_ حتي في دي هتغصب عليها، والله حرام اللي بيحصلي
= معلش يابنيتي، انتي عارفه طبع ابوك زين.
_ وايه اللي يجبرني اتجوزه؟
= حديت الناس اللي ما بيخلص
كنت هتكلم بس قاطعتني وقالت = بصي ياملك، هنا مش فنسا دي ولا اسمها ايه، هنا الصعيد، يعني عادات وتقاليد تمشي علي اتخن تخين فيك ياعالم، وده غير انك بنت، يعني لازم تسمعي الكلام.
عيني دمعت _ وهو علشان انا بنت اتغصب علي ادق واهم تفاصيل حياتي، واللي مينفعش حد يقرر فيها مكاني.
مسكت ايدي وقالت = بصي يابت بطني،انتي بنت اكبر شيخ في قريتنا، واللي كلمته بتتسمع حتي علي الغريب،مش هتيجي بنته اللي من صلبه تعترض علي كلام قاله، هيقولوا ايه الناس علينا، البت بعد ما تركتنا وسافرت تدرس برا أجت واتكبرت علي اهل بيتها، وبعدين ياخيتي انتي شوفتيه، والله الواد زين وابن حلال، ده كفايه انه ابن الشيخ عوضين.
قولت في وسط عياطي _ ده مش تكبر، دي حياتي.
حضنتي وقالت = فهماكي ودرساكي زين، واعرف انه مش تكبر، بس مش انا اللي قولت الكلام داهوّن، بصي يابنيتي في الصعيد هون مفيش تعليم للستات، بس انتي اتعلمتي احسن تعليم، والجواز يبقي اول ما تتم 18 سنه، وانتي عديت ال 18،وشاريك الحياة اختيار رجالة البيت، مش الست، هي دي عشتنا يابنيتي، وراضين وبنحمده.
اتنفست بهدوء وقولت _ انا عايزه اشوفه طيب، ينفع؟
سابتني وقالت وهي بتبتسم = ينفع ومينفعش ليه؟
مش معني اني بنت فانه لازم يتحكم عليا بالموت حتي وانا عايشه، حياتي انا حره فيها، اتجوز او اتطلق حتي، إن شاءلله اموت نفسي، محدش ليه دعوه بحياتي وباللي بعمله فيها، بس للأسف، انا اتولدت في الصعيد في قريه اهلها غلابه، كل علمهم ان المطبخ للستات، والشغل للرجاله، والمدارس اخرها ابتدائي، واهم حاجه بتعرفي تقرأي وتكتبي، بس انا كانت تطلعاتي اكبر من كده، كنت حبه التعليم والدراسه والشغل والسفر، مكنتش مقتنعه بالهري اللي بيقوله، وانه مينفعش ادرس، عرفت أ، پ، احمد ربي علي كده واقلب الصفحه، لصفحه تانيه كلها إجبار وغصب،قعدت اسبوعين بعد تخرجي من مدرسة الابتدائي اتحايل علي بابا اكمل تعليم، عملت اضراب علي الأكل والشرب، وبليل كنت بتسحب واكل عادي ، لكن علشان انا دلوعة بابا وماما فوافقوا، ولكن كان شرطهم اني اتجوز من اهل قريتي، واني منساش اصلي، وعلشان انا كنت طالبه متفوقه بابا قرر انه يكمل تعليمي في مكان التعليم في افضل ذا كان كده كده هتعلم، وبعد ما خلصت اعدادي سافرت مصر اكمل تعليم هناك بس كان لازم حد يجي معايا، وفي جامعه خدت منحه لفرنسا،كنت جايه لاهلي زيازه في الاجازه كنت عاملهلم مفاجأه، بس هما اللي فجؤني بقرار جوازي من ابن عمتي، زياد عوضين.
_ ادخل
فتح الباب ودخل قال = سلام عليكم يا آنسه ملك.
_ وعليكم، زياد صح.
مش هنكر انه كشكل حلو ومش باين عليه انه من الصعيد! بس الشكل مش كل حاجه.
قعد قدامي وقال = ابهه انتي تعرفيني كيف، وانتي عمرك ما لمحتي خلقتي حتي؟
ابتسمت وقولت _ ماما ورتني صورتك.
سكت شويه وقال بسرعه = ايه ده ايه يآنسه ملك انتي كتني بتبكي ياق؟
بأستغراب _ ليه؟
= عينكي منفخفين قوي قوي.
_ اه كنت بعيطت.
اتعدل وقال _ ابهه ومين اللي يستجري يخليكي تبكي وانا عايش.
قولت وانا ببتسم = شخص كده مش هعرف اقول عنه حاجه، ربنا يسامحه بقي، دمرني.
