بقيت اركز في كل حاجه.
بقيت افتكر كل ايامي.
لحد ما عرفت اني وسط عيله مينفعش ازعل بوجودهم.
اكتشفت كمان ان مفيش حاجه اسمه ^حياتي وحشه^.
الكلمه اللي كنت بقولها علي طول، بقيت دلوقت بنكر وجدها، علشان شوفت جمال الحياه.
ركزت في الحلو شويه.
_ يلا هعملكم اكله، هتاكلوا صوابعكم وراها.
بضحك = لا احنا مش عايزين يجلنا تسمم.
_ كده، طييب.
ماما قالت - بس يابت دي ملك اكلها عسل.
ممكن بعض الحاجات تكون تافهه بس اثرها مش تافهه خالص، البسمه اللي بتترسم علي وشنا لما نفتكرها، والحزن اللي بيبقي في عنينا علشان عدتت ومش هترجع تاني، دي كلها حاجات من اجمل النعم في حياتنا، التذكر.
انك تقعد كده وتفتكر ايامك الحلوه، حاجه كده جميله خالص.
في مواقف بتبين مدي حب الشخص ليكِ، اه حتي لو كان موقف تافهه عادي، مجرد ما تفتكر الموقف تنسي زعلك وهمك وغمك.
ـ القطه ماتت ياهنا، ماتت.
اترميت في حضنها وهي قعدت تطبطب عليا.
انا كنت زعلانه بجد علشان كده هي متريقتش عليا كالعاده.
= مللللللللللللللللاااااك.
ـ ايه رن رن رن ماتهدي شويه اعسل.
= افتحي لي الباب حالاً بالاً.
ـ نايمين ياهنا، روحوا بيتكم.
= انجزي يازفته.
ـ صعبتي عليا بس علي فكره.
روحت فتحت لها الباب لقيتها واقفه ومعاها قطه شبهه اللي كانت معايا بظبط.
فرحت بيها اوي، ومن الفرحه ضربتها بالقفا.
انا كمان اكتشفت ان ربنا عمره ما بيعمل حاجه وحشه خالص، دايماً بقرأ جمله ^ رب الخير لا يأتي الا بالخير^
بقيت مقتنعه اقتناع تام بيها، بقيت افسر كل حاجه علي اساس الجمله دي، كتبتها في ورقه وعلقتها قدام السرير.
بحيث يعني اول ما اصحي اشوفها واتفأل باليوم، نوع من انواع التحفيز.
مبقتش اشوف اي حاجه بتحصل لي وحشه، ايوه بزعل حبتين تلاته بس بعدين بفتكر الجمله.
سبحان الله بجد بتيجي في دماغي لوحدها اول ما حاجه تحصل لي المفروض تكون وحشه.
شوفت جانب الحياه الإيجابي، لدرجة اني نسيت عيوبها.
لما بسلم نفسي لدماغي بقعد افكر، هي ازاي الناس مش شايفه كل النعم دي.
بتضحك طول اليوم ومع اول دمعه تتمني الموت.
انا مش هنكر اني كنت كده، بس دلوقت بقيت اشوف الحياه بامبي، بقيت اشوف جمال الضحك اللي ف اليوم وبنسي الدمعه اللي بتنزل.
بقعد افكر في الناس اللي حواليا، من كبيرهم لصغيرهم، وبحمد ربنا عشروميت الف مره انهم موجدين في حياتي.
بدايه من ماما وبابا اللي بنسبالي مفيش افضل ولا احن منهم.
لاخواتي اللي حبي ليهم مش طبيعي، اي نعم بنتخانق كتير بس احنا ملناش غير بعض، لو هنتشقلب كده عمرنا ما هنكره بعض، بحس كده ان الضحكه اللي بتبقي معاهم بتبقي مختلفه، بتبقي ليها طعم تاني، هي بتبقي احلي بكتير الصراحه.
لصحابي، دايماً بسمع ان الصاحب ساحب.
وانا بحمد ربنا ان صحابي ساحبني لطريق ربنا.
نظرتي للحياه اتغيرت كتير.
علشان بس فهمتها صح.
..........
_ نتفرج علي ربانزل.
= لا لا الجميله والوحش افضل.
_ اشطات.
اه عادي تفاهة اخواتي جميله وتتحب، لانها مشتركه بنا.
وقفت قدامي _ استني استني انتِ بتكلميها كده ليه إن شاء الله.
وقفة صحابي جنبي وقت العوزه، وروح البلطجه اللي بتطلع دي حاجه جميله خالص.
_ عمتااااااااااااي.
= ودني في ذمه الله، عايزه ايه يابت.
_ هاتشي حضن، وحشاني والله اختي.
ضربتني علي كتفي بخفه _ انتي بنتييي، ورحمه هي اللي اختي، نلتزم بدورنا لو سمحت.
