصبيه وقولت _ملكش دعوه.
= لا صدقيني لو جاوبتي علي ده مش هفتح بوئي تاني هااا هو ده!
قولت بنرفزه_ لو ينفع.
= يعني هو!
_ ااه.
= يعني هو ده البيت!
_ ما قولنا ايوه .
= هو انتي ليه متعصبه كده من ساعة ما ركبتي؟
_ علشان متأخره ع.. وانت مالك انت سوق وانت ساكت.
= حاضر.
كنت هرن علي هنا بس صوته وقفني لما قال = اسمي زياد بالمناسبه.
ابتسمت ابتسامه بارده وقولت _ اقف.
= بس إحنا لسه موصلناش!
_ وانا قولت اقف.
= براحتك.
وَقف العربيه وانا طلعت الفلوس وحطتهاله مكان ما كنت قاعده وقولت وانا بفتح الباب _ فلوسك مكاني.
خرجت وقفلت الباب ورايا بعصبيه ومشيت وانا بمدت الحيوان ده هيخلني امشي كل ده ومفيش مواصلات دلوقتي ده انا ما صدقت لقيت تاكسي، كنت بنفخ بعصبيه ببص ورايا لقيته ماشي ورايا بالتاكسي بصيت بقرف ومشيت الناحيه التانيه لقيته ماشي في نفس الإتجاه اللي ماشيه فيه اتعصبت جامد وروحت وقفت قدام التاكس علشان يقف نزل منه وقالي = انتي هبله!
_ انت مالك بتمشي ورايا ليه؟
= حد جه جنبك ياست انتي انا ماشي عادي.
_ والله؟
= تصدقي.
بلعت ريقي ومشيت خطوه بعيد عن التاكس وقولت_ خلاص خلاص امشي انا اسفه
سبته ومشيت وانا بغلي.
الحمدلله لقيت تاكس غيره ركبت فيه ووصلت عند هنا لقيتها مستنياني في كافيه روحتلها قعدت قدامها وانا بقول _ هااا جايباني كل ده ليه ؟
= مالك في ايه ؟
_ ولا حاجه جايباني من مكان بعيد علي مله وشي ومن غير ما اعرف في ايه، وقلبي كان هيقف بسبب الخبر اللي مش هيستنه واللي مينفعش يتقال في الفون وبسبب الكائن الغرافي اللي كان في العرببيه.
ضحكت عليا فرفعت حاجبي وقولت بنرفزه _ اول مره اخد بالي اني بضّحك كده .
قالت وهي بتتضحك = لا لا سوري مش قصدي بس، مين الكائن الغرافي اللي بتقولي عليه؟
_ لا بالله ما تفكريني بلاعه مش بتتقفل لكلكلكلكلك خلاني اسيبه وانزل وطبعا احنا الصبح بدري هاا بدري ف مفيش مواصلات وقتي وانجزي قولي في ايه
اتنهدّت بحزن وقالت = جايلي عريس.
_ طب.... نعاااااام عريس عريس ياهنا طبعا انتي مش هتوافقي صح قولي انه صح عارفه لو وافقتي هعمل فيكي ايه ؟
= ماما وبابا مُصرين عليه بيقول انه شخص كويس ومتدين والصراحه هو مز .
قولت بشك_ يعني ؟
قالت وهي بتمسك كوبايه النسكافي علشان تشرب = هوافق .
_ هنا متهزريش!
= انا مبهزرش