بص للأرض ونبرته اتغيرت = العياط ده بسببي صح؟
قولت بسرعه _ انت بتتكلم مصري؟
حمحم وقال بارتباك = انا؟
_ ايوه انت.
= اهو بنتعلم منك
_ انت لسه مقابلني دلوقت!
كان هيتكلم بس صوت ماما قاطعه وهي بتنادي عليا، طلعتلها وخدت منها كوبايه الشاي ودخلت تاني ركنتها قدامه وقولت _ انت هتوافق ليه وانت عمرك ما شوفتني اصلا؟
= مش بيدي واللع ياست ملك.
_ ممكن طلب بقي.
= اطلبي طبعاً
_ ملك من غير القاب ينفع.
= كيف يعني ميصحش هيك.
_ لأ يصح.
= اللي تشوفيه
كلمته في حاجات عني وساعات كنت بكدب في حاجات علشان تيجي منه هو ويرفض بس كان بيطلعلي حلول الأخي.
معرفش امتي وازاي باقت في ايدي دبلته من ساعة ما لبستها وانا شايفه الحياه سوده في عيني، اكتئبت فعلاً، الاجازه خلصت ومقدرتش ارجع لحياتي الطبيعيه تاني، ساعات بندم اني قررت افرحهم بشوفتي، واني في يوم قررت ارجع، ولو اقدر ارجع الزمن، كنت عمري ما هعمل كده.
بتمشي معاه في مكان كله عشب اخضر كده، بأمر من بابا طبعا كان بيحكيلي عنه وعن شخصيته وانا ماشيه مربعه ايدي ومش سمعاه هو بيقول ايه.
= ملك ياملك
_ هاا.. اه.. نعم.. عايز حاجه.
اتنهد بحزن باين وقال = مش عايز حاجه، قلقت عليكي بس.
_ معلش والله مكنتش مر.....
= متعتذريش.
قالها ومشي حسيت بحزن معرفش ليه؟ مشيت وراه لحد ما لاحظ كده ووقف لف ليا وقال = بتمشي ورايا ليه عااد؟
_ بخاف امشي لوحدي هنا.
ضحك وجه مشي جنبي ابتسمت ومشيت جنبه.
= يلا مبروك يابنتي
كنت بتنقل من حضن لحضن وانا ساكته، لحد ما وصلت عند بابا خدني في حضنه فعيطت عيطت جامد وانا بقوله _ مبسوط يابابا دلوقت.
طبطب عليا وقال = كان لازمن اعمل كديه، البنت منيكم، ملهاش غير بيت جوزها، وهنيه، جوزها يبقي قريبها.
لازم، لازم تدمر حياه بنتك، زي ما اي اب صعيدي بيعمل، الا اللي بيحس ببنته، وبيعرف قد ايه حياتها هتدمر، بحياة هي مش عايزاها، بس لازم،لازم توافق.
دخلت علي اول اوضه قابلتني نمت من غير ما اقلع الفستان مكنتش ولا عارفه اعيطت ولا عارفه اصرخ، حتي مش عارفه اضحك،كل اللي عملته اني نمت، نمت وكنت بتمني اني مصحاش للواقع تاني، وافضل في حلم رسمته في خيالي.
صحيت الساعه 1 كنت متغطيه وانا فاكره اني مغطتش نفسي امبارح، ملقتهوش في البيت، اكيد نزل يساعد ابوه في الخيض، حسيت بأسف عليه علشان نزل من غير فطار، هو ايه ذنبه في اللي بيحصلي، هو مجبور زيه زي،غيرت وعملت ساندوتش ورجعت نمت تاني صحيت علي صوته وهو بينادي عليا = ملك ياملك جيبتلك طعميه يستهلوا حنكك، قومي عااد بلاش كسل بقي، هحط الأكل عبال ما تفوقي.
قومت وابتسمت علي لطافته لا ارداياً، غسلت وشي وطلعتله لاقيته حاطت الاكل علي جريده في الارض مكنش لسه حاطت باقي الحاجه دخلتله المطبخ وقولت _ روح ارتاح انت انا هحطهم.
= لع انتي تعبانه، انا خلاص خلصت.
خدت الطبق من ايده وقولت _ ده دوري انا
متكلمش جه ورايا وقعد جبت الفول والبتنجان وقعدت قدامه.
شويه وقال = معلش لو الفطار مش هو بس اهو اللي بقدر عليه بجيبوه.
ابتسمتله وقولت _ ده احلي فطار اكله علي فكره، ابقي هاتلي منه كل يوم.
ابتسم، هو مش وحش، بس انا اللي مش قادره اقتنع اني خلاص بقيت ست متجوزه من راجل صعيدي،هو بيحاول علي قد ما يقدر يفرحني، وانا بحاول علي قد ما اقدر ابينله اني فرحانه، هو لطيف اوي وفعلاً يتحب،بس مش هينفع احبه، لاني مش شبهه.