مامتي التانيه تقريباً، اللي معتبراني بنتها، هي يوحي خالص اثلا.
..........
_ عندي يابت يارحمه شويه صور، جمااااادد.
= صور ايه!
_ صور قديمه كده، بس عسسللل
= وريهم لي كده.
ـ تؤ، اتحيالي شويه.
بحب ذل الاخوات اوي، شئ ممتع كده، وجميل، هي كل حاجه تخص الاخوات جميله اصلا.
= وبس، فهمنا كده!
_ اه.
بحب قعدتي مع بابا، بحس كده اللي هو ايه اكادُ من الجمال اذوب.
قعده كلها حنيه، نصايح، هزار، وراحه، وراحه، وراحه، ووسع كده، راحه، راحه راحه.
_ وده اللي حصل.
= طب متخافيش مش هقول لحد وانا هحاول احلها.
وبير الاسرار العمييييييييييييق اللي مفيش كلام يوصفه.
الام لوحدها نعمه، اللي بيتجمع فيها كل الصفات الجميله، اللي مهما دورت مش هلاقي ادفء من حضنها ولا جماله.
اكتشفت ان ربنا بياخد مننا حاجات وبيدينا في المقابل حاجات جميله خالص، بس احنا علشان بشر هُبل باصين علي الحاجه المتخده بس، ومش واخدين بالنا بالمقابل بتاعها.
.........
كلهم حواليا، ايوووه انا اللي طلبت منهم يتجمعوا وقفت _ احم احم.
بابا قال = استر يارب، في ايه!
= جمعتكم كده علشان اقولكم....
= ايهه!
_ علشان اقولكم....... اني بحبكم خالص مالص والله، واني اكتشفت اني محظوظه علشان انتم في حياتي، تصرفاتكم وكلامكم هما السبب فاني مش زعلانه دلوقت، واني شايفه الحياه لونها بامبي، واني عايشه سني وبغني وبحب الحياه،علشان عرفت ان مش كل حاجه وحشه،وان الحاجات الحلوه حولينا،انتم،انتم الحاجات الحلوه اللي حوليا، انتم اللي عمري ما حبيت اغير من نفسي قدامكم، عارفين انتم ايه،انتم سري سعادتي،انتم فعلاً وانا قاصده الكلمه حياتي،يعني من غيركم مفيش حياه بنسبالي.
اتنهدت بسرعه علشان كنت بتكلم بسرعه، ومع ذلك في كلام كتير حبه اقوله، حبه اقول ان هما سبب كل حاجه حلوه في حياتي، وان كل تفصليه عشتها معاهم عمري ما هنساها في حياتي، واني بشكر ربنا علشان وهبني النعمه الجميله دي، وهي هما، بقيت واثقه ان لو حصلي حاجه هلاقي اللي يقف معايا، عرفت ان سعادتي متكملش اللي بيهم، فهمت ان الحياه فيها حاجات كتييييرر اوي حلوه بس احنا نركز فيها وننسي الحاجات الوحشه شويه صغيرين قد كده.
عرفت ان رب الخير لا يأتي الا بالخير،عرفت ان هما الخير في حياتي.
عدت المشهد تاني، جمعت صحابي في خروجه رايقه كده ووقفت قداهم وبدأت اتكلم _ بصوا ياقطاقيط ياحلوين مبدئياً كده انا بحبكم جوي جوي، تعرفوا ليه.
مستنتش الرد وقولت = علشان لقيت فيكم الصحبه الصالحه، اللي بأذن الله هنكون مع بعض في الجنه برضوا، علشان لقيتكم شبهي، في طريقة تفكيري، لقيتكم متقبلني حتي بعيوبي، بهبلي، بعصبيتي، بحزني، متقبلني بكل حالاتي، علشان عرفت يعني صاحب لما شوفتكم، عرفت يعني ايه لما اشوف صورنا وفيديوهتنا ادمع، عرفت ان الحياه اجمل بكتير علشان وجودكم معايا، علشان انتم اللي مكملني، لما بزعل بهرب ليكم علشان عارفه ان حتي لو مقولتش هتعرفوا تفرفشوني، عرفت يعني ايه لما اقول ان صحابي اخواتي.
.........
ياربي، الحياه مطلعتش وحشه زي ما كنت فاكره، هي حلوه والله، بس انا اللي غبيه وهبله، نسيت ان ربنا هو اللي كاتبلنا العيشه دي، كفايه ان ربنا هو الكاتب، فاكيد مش هيكتب الوحش لعباده، بس احنا اللي عُبط ومفهمناش، مفهمناش ان رب الخير لا يأتي إلا بالخير، مشوفناش الجمال اللي حولينا، ومشوفناش النعم وكترها، تدري ليش؟ علشان احنا عُبط تاني.
#ملك_محمود.
#من_نبع_خيالي.