عده شهر، وهو وعدني من اول اسبوع انه هيطلقني،بس خوفت، خوفت من لقب مطلقه، الموقع اللي انا فيه اني اطلق دي مشكله عويصه، ومصيبه ملهاش حل، هيبقي بنسبه ليا بصمه سوده في حياتي مش هعرف اعيش بعدها، علشان انا عايشه في مجتمع، الطلاق حريه للرجاله، وعبوديه للستات.
معرفتش اقوله لأ لاني خايفه، لاني انا اللي غلطانه، كان ممكن اواجه، وا قف قصادهم عن تدمير حياتي، بس الوقت فات في الندم والحسره،مبقاش ينفع لا الطلاق، ولا الجواز.
= اجيب مسلسل ايه؟
_ اللي انت عايزه.
ساب الرمود من ايديه ولف علشان يبقي قصادي بظبط مسك ايدي فجأه، ايدي ارتعشت، فشدتها بسرعه وخبيتها بكم التيشيرت اللي لبساه وقولت _ بفكر نجيب مسلسل المداح، زمانه شغال.
كنت باصه علي التلفزيون ولما بصيت عليه بطرف عيني لاقيته بيضحك بصوت مكتوم
قال = طب بصي عليا حتي!
بصيتله بتردد فقال = بقي ياشيخه بقلنا شهر وي، متجوزين، وانتي ليل نهار نفس البوز اللي ميبفرقش وشك ده، ما تفكي عاد.
اتنهدت وقولت وانا باصه بعيد_ انت بنسبالك عادي لانك شاب، هتتجوز هتتطلق، مش هيفرق معاك،روتينك زي ماهو، حياتك مش هتتأثر، لكن انا، بحكم اني بنت، لازم اتعذب في كل قرار باخده في حياتي، المجتمع تفكيره مش منطقي، بس ساكتين، هنعمل ايه بدنيا فانيه.
بصيتله وقولت _ انت تعرف انا مش عايزه اطلق، مش حباً في الجواز، او اي حاجه تاني، لأ، ده خوف، خوف من المجتمع اللي مبيرحمش، وخصوصاً الصعيد، القريه اللي ربنا قدرلي اني اتولد فيها، حتي لو مكنش ليا ذنب، هتلام، ليه، لأني بنت، لمجرد اني انثي، ضعيفه، مبتعرفش تاخد قرارتها، لازم كل اللي حواليها يقرروا عنها، وهي لازم تقول حاضر وبس، حتي لو مش عايزه، تقدر تقولي انت لما تطلقني، الرجاله هتبصلك بقرف، ولا هتخاف تنزل الشارع علشان متسمعش كلام، لأ خالص، انت هتعيش حياتك، وكأنك متجوزتش اصلاً.
=...:'
قومت وانا بقول _ انا هنام لاني تعبت من التفكير
وقفني صوته = كل ده ليه؟ لأني صعيدي؟ لأن تعليمي علي قدي؟ياستي مقلناش حاجه تسافر وتتعلم، لكن تتكبر علي اهلها، لع والف لع كمان، معاكِ في كل اللي قولتيه، بس تقدري تقوليلي انتي هتعملي ايه لو تعياشتي مع الموضوع، هقولك عل حاجه واعتبريها زي ما تعتبريها، الصعايده مش قليلين، دول يشرفوا بلد.
دخلت الاوضه ومردتش عليه، محدش هيفهمني، ولا هيحس بيا.
صحيت تاني يوم الساعه 6 علي المنبه، حضرتله فطار وكويتله جلابيه علي ذوقي،علشان بقاله كام يوم ميبلبسش جلابيب، استنيت الساعه تيجي 7 وصحيته بهدوء، متكلمش معايا زي العاده، ولا قالي صباح الخير ياعود فرنسا زي كل يوم علشان يخرجني من المود، شكلي زودها، فكرت كتير بليل، عرفت ان مغيش ملجأ ولا مأوي غيره، معرفتش اجيب حل مناسب، لحد ما قررت اني مش هتطلق وهرجع لأصلي اللي نسيتهه بقالي سنين، فعلاً مالهم الصعايده يعني، دول زي القمر والله، ولا طريقته لما يحاول يخرجني من المود... قصدي طريقتهم، عسل والله ياناس.
كالعاده كنت بنام لحد ما يجي بس النهارده قررت انزل واروح عند اهلي، هو جابلي شقه زي ما كنت عايزه ومخلنيش اقعد مع عيلتي اللي هما عيلته،كنت لسه هخبطت بس سمعت صوته جوا بيتكلم مصري زي الفل وبيقول = شفتي يامرات خالي، بدأت تفك، ده النهارده صِحيت بدري وعملتلي فطار، وكانت بتحاولي تشاكلني، حسيتها اتغيرت فجأه.
= الله ينور عليك، خليك هيك لحد ما تفوق وتفتكر هي اصلها ايه وفين.
شهيق زفير، شهيق زفير.
مدخلتش سيبتهم ومشيت، بقي انا يتعمل عليا لعبه، ماشي، ماشي يازياد بيه انا هعرف اتصرف معاك، وماما ماااشي، مردوده.
روحت البيت لبست جلبيه وعملت ضفيره وربطت شعري بشال علي شكل فيونكه، رنيت عليه وقولتله ميجبش اكل، دخلت المطبخ وبدأت اعمل صنيه بطاطس، قطعت قرنين فلفل احمر وانا عارفه انه مبيحبش الحاجه الحراقه، وكترت الفلفل الاسود علشان هو مبيحبهوش برضوا.
حضرت الأكل واستنيته لما جه فتحتله الباب بدلع وقولت بلهجه صعيديه_ اتفضل ياسي زياد عوقت ليه؟
بأستغراب= مالك يابت، ماتتعدلي.
_ جوزي وبدلع عليه، فيه مانع
= طب وسعي عااد انا هفتان وما صدقت وصلت.
_ الأكل جاهز، من بدري، اسخنهولك.
= لع لع هاكل وانام.
دخل وقعد وقبل ما يبدأ اكل قال = ايه مش هتاكلي
_ لع، عيب ميصحش، اما انت تخلص انا هاكل.
= لع تعالي كلي معي.
_ لا يازياد.. اوبس اسفه، ياسي زياد.
= بقولك تعالي كلي
قعدت وقولت _ اللي تشوفه
كنت بقطع اللقمه ومكلتش يعنيي ده شكله جعان،بس هسيبه يأكل منها،لانه يستاهل، كنت عايزه اشوف رد فعله مع اول لقمه ياكلها
اتكلم مصري = هاااا هاااا، يخربيتك ايه ده، حاطه كيلو فلفل، متعرفيش تتزفتي متتزفتيش
قولت وانا بقوم وبشد الشال اللي غلي راسي _ يوووه يقطعني،نسيت انا.. .
لفيته علي رقبته وقولت _ انا يابن سعديه تضحك عليها، وتلعب عليها اللعبه الحقيره بتاعتك دي.
= ااه هتخنق
_ وماما معاك، ده انت نهارك زي وشك.
شال ايدي ولفني قدامه وقال وهو بيحاول يتنفس = انا... انا..
دخلت المطبخ وجيبت كوبايه مايه مديت ايدي له خدها وشرب بسرعه.
حطيت ايدي فوسطي وقولت _ انطق.
=بصي ياجحشه انتي، مرات خالي أمرت وانا نفذت.
_ نفذت ايه بقي؟ وليه؟ وازاي؟ وعلشان ايه؟
= علشان تتعلمي ياعسل.
_ وبتتكلم مصري ازاي هااا ازاي؟
بتناكه = امال انتي فاكره انتي لوحدك اللي اتعلمتي وسافرتي.
_ اااخخ عايزه اخنقك، انا مش طيقاك يالا، بكرهااااك
= براحتتتك برااحتتك
_ هتعمل ايه يعني؟
طلع من جيبه شوكولاته وقال = انا هروح اديها ل...
شدتها منه وقولت = تديها ليا.
ضحك وقال = مانتي بتكرهيني
تنحت وقولت _ ايوه صح
= وربنا هبله
كلت حته وقولت _ ليه طه تعمل فيا كده طه، وخلتني اعيش في فيلم هندي، وماما ماشي والله لابوسها
قعد وقال = فرحتي، لما عرفتي اني متعلم، واني بتكلم مصري، واني زيك.
_ لأ بس..
= ملك انتي كانت مشكلتك في انك هتتجوزي واحد صعيدي مش متعلم متنكريش
قعدت قدامه _ الصراحه أه
= هما مش بالوحاشه اللي انتي متخيلها علي فكره،دول طيبين اوي والله، وده أصلك متنسيش، كانت مهمتي افكرك انتي ايه، احسن عيشه الاجانب تنسيكي.
_ اشمعنا انت يعني؟
= علشان انا اللي فاهمك ياملك، وانا اللي جربت عشيتك برا، وشفت الناس برا.
_....:'
= انا جعان، قومي شوفي حاجه نطفحها جوه بدل الاكل اللي بوظتيه ده
_.. بقولك ايه ماتنزل تجبلنا كده طعميه من اللي بيستهلوا حنكي كده، اللي عند الواد شحاته ده عرفه.
كلام الناس قبر في الحياه..💔
#من_نبع_خيالي.
#ملك_محمود.
